◕‿◕迎龍送兔✿我要新年大變身!!你今日變左未?

 
2012年到左無耐,轉眼間又過左三星期啦,又到小朋友,同埋我呢d 未嫁/未娶既朋友最開心既日子
今年既農歷新年又早左黎...仲有幾日又就過年啦,每年我自己都會為呢個新年買新衫既XXD
你話我迷信都咁話,我都係想新年著新野既 今年買左差唔多成三千蚊野呀,
由衫,褲,鞋,內衣,化妝品都有....真係包羅萬有呢....真係將番工既唔開心,亦為近來收到一些消息唔開心當發洩一下啦!


上星期六,我本意就打算剪剪頭髮就算啦,但係又覺得好"嬲嬲憂憂"咁~上兩年我都有玩駁髮,
但係係大陸整頭真係堅傷呢,攪到D 頭髮唔識長仲要呢開哂叉咁呢-口-
同埋我d 前陰又長得快..攪到個頭總係唔知點咁,總係比人覺得好似冇梳頭,
每次夜晚洗完頭第二朝就1定出事...所以.....唯有改變呢個事實



本身係有諗過電番負利子....但係老實講,玩負利子我已經玩左4年啦,出黎做野就每年都整
真係有d 悶就真既...之後個兩年就去左整駁髮,呢兩年比人感覺都唔錯,今年係第七年啦
我都有諗過不如今年真正咁電髮啦.但係身邊既男仔朋友都話你直髮好睇d
其實男仔係唔係真係有過情意結,愛d 又長又直頭髮既女仔架呢
之但係我份人又真係比較好勝既,人地話直髮好睇咩,我就係想試下另一個效果..
所以我大變髮啦~我走左去電頭髮啦.....
呢張相都係我執好既眼耳口鼻啦xdd 開頭我已經覺得唔夠攣...或者我電既係大圈啦


不過電完過多左兩日洗左頭再gel 又好似效果好左ddd 咁啦,
雖然都係唔夠攣架啦.不過總算係1個新形象嗎



既然變左髮嗎?就係時間轉轉衫啦,始終新年著新衫新鞋~大吉大利又一年
我慶幸自己還可以自力更新地買衫買東西送自己,
其實或者可能住在你附近的老人家或者老人家的小孫未必有得咁幸福
所以我最愛把自己不再著的衫轉交救世軍或者有需要既人,
起碼咁樣又唔會哂,又可以幫到人....
不過我依然好愛接收人地唔著既衫架
當然要我岩著架啦xdd

係星期日我就去左葵芳掃貨啦,
之前係葵興做野個陣真係超愛去葵芳出巡,睇下d 業務
不過啦,之後冇係呢d 地方番工,加上我自己係屋企去又唔多方便就少左好多次去
每次去親都覺得,又唔同左既,呢度又變左既.....
但係次次去親都一定有大收獲

今次我主攻呢就係長衫款XD因為方便快捷又易襯
不過今年呢,我就唔主攻黑色系列,試一試淺色既衫
之前揀親深色衫,原因係可以令自己廋一點,
幸好今年廋身有點兒成功嗎
就給自己一個獎勵轉轉淺色系列,做個不一樣既天使
 


首先為大家介紹呢一件係白色中袖既衫<購於Zara $299>


本身星期6個日冇諗過買衫架,只係想去6Sixty 8Eighty 到買Bar Bar 架咋
不過同左朋友入左Zara 睇衫,老實講,我真係從來冇係Zara 買過衫,就連H&M 都冇買過
之但係今次真係對呢件衫一見鐘情,一望到就好鐘意,試左上身又好似唔錯咁,
所以就貴左少少都要買件黎著下,佢設計上真係唔錯,佢手袖位係通"lon" 既,
應該係春夏款,不過係有d 透,1定要著吊帶背心或者著白色既Bar bar 啦,
唔係就好似我以下既錯誤示範


由於我冇留意到件衫會好透,當我著住1件比較鮮色既bar 就好覺眼啦....
同埋後而面個拉鏈真係拉到架,如果有變態既人一拉就真係出事架,
而係星期四公司 Annual Diinner 我見天氣又唔係太凍所以我就試著左呢套衫~

而當日我就著左呢套衫去
A
nnual Diinner,最開心唔係可以見到d 同事
而係我著白色衫冇人話我好肉酸xdd
我個既Look 係著左一件杏色既西裝褸,加Zara 既白色長衫再加Legging & 高跟鞋



而有同事覺得我著呢件衫出黎係廋左,加上個既妝,有同事唔認得我xdd
不過係唔係加多條Bell 會好睇d 呢?不過我覺得我條
Legging 可以揀條再長d 

或者直情著絲襪呢?比d意見我呀!!



