2009年3月24日 星期二

何謂私人時間?

今日有個同事A 走黎同我講,

佢知我星期六去左唱K,開頭都都驚訝,.

冇咩理由會知~我都叫哂佢地唔好講我地出去玩,

點知百密點都有一疏,點估都估唔到阿C 既細佬會同佢家姐講我有份出去玩先得架,

同事A 話,你知唔知點解我會知你去左玩呀,多得你阿頭夠八,問佢細佬有咩人去,

唔好話我唔比忠告你,你要玩唔係問題,但係你而家比阿C 你去玩既,你第時有咩做錯你自己又有籍口比人鬧你,加上你知啦~你同個班人玩~都唔係班好人黎既,只係同傾得下既同事又唔係好朋友,一陣你飲到大哂~唔知自己做咩個陣,即使你唔講呀~~全公司都會知囉......聽完~心情好沉重.......

而家去玩都要有人管住.....之後阿媽管跟手到大肥~連2個最親既人都信我既時候,竟然比公司既人管我?即刻唔知有咩可以講囉>?

玩又唔得,去飲酒又唔得,

即係我認為我去玩係我自己既自由,你可以話我扮病~但係我真係唔舒服。

你可以話我唔舒服又可以出去蒲,你可以當我爛玩

但係我完完全全接受唔到一個同事/上司去管我既私人時間!!!!

仲之我唔飲到斷片~其實我覺得問題不大.

仲之我唔比到麻煩人地,我覺得我冇問題囉

加上我去玩親都係星期,我唔會影響到我平常做野既時間.....

完全唔明點解要咁話我囉,

真係唔明呢間乜差野公司.....

4 則留言:

  1. 你答佢丫嘛, "我去玩, 關你咩事呀~? 洗唔洗寫紙俾你批呀~!?"
    呢 d 人, 唔洗理佢咁多......
    [版主回覆03/26/2009 20:28:00]我都費時同佢玩到咁大~
    但係我一定照去玩....

    回覆刪除
  2. 最憎比人管,真係關佢叉事.做野還做野,放左工你理得我殺人吖.
    我一向返工同放工都係兩個人,又如何?連阿媽老婆都管我唔到,同事?算老幾呀?
    [版主回覆03/26/2009 20:29:00]無錯無錯....
    我都最憎人地管我......阿媽冇得講,起碼佢而家都唔會
    大肥都知管我既話我梗加反感~我唔過份佢都唔鬧我
    而家唔係番工時間都理我....真係咩火都上哂呀!!
    d女人冇野做搵野做係咁...

    回覆刪除
  3. 唉....其實...同事應該要小心一點吧....這一刻可以係妳的好朋友, 但下一刻係公司可以唔知點對妳.... 我從來都唔鐘意同朋友有任何公事上的關係, 只怕反轉豬肚吧....這是由我第一天出來做野已經分好了....朋友, 只限公事以外的人, 公事的, 玩還玩, 但一定有保留吧...最少....離開公司後, 再做好好的朋友吧....
    [版主回覆03/26/2009 20:31:00]但係喎,我唔係番工時間去玩嗎
    呢個係我私人時間咁先火滾嗎...
    去玩唔通都要申請~咁先嬲到癲呀!!!
    你知啦~都唔係個個都肯陪我去飲架嗎

    回覆刪除
  4. 放左工就系私人時間啦!...你公司D人都白痴架!

    回覆刪除

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...