深圳一日遊......

今日約左出同事仔上大陸玩,雖然叫做去玩...實際我地係Shopping團xdd


12:45左右同事仔到左粉嶺等我,嘩...今日d對換率真係好貴..112.5對100蚊呀!!!因乜解救d 人仔會升得咁快,好在我一早同媽媽兌左...呵!!!


上到大陸已經覺得自己好大鄉里....因為發現同之前一出羅湖關口,就好驚奇咁..講...點解唔同左樣既...點解冇左d 人拎住d 牌既,同事仔笑我...你真係好耐冇上過黎....呢度變左好耐架啦....-口-


跟住我地搭地鐵去老街xdd去東門....一出已經好多人...我好似第一次出城既小女孩...我地兜左2個商場...就去同事仔整開個間甲度整甲...點知去到....爆到瀉呀!!!傾好價錢...又要兜番個幾鐘...兜左個幾鐘期間行左幾個商場買左個袋...買左2件衫...買左對絲物...兜都幾兜食下小丸子,食下m記Pie 真係6蚊2個架xdd但係冇Apple Pie囉....上番去整甲度.....點知仲要等多半個鐘.....傾傾下計到我地啦...諗住整埋腳啦.....查左酒紅色加下d閃粉仔又幾靚喎....講講下朋友話想電髮,因為香港太多人整唔到,整甲度介紹我地落去樓下整頭啦....朋友要整我都陪下佢啦...我就拉直囉......100蚊都抵玩既.....前面d 陰拉直左....係唔同左好睇好多......但係第2日側面已經唔直啦...好在前面都仲ok....真係驚洗完頭就-口-....算啦....同事仔都話100蚊當玩下囉.....


當整完頭都9點幾啦.,...上番去整甲...整完10點45! 2個人....2手2腳 110...抵玩啦...我仲要整左水晶甲...xdd


即刻趕去搭地鐵...好在整甲度個阿他肯帶我地去地鐵站咋...我地一落番出面已經震到嘔...細佬話佢唔凍....因為佢鄉下係廣西係得零下幾度.....雪都有幾層厚....同事仔話你d 唔咸唔淡既普通話都可以細佬傾到計xdd


最後......我地11點30落番香港......11點50番到粉嶺....番到屋企......唔係比阿媽鬧.....但係比大肥鬧到乜咁......唉.....點收科......


留言

  1. 嘩....... 你happy到忘晒形喎......... 難怪比人鬧啦......... 不過算啦, 哦一陣就冇事架啦~~~~~~~ 下次唔好啦~~~~~ hehe~~~~~
    [版主回覆01/29/2008 09:13:00]玩足12個鐘喎.....仲要上東門...2個咁危險...佢又搵唔到....出哂煙咁濟呀!!!而家d 火仲未救得熄.....我已經買左3包煙仔比佢架啦....都降唔到火

    回覆刪除
  2. 真係玩得好盡興喎,我都好耐無北上尋歡喇~
    [版主回覆01/29/2008 09:15:00]我除左跟屋企人番鄉下外...今次係第2次自己上大陸玩咋
    第一次跟男友去按摩.....今次就跟同事仔去玩

    回覆刪除
  3. 你整水晶甲要幾錢嫁? 整得靚唔靚呢!
    [版主回覆01/29/2008 09:16:00]我同事仔幫我講價,60蚊包埋每指3粒石同駁甲..整埋腳囉~~我有影相....等我得閒放比你睇...

    回覆刪除
  4. 大陸係咪好凍呀...我唔敢上去住。你玩到咁夜實比人鬧啦~~不過佢地都係關心你安全啫,一陣就冇事啦
     
    [版主回覆01/29/2008 12:55:00]個晚夜晚真係好凍....或者冇哂人所以真係凍到震呀!反而下午就好熱....好多人係咁迫...所以唔凍啦...係囉....我都冇諗住咁多人....都冇諗住整到咁夜.....所以佢鬧我...都冇出聲由佢啦...

    回覆刪除
  5. 佢唔知你上去咩?你上去之前冇話比佢知咩?如果冇,你就抵鬧喇.我都唔幫你喇.
    [版主回覆01/29/2008 13:06:00]佢知呀,佢冇諗到我整甲整足12個鐘....我出門口有SMS 佢....但係我又冇拎電話,佢又搵唔到...又唔知我係上面係比人偷左野...定比人捉住...佢多多野諗啦仲之...我一落番HK 即Call 佢手提...佢自己又要熄左機....番到屋企即CallBack 佢時,佢已經打左黎....一句打黎....你去左邊呀?幾點呀而家,你知唔知人地擔心你架....都唔到我講野呀,我唔叫佢上去...係費時佢朝早先係上面落黎...未抖夠又陪我上去坐咩...整甲幾哂時間先得架...

