2009年10月20日 星期二

係我人緣唔夠,定係我唔識做人?

番左學校都有個半月.....唔知點解愈做愈唔開心

之前好恨番早,因為有得同朋友食飯行街....

而家好恨番夜,因為我番夜先叫得到少少歡樂

而家番親早冇人同自己講野,真係對於我呢個咁多講既野人黎講真係好辛苦

完全覺得自閉一樣.....

今日番12點~~到左3點都冇人同我講野,難道我真係要番補習班?

自從我話想星期三想番學之後,A 小姐同B 小姐就好似開始不斷咁暗串我....

一時又話D人係度做雙面人...唔係就話係度扮哂野,

一時就講D野句句針到你死.....

好似今日咁樣,由於我聽日本身要去上堂....

所以就番9點.....A小姐就問B小姐聽日番幾點,B小姐就話番2點囉

A小姐又話唉唷~你咁午先番,我會好掛住你,B小姐又話點解呀?

A小姐就話根係啦,冇你係度~我仲唔比人地激死咩?

言下之意~我估都係講緊我o者?

A小姐仲要話.....呀~你聽日番夜會唔會幫我抄野,B小姐話會~點會唔會

A小姐就話~咁我留番比你啦咁...言下之意當我冇到,完全唔打算叫我做啦~番早D野...

之後掂下佢D日校野,就好似黑口黑面咁.....有時真係唔知點樣做落去

有陣時佢等人收工個陣又問埋D我未必識既問題....

正當我唔識答既時候佢就會話你做左個幾月仲未識....你黠攪架....

好無奈囉.....咩事o者~咁多野,唔會一朝一直學得哂呀?

唉.....難道我真係要係試用期之前搵份工轉.....



3 則留言:

  1. 工作上最怕唔係做唔掂,其實最怕就係人(同事)既閒言閒語.

    回覆刪除
  2. 點解星期三返學就會比人針對到咁o既? 佢哋都想返星期3?
    响女人堆做野就係咁麻煩. 我做咗咁多年野, 除咗賣雪糕之外, 呢份都係最舒服o既人份(人事上).
    做住搵啦. 實有一份啱你o既.

    回覆刪除
  3. 做得唔開心咪轉law....做人最緊要自己開心吧!

    回覆刪除

【療程】舒服到訓得著既刮痧 ◕‿◕ Yinensis 檸檬刮痧 ♪゚

看到這個Yinensis然淙養生文化館招牌 是否有一點覺得很熟悉的感覺? 對呀!因為小妹之前曾做過它家既減走包包面療程 但係朋友仔就話佢地鋪頭呢排好似出左好岩夏天做既Facial 我心諗有咩Facial 係專岩夏天做架? 唔通係做薄荷既療程? 佢話係...