ღ我的戀愛歷程----初戀-2004年ღ

上回講到...我係宿舍不但佢冇既照顧...仲要比佢不斷的打擊,不斷的令我痛心....
當時個種寂寞同辛苦真係有諗自殺左算架啦....但係1諗到媽咪咁辛苦,而且1句怨言都冇就打消念頭。話說2月個陣...我可以離開宿舍...可惜同時間...我突然發高燒...無端端又住左3日醫院....

當出院個陣媽咪同佢黎左接出院...都開心架....但係原來佢黎接我...係想我陪佢出去灣仔行街,,,(當時係瑪麗)
做媽既梗係唔比啦...仲要岩岩出院,身子又虛又凍冰冰...我好記得我個日超級咁凍...
最後我番左宿舍拎番未拎既野.....就同媽媽番屋企...固之然...個位大少又黑哂面咁對我啦,成程地鐵唔出聲啦,
去到金鐘佢自己轉左車...我媽就不斷的哦哦哦...個陣個心真係好煩....
到左粉嶺個陣收到佢電話,佢話要拎番條頸巾..個陣真係大到頭埋...咩頸巾...先望望自己條頸-口-洗唔洗咁絕呀...當時真係咁諗,我同媽咪就坐係等呢位大少足足半個鐘就係為左拎番條頸巾....(如果有人知粉嶺站係點設計既呢,其實如果個日好凍真係好食風...因為個度得好少地方係實芯..)就係為左等呢個黑面大少....攪到阿媽又哦我啦....

隔左半個月...我正式番反學...同學之間係度猜疑我做咩唔番學又成個D 野啦...反正我只係入宿舍又唔係做咩唔正當野所以....1路都冇理佢地...[入宿舍係因為我需要短暫既休養,個胃之前成日出事]

係04既2/3 正正係我地既拍拖紀念日....當時真係滿心歡喜,始終有成4個月冇同佢去慶祝呢D 日子...加上我又用左好多心機摺左樽星星比佢[或者你地會覺得又係星星你悶唔悶D 呀,但係個陣學生妹又冇錢又何來咁多心思諗送D咩;都行左咁多年....咩都送過哂,真係諗唔到啦]但係星星係有意思架...我想話佢知,我對佢愛同樽星星一樣係滿滿的...
個1日佢好準時咁接我放學...當我滿心歡喜拎份禮物比佢個陣..佢冇開心不突止....仲要突然好正經咁話...其實我今日係有D 想同你講....這個紀念日真的很驚喜...驚得我呆了..

佢話...係我入左宿舍咁耐...佢真係好寂寞,好孤獨....好似有女朋友等如冇女朋友咁樣,個陣真係好唔開心...(心諗你寂寞?我又何嘗唔係...你起碼可以自由自在周圍行...我就要獨留係宿舍...個個星期...最期待就係星期日...因為你可以接我出宿舍...我地都叫見過面呀?你竟然同我講你識左個ICQ 女仔...仲要約左人去街....)

個陣...真係Down 哂...愈聽愈軟個人...佢仲要同我講...佢地過馬路個陣...佢拖住個女仔行...因為個陣佢當左個女仔係我...崩潰啦.....連份禮物都跌爛左...當我開始有番感覺之際...我只係識跑番屋企...
佢不斷搵搵搵...我第一次咁絕唔聽佢電話....[或者你地覺得拖手唧...有咩問題?其實諗番轉頭都係架...但係佢話個陣以為係我黎,究竟你當左個女仔係我牙,定係你當左佢係你條女呀,仲要同講條女都唔錯,不過而家冇搵你!Oh My God]個陣個腦好亂咩都唔知只係識得喊...足足3日佢冇搵我....我已經開始死心...點知有1日..佢黎左接我放學...好快咁捉左我走....都黎唔切反應已經比佢....個陣真係咩都心軟哂....都唔叫識嬲...最後又一齊番.....

到左同年6月....我朋友介紹了以前1樣係同校既人我識....大家玩得好癲.....足足玩足2個月....到左8月佢突然有次約我去街,我開頭以為佢係約左成班人原來佢只係約左我1個...或者個陣我心只有報復...由個日開始我地就戀愛了8天.....你冇睇錯.....只係甜蜜左8日..佢就同我講分手...真係幾唔開心架...但係冇幾耐又同番呢個黑面大少1齊番....隔左1個月....1個舊同學生日...又令我同番個個男仔1齊...1個月又分開....由個次開始.....我開始覺得原來戀愛唔係1定要用心愛....玩玩下咪幾好囉....用心愛咪只係慘敗收場...打後....我就不斷開始我既散拖生活.....我唔需要真係好愛....只需要你對我好.....

好記得呢年同樣好凍.....可惜我已經唔識得凍.....因為本身我已經開始變得心冷了.....

請待2005年