    回覆刪除
  6. 我都去左澳門玩,又係凍到咩咁...不過睇你玩得盡興D啵...我就凍到冇晒心機玩落去=0=
    [版主回覆01/29/2008 21:57:00]我係下午上去著住你送比我件褸上去就覺得好熱....夜晚走個陣就凍到震
    或者2個女仔去買野啦....同埋同事仔個口又真係好鬼掂

    回覆刪除
  7. 人生開心就得啦!女仔始終喜歡去買野SHOPPING既!
    [版主回覆01/29/2008 21:58:00]你說得無錯....一日已經用300蚊人仔....最衰人仔貴左咁多...唔係仲洗得開心D呀

    回覆刪除
  8. 哎呀,你咁就唔岩喇!仲乜唔帶電話上去呀?傻妹,咁樣係人都會擔心你喇!你比人鬧就應該既,調番轉你都會鬧到佢隻野咁啦,係咪?下次唔好喇。
     
     
    [版主回覆01/29/2008 22:02:00]我擔心比人偷電話嗎....之前同佢去旅行同佢上大陸佢都知我唔會拎電話!我一落到羅湖即刻打佢手提.....又點知佢唔開機喎,仲要鬧我做咩唔打佢屋企呀!!!.....下次都唔敢再上去啦....咁鬧人呀~

    回覆刪除
  9. 小魔怪:你又係,做咩唔打個電話比佢話佢知你上大陸嗎?比人鬧啦! 你就唔岩啦!
    [版主回覆01/29/2008 22:03:00]佢一早知我會上去架....我出門口前都SMS 左佢我而家上去咁架.....佢怪我唔拎電話上去...佢搵唔到我咋

    回覆刪除
  10. 下次記得係大陸個邊打個電話話比佢知, 你返緊落黎咪得囉..
    我諗佢都係擔心你先嬲咁耐者...下次唔好喇...
    [版主回覆02/05/2008 21:45:00]我唔識係個邊打電話番hk

    回覆刪除
  11. 邊個叫你唔乖呀 ! 玩到咁夜 ! 仲要係响大陸 ! 深圳都係咁話呀~! 人地擔心加麻 ! 下次咪玩咁夜啦 !
    [版主回覆02/05/2008 21:45:00]嘻....真係幾唔岩既

    回覆刪除
  12. 你下次唔好啦~!! 咁佢都因為係擔心你所以先話你je~ 如果換轉係我玩到咁夜,我男朋友真係會鬧死我...
    [版主回覆02/05/2008 21:44:00]係呀....真係擔心到我.....足足打左十幾個電話黎

    回覆刪除
  13. 我未同過朋友上大陸呢,因為我好驚,同家人上都好驚。佢地成日講埋d野黎嚇我,話d大陸人好狼死,見到你戴隻靚dge手錶連你隻手都斬埋落黎,上左去讀書ge朋友又話響大陸比人搶野千祈唔好懶醒就去追,因為比你追到時你就會發現成班人圍住你...以前興一句「上大陸記住攝定$100響鞋底,比人搶晒d野都有錢搭的士返屋企丫嘛 不過而家d大陸人仲有錢啦,我地搶番佢地轉頭就差唔多!
    [版主回覆02/05/2008 21:39:00]你都唔知我幾驚幾大鄉里又驚青.....
    左入右入.....呵...諗起都好笑

    回覆刪除
  14. 我都好耐去深圳啦``!下次都去下先`??
    得閑來我噶blog度坐坐啊~·!

    回覆刪除
  15. ☆小海豚♡JI123☆2008年2月3日 晚上9:09

    (Empty)
    [版主回覆02/05/2008 21:36:00]多謝...

    回覆刪除
  16.  
    [版主回覆02/05/2008 21:36:00]多謝......雖然都未到情人節...已經夠哂開心...

    回覆刪除
  17. 新年快樂啊~ !!!

    回覆刪除
  18. 祝 恭喜發財 身體健康 新年快樂~

    回覆刪除
  19. 新年快樂呀~~祝你事業,愛情2得意~~永遠幸福快樂!!!

    回覆刪除
  20. 新年快樂!!!!
    身體健康!!!!

    回覆刪除

張貼留言

熱門文章