【情人節2012】 火辣辣曼谷之旅 の Day3 玩轉Termianl 21(MF巴黎,GF-羅馬,LG-加勒比海)



各位團友,我地將會去三個地方,包括好浪漫既巴黎,充滿歷史遺址既羅巴,一個充滿阿Jack 既加勒比海
首先來到.....巴黎,各位團友請小心你地既貴重物品因為法國都好多小偷架!!!
(天音: 小姐你睇緊咩呀?我地行得未呀?仲要坐到幾時呀???)

嘻嘻我地去踩單車啦....(天音:去郊遊咩?)


巴黎除左浪漫之外,仲有係名牌既指標...所以就連呢個樓層既樓層所有野都星光閃閃架



都唔知我真係開始太攰定係巴黎真係冇野行....我影得好少相-口-
下一站我地黎到羅馬!!!!!我第一次時間只係諗到鬥獸場,你諗到d 咩呀?
原來....竟然......係太陽神嗎?


仲有電單車.....其實關咩事呢???其實仲有個天神木台架...但係因為情人節關係不公開比公眾-口-


當然有佢地唔少得佢地既特式廁所啦!!!!!
有以天神作主題既廁所


恕本小姐實在太冇記性,我真係唔知我D 相係去到邊度影......
加上我真係唔想拖太多篇文黎出啦.....就一於唔講咁多.....
我地去加勒比海啦.......



 

或者我那天實在太攰,加上相機已經冇哂電,電話亦都比我影到冇哂電關係.....
我已經冇咩相係度可以放上網,亦唔想分得太多篇文出黎.....你唔悶我都悶啦XDD
所以呢一篇已經最後我地環遊世界最後一站啦!!!!呢個商場最終係玩左我5個鐘架...
而男友都係呢個商場買到佢最愛既牌子既背包....價值$6XX 囉=口=
不過最重要佢自己鐘意.....貴D 都係佢自己既錢o者
係呢個商場足足由三點鐘玩到八點幾......
最後我決定去食"蘇絲黃"介紹好食既芒果燸米飯!!!!
首先我地要搭BTS 去Thong Lo ,向右手面方向落天橋...再向右行,去到盡頭再轉灣
你就會見到呢個牌架啦.....其實好大個牌你會睇到架啦...



正門既樣就係咁架啦...


95B盒芒果燸米飯,就係我地個晚既宵夜......
不過或者我地揀個唔係最甜個隻芒果,所以我覺得D 芒果唔多好食,加上D 飯又少過
Central World 個度
只係飯真係好食過
Central World 個隻既!!!我覺得真係唔需要專登黎食啦....

Central World 買好過啦.....


食飽飽之後既節目就係去做按摩
今次我地揀左1個鐘身,1個鐘腳......$375B (97蚊港紙左右)
真係抵到爛!!!!!!!今日姐姐比琴日仲有力水呀....好爽呀!!!!
唔係因為D 風扇吹到我鬼咁凍....我按身個陣已經訓死左啦...




按完之後,我倆簡直恨不得涼又唔沖,頭又唔洗咁即刻訓教.....
無錯係即刻...因為真係超級咁攰呢.......轉眼間又到Day 4啦...請期待我既新文啦







留言

張貼留言

熱門文章