再見-------章仔!!!

今日番工真係完完全全令我崩潰既一個星期六,平時我即使比人點鬧點話,講D野幾難聽都好,我都未試過好似今日喊得咁勁.....

今朝我如常咁聽留言,聽聽下,發覺我部門既同事突然好激動,好似有件大事發生左咁,但係由於我聽緊留言既關係,我都冇特別理佢地發生咩事,聽聽下,我既同事A 叫我講唔洗打比一個琴日病假既同事,我仲諗"唔係卦,請1日病假唧,咁殘忍就炒佢"點知我聽完留言,起身睇下有咩同事放假既時候,我發覺我部門入面3個人係同時喊......我呆左....因為係我部門入面最軟弱係我,最易喊個個都係我,點解佢地3個會同時喊呢?當我走去問~同事A "你做咩事喊,唔好唔開心啦" 同事W 就叫我唔好再問,我打算行開既時候.....同事A 同我講,[章仔,佢死左....]個1刻我真係完全黎唔切反應,我仲可以走去我個公司媽媽度講呢個事實,唔知點解我一番到位睇到阿頭既e貓提到佢既死因後,我就開始失控,我腦海不斷浮現佢每朝打番黎公司報到既聲音,前2日同我講野既情景,佢平日走路既姿勢~等等...

本身喊完一輪我都停左冇事,就當我去做第2樣既時候,我要幫手去調動原先屬於章仔既單,每寫一張佢原先屬於佢既服務卡,我既眼淚又開始不斷咁流流流.......

當我收好心情,準備去做第2樣野既時候,老闆番左黎,佢見到我地部門個個都好似眼紅紅咁,就走黎安慰我地,點知我仲喊得勁過頭先!

成個上午不斷咁喊喊喊.....咩都唔識,

今日下午同阿妹去睇套一百萬零一夜,播之前又做d片預告片...

好播唔播....播套禮儀師,,,,佢一播我已經開始忍唔住.....

..........章仔,或者你而家係第2個世界比係度更加舒服,放心,你既精神會永遠存在係公司,我亦會永遠掛住你,即使第時有第2個 T010.....點都唔會取代你係我心中既T010....好好咁安息......我一定會去送你最後一程,,,,

今日令我知道人生苦短...再唔係為左死左既人去傷心,而係珍惜身邊值得我地去愛既人......

留言

  1. take care 人生變幻無常,好多時候你唔知下一秒鐘將會發生咩事~ 只要好好珍惜每一天,便足夠! 希望你既同事好好安息...

    回覆刪除
  2. 安息吧~~!人生不愉快的事太多..有身邊的朋友離開了自己,一時之間好難接受,不過始終要面對的!

    回覆刪除
  3. take care呀...節哀順便啦...唔好太傷心了...有朋友離開這一刻真係好難接受, 但佢都想妳地個個都活得開心的...頂住啊..

    回覆刪除
  4. 唔好太傷心啦~~~你學識要開始珍惜身邊既人對佢黎講..叫做係佢走之前教識你最後既一件事...好好收拾心情. 佢都唔會想見到你成日都唔開心!!

    回覆刪除
  5. 人嘅生命有限 ! 亦都係人生存响世上, 最唔能夠控制嘅事實......
    冇人知道, 下一刻會發生嘅事 ! 亦都有人知道可以生存幾耐 ! 所以嘛, 活好現在 ! 唔好再難過啦......
    每一個結束嘅生命, 都會得到安息架......

    回覆刪除
  6. 節哀順變, 我好明白你心情, 我都好驚有呢一日, 人開始大身邊就會有人離開, 日日都見住突然唔見咗係會好唔習慣, 不過佢地嘅精神會永遠藏响我地心入面, 終有一日會响天上面再聚架~~~~~ 撐住呀~~~~

    回覆刪除
  7. 唔好唔問開心啦~~~
     

    回覆刪除
  8. 你好, 打攪曬......
    我睇番你之前d post 知道你係 Tagtime 到做過......
    o岩o岩星期五係 Tagtime (係葵涌的, 間野係做 trims既, 我諗應該係同一間gar) 見完工, 佢今日打電話黎叫我黎緊下星期一 (18/5) 返工, post係做跟單 .....
    我想請問這間公司ok嗎? 係咪要成日OT架? 工作困難嗎? 其實我唔係做開跟單既, 唔知難唔難 handle 呢?佢地星期日都打電話俾我叫我返工, 真係咁忙嗎? 你個陣時點解唔做既? 另外, 我見到呢間公司成日都出 adv話請人, 真係咁等人用, 定係d人個個都做唔長?
    好多問題, 不過考慮緊轉唔轉過去 Tagtime 到做好, 希望你可以幫幫我, 謝謝解答......

    回覆刪除

張貼留言

熱門文章