好啦,睇完Zara 既戰利品,就開始黎睇下我係葵芳既戰利品啦.....
首先係我最愛而從來冇著過上身既紫色冷衫,不過呢件新衫有個怪怪既味
要洗左先著得,雖然佢摸落係鞋既,但係著上身一d 都唔拮肉,都好舒服,
呢件好似要$139 



另外呢件係同樓上個件紫色同一件鋪買架,當時係冇諗住買呢件
但係佢個質地同紫色個件係兩回事,係超滑,好軟綿綿咁...勁舒服
最終都帶埋佢番屋企,呢件比較短身,我可能會拎佢黎襯短裙/牛仔裙著
呢件價值$149



第三件,係白綠色既Mix 版冷衫,又一新色冇著過上身,
有個朋友而家學緊術學,佢話我應該著下d 綠色衫可以帶旺下
咁就試下買件綠色衫著下,睇下我會唔會龍年大旺先
呢件衫就平好多啦,只係需要$79 



或者有人會話....其實呀,你買件類近既衫可以有兩個價錢啦,
好似你件白綠色個件同紫色個件咪又係咁樣樣....
當日我去左買紫色衫個間鋪揀緊既時候,有個妹妹仔(比我細的,我也會叫她做妹妹仔)
佢拎住左一件佢岩岩係第2間鋪頭買既橙色衫,拎出黎勁大聲同佢朋友講,
"你睇下差少少色咋嗎,相差一倍價錢呀!!!!"
如果你係個鋪頭既人你會點諗?當時個sales/老闆佢細細聲話洗唔洗呀...
當時我望左佢一眼,個女仔即刻話我唔係話你
我笑一笑,就話"我明你諗緊咩,我都做過Sales,你開得呢度就一定有比較,
唔係點會淘寶個度咁好生意呀?"
但係我又相信有陣時,平野唔代表一定好,佢貴有佢價值既!!

再講講我每年必買既牛記褲,就佐旦奴既褲,每年最愛係呢個新年時間買佢地既牛記
因為平左又抵著,今年買左兩條低腰窄腳的,影完相先發覺兩條褲同似同款唔同色咁咋啵xd


 



咁講哂衫褲啦,係時候講鞋啦,今年買左一對新波鞋,本身冇諗過買,
當入左運動家個陣呢,想試對高筒既addies 啵...但係睇落唔順眼,
望多兩望比呢對咁Sharp 既波鞋吸引住,著上去又覺得舒服最重要係輕身呀
同埋我又覺得都可以拎去襯衫加跑步~最重重重重要既問題係呢對唔洗$400 架...
著住佢加埋本身自家件addies 外套,1套過!!!正:p 



另外仲有去左"68" 買左Barbar 啦,同埋頂唔順誘惑都係去左bareMinerals
度買左套一直都想買既Kit Set ,
價值$590 ,可惜既係,唔可以係過年前用到佢地啦,唯有希望係去旅行之前有得用啦

不過我都仲係好想去買多對坤仕鞋,你地又買左未呀?









留言

  1. 送兔迎龍~
    [版主回覆02/03/2012 21:36:18]對呀~^^

    回覆刪除
  2. 曲髮都不俗呀, 不過九成男都愛直髮女...我都想轉髮型, 剪到摶位個種內彎髮型, 但一直未有勇氣..
    [葉子‧Mabel回覆02/06/2012 12:11:37]等我問下老公意見, 如果佢都ok我先敢行動 >"<, thanks your support
    [版主回覆02/06/2012 09:44:32]真的嗎?但真的很煩,每天要洗頭洗頭,對於我呢個死懶鬼真的想死xdd

    其實我曾經有一刻好想轉型像就是要剪"天與地"阿余個頭,轉Rock Look 但係妹妹,朋友都說我是走斯文路線,很難轉咁另類的~最後才決定電呢個曲髮~

    其實嗎,我覺得你也可以嘗試一下你想的髮型,始終春天快到,你的樣子又夠甜美,其實可以Carry 到呢個髮型,可能你老公都會鐘意呢:p

    你真係擔心既,真係可以問問髮型師意見,我電呢個髮都係因為髮型師比意見我架咋:p

    回覆刪除
  3. 我們都知道!! 想要致富的人很多,但真正能達到夢想目標的人不多。
    就這麼一個機會,讓每個人都能簡易上手,累積自己一生的財富,您有興趣嗎?
    http://fenderguitar12.weebly.com/

    回覆刪除
  4. 美麗的獅子座女孩 , 情人節快樂!
    您好 ! 我是台灣的Kevin , 希望有機會邀請您到台灣旅遊 , 我將會為您做最好的行程規劃與服務 ;打擾之處請見諒 !
    雅虎香港 : http://blog.yahoo.com/Kevin-Taiwantraveler

    回覆刪除

張貼留言

熱門文章