屎忽痕~又影相xdd

係3月頭朋友仔撩我去沙龍,一心諗緊大出血,點知唔太揀得落手,

佢幫我化得好靚又Set 得好正,無論係婚沙同公主裙都著得我,都ok架

點知出黎效果完完全全失望!

比一張偷影既睇下~雖然最後我都有揀呢張




好彩都叫 係$ 99蚊~~

當叫做比自己靚過幾粒鐘啦:p (化妝個陣)

最後我都係揀左3款,冇比錢加相,

皆因太貴,個套餐最平9xx 先得12張相,

加一張$ 98蚊.....嘩....水魚都唔係咁呀

影完呢次....我又開始心郁郁想影多套靚既,

後生又唔係Keep得耐(分明籍口xdd)

最終左搵右搵,終於係Blog 入面見到有人係大陸入面影左間

個價又岩我心水......又係有相簿

我見blog 加話個 package係rmb380:包12張相包相簿(加相另加15/張),1隻cd rom, 1張油畫海報相(框另計錢), 2張2r相,

今日就同左大肥上左去啦,本身打算佢去按摩,我就影相....

上到去羅胡城左搵右搵,都搵左幾個字先搵到

最後以我師奶仔既口才~就扮哂野話我朋友個契妹上次黎影,影得靚~我先上黎,佢話$300 蚊包哂所有野xdd最後佢為左要生意都係要比我架xdd

食埋野先上去影相,點知時間太唔夾啦~

最後大肥又白等左我2粒幾鐘

唉......真係無隱呀~

點知化妝個陣呢~佢1定焗你比多$50架啦,就係咩乾濕粉po 同假眼睫毛一對$30,佢定焗你買2對,我話唔要咁多對,一對已經好大啦~唔洗太大...

最後我揀左4款衫,一套婚沙,1套紫色晚裝,1套公主裙(始終想影套靚)同埋貴妃衫

影左咁多套....對婚沙個d 已經估到唔靚,因為個陣好硬個笑.....

之後都唔敢太大期望,雖然影相個個叔叔好識哄我笑...

影完哂等多一粒鐘去揀相....

當想每一款揀d 相,幫我揀相個個人好似趕住咁樣,睇都未睇清楚就轉第2張...

真係好鬼激氣.....真係唔知係唔係做生意

之後佢見我揀唔掂就話不如你揀一d先,再唔要啦

如我所講,婚沙真係一張都揀唔落手.....好硬唔識笑,成個木頭人一樣

而公主裙都影得唔算太靚,唔通著就好睇影就唔得?

反睇呢~晚裝同貴妃Look 又幾得喎

晚裝就有d 扮性感得黎唔錯....

貴妃Look 係4款最鐘意既....超正....xdd

當我再揀既時候佢真係好晦氣咁趕住要我揀,

當我揀揀揀個陣,佢就話你多左6張要Cut 多6張...

Cut Cut 下唔對路,其實靚既,我都想要,都係15蚊張唧

我就話係唔係我可以加相架咩?

佢即刻笑笑口咁可以呀可以呀~~我就話想睇番你Cut左個d

最後我都揀多左4張xdd

16張入相簿~~希望佢執相個陣好好地啦

最後大肥又發哂脾氣咁,佢話我又呃多佢一次

唯有下次拎相個陣,真真正正陪到大肥上去按摩啦

2星期後等大肥放假陪我上去拎....

到時再Post 我個貴妃Look 你地睇睇

留言

  1. 平還平, 但係 d 大陸嘢唔係嘅相得過播.... ^_^"
    到時攞相嗰陣, 唔會唔會又有 d 唔知咩事播 !?
    [版主回覆03/16/2009 09:04:00]呢樣我已經諗埋架啦~~
    放心啦~琴日佢Sell 唔到我~到我拎相個陣都唔會Sell 到我既(希望啦)其實都唔算平架啦~計番港紙都要$500 呀!!
    諗住之前係13歲影第一次,今次22歲影第2次,結婚影多次...就可能會收手架啦xdd

    回覆刪除
  2. 勁.....我真係無咩興趣影禁多相了.....自己影人地就差唔多...但....等我努力d, 練多d先啦....影來影去都唔多滿意....唉....
    [版主回覆03/16/2009 13:32:00]或者你對自己對高要求先覺得影得唔靚咋嗎
    上次我睇你D 相都OK呀~唔好太高要求先得架嗎

    回覆刪除
  3. 叫埋佢一齊影,咁咪唔駛等到佢傻囉.
    [版主回覆03/16/2009 20:57:00]你都唔係唔知佢對鏡頭係唔曉笑架啦
    叫佢影,只會激死xdd

    回覆刪除
  4. 好仔都鍾意影相!

    回覆刪除

張貼留言

熱門文章