2008年1月26日 星期六

失控.........

原本平平淡淡既一個星期,竟然變左我係公司第一次喊....

其實都係比我阿頭話左幾句...平時我做錯野...我都會比佢鬧

係今日唔知點解完全控制自己

突然之間狂流d 眼淚....想收都收唔到...

好似開左水喉...公司媽媽見到就梗係叫我唔好喊啦

點知就愈喊愈勁....收到收唔到

我阿頭見到我喊就梗係忟啦....仲叫我即刻收工Tim

個陣我一聽到佢咁講,我即刻企係身,佢轉聲就叫我同事仔幫我拾..但係我都唔係諗住走...我認為點都做好自己本來既工作....雖然有個衝動咁唔岩就唔撈囉...

之後我收好心情.....媽媽一問我野....又失控.....我話唔好同我講野

佢問我食唔食野...我話唔食....

去左Filling個陣仲勁.....失控係咁喊....好似壓左好耐既眼淚爆哂出黎....連自己都唔知自己咩事.....

最後落左葵芳Shopping.....要張太等咁耐真係唔好意思......Shopping 完係好d 既心情...明天再戰東門.......媽媽讓你擔心真係唔好意思.....

唉.....點解我d 情緒可以變咁咁恐怖.....連自己都控制唔到.......

12 則留言:

  1. 你冇事呀???? 唔好唔開心啦~!!! 快d笑返先!!!! 我最近心情都唔係好,成日大上大落.... 唉!!! 仲之快d開心返呀!!知道未~?
    [版主回覆01/27/2008 12:11:00]而家好D啦.....收番D 眼淚啦
    連自己都唔知做控制唔到...你話我之前有唔開心都話
    你知唔知我琴晚發惡夢發夢見到阿頭同老闆我唔想做呀!!!驚到醒左....嚇死...我有時D夢好準架...點算呀!!!
    唉.....希望唔會再失控啦

    回覆刪除
  2. 唔好唔開心,去行下街食下野諗多d開心ge野
    個阿頭真係衰,一d體諒都無態度咁惡劣,去鵝頸橋dup佢姐!
    [版主回覆01/27/2008 12:12:00]去左葵芳狂買野囉....雖然都係買左2件衫一對鞋...50隻CD-R
    或者佢嬲緊我仲喊好似佢鬧錯我咁....佢咪更嬲囉....
    冇野既....我諗我會冇事...

    回覆刪除
  3. 做咩咁失控 um !? 做得唔開心, 又鬱咗好耐 ?
    唔開心要講出嚟呀 ! 唔好收埋 ! Come on !
    [版主回覆01/27/2008 12:13:00]講唔開心....又真係唔覺...係真係做得好攰...有時好多壓力咁囉
    但係唔知自己做咩事...連自己都嚇親...完全失控呀!!好似開左水喉咁....唉....

    回覆刪除
  4. 小魔怪:係人都有錯,唔好怪自己,開心啲做人 ,我知女人係好眼淺 講笑咋,唔好介意。
    [版主回覆01/27/2008 12:14:00]我的確好眼淺...我睇睇下台劇都會喊
    我番到屋企同大肥講...冇野呀~我一定唔會理你喊,愈理你,你會愈喊得勁.....咁架而家D男人

    回覆刪除
  5. 我都係好易喊呢.............. 所有嘢都因為積壓太耐自己唔知啦~~~~~~ 我之前有一段時間都係咁, 呢排叫好少少啦, 不過我都認為喊咗出嚟發洩咗會舒服d嘅~~~~~~~ take care la~~~~~
    [版主回覆01/28/2008 09:09:00]真係突然間唔知做咩事,好突然咁失控
    係咁喊....仲要喊唔停....唉...希望我喊完會好d啦

    回覆刪除
  6. 係咩事呀?錯人人都會犯,唔死得人既就有補救方法,補救到就沒事了吧.下次小心一點,唔好再重複犯錯就得啦.
    下次想喊果陣,試下昂高頭同個天講,我唔會比眼淚掉下來,之後忍住.我試過,係得既.
    [版主回覆01/28/2008 09:12:00]我阿頭話我掛住同同事講野...唔做野...
    但係我又同番當時人傾番...佢都話我地對話3句都冇....真係唔明點解會話我地傾計....
    平時佢鬧我點都忍到...係前日真係忍唔到,...我都有同自己講....即使唔開心都唔可以喊出黎......都唔知點解今次會咁失控...唉

    回覆刪除
  7. 睇黎你抑壓左好耐...有時唔覺唔覺會壓得好辛苦架...得閒比自己多d relax下啦~唔係會好辛苦!!!下次做野小心D,加油呀~
    [版主回覆01/28/2008 09:15:00]我都覺得係...可能自己本身抑壓左好耐既情緒,自己又唔知....一下比人話一話攪到失控哂...加上佢又係我同事大大聲聲鬧我...所以我梗加喊得勁啦....我呢2日都比自己Relax 左好耐
    我2日用左600蚊啦

    回覆刪除
  8. 我已前都試過好似你咁, 明明想忍住d眼淚, 但不知不覺地係咁流, 其實咁樣都係一件好事, 將唔開心既野減曬出來, 好過屈住屈.
    而我同你一樣, 都係shopping之後就無曬事lu.
    [版主回覆01/28/2008 09:17:00]但係我情願係冇人知既情況下喊....都唔知比人知....而家係佢面前喊咪攪到佢好似鬧錯我咁,不過公司媽媽都話佢都有唔岩既地方,佢d 語氣真係過火左.....唔屈住係好....但係要係咩人面前囉.,..

    回覆刪除
  9. 發洩咗咪好囉.可能係你阿頭鬧你,覺得委屈所以喊得咁勁.
    喊出黎好過谷埋谷埋呀.
    [版主回覆01/29/2008 09:10:00]我都覺得係....我係內心覺得佢鬧錯左我...所以就一下不可收拾啦....因為同事仔係同我講野個個...佢話我地對話都係3-4 句....又唔係企哂係身講...真係唔明阿頭點解咁惡,又或者而家好忙...個個都攰又辛苦...就爆d 唔好聽既說話出黎啦

    回覆刪除
  10. 有時工作的不愉快事太多,不要放在心上,只要自己盡力了,就不用怕啦!
    [版主回覆01/29/2008 09:11:00]知道了...謝謝你西門兄...

    回覆刪除
  11. 會唔會你之前一直有d唔開心野,今次先會喊?/點都好過去了~~開心d啦
     
    [版主回覆01/29/2008 12:23:00]其實我都有諗過呢個問題....但係又真係冇唔開心野發生...連自己都唔知做咩野....勁似撞左野囉真係

    回覆刪除
  12. 哎呀,你依家冇事麻,嚇死我!
    我之前都會咁樣,係屈埋屈埋架咋,呢D自己控制唔到既!發洩左出黎先好呀,down一兩日就冇事喇!
    [版主回覆01/30/2008 09:04:00]冇事冇事,玩足2日....而家冇咩事....但係都諗唔明點解個日會咁...唉....

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...