【情人節2012】火辣辣曼谷之旅 の Day4 周圍走周圍遊
轉眼間又到第四日啦,真係真係超級唔捨得啦開始!!!
本身呢一日打算係去大皇宮行一轉架,但係男友話我地又唔識路去...
如果真係去左又迷路咁點算?我地係曼谷真係唔知點問路架啵....
比佢係咁講係咁講......所以我地就冇去度呢一站啦....
不過係呢一日係我打算係曼谷預祝情人節架
所以我焗左佢著我地第二日係LOFT 買既情侶衫
其實真心知我Honey 今次真係好就我....起碼肯陪我著呢套衫先啦....
呢套衫,我都係LOFT 揀左好耐好耐架啦....同真係好有意思....
"All I Need U" & "H_G Me !" 仲有我勁勁勁鐘意呢張相呢xdd
係呢個旅程入面我諗真係我地咁多個旅行入面影得最多相既一次呀!!
而Day 4係冇一個特定既目的地,都係隨心而行!
今次我地第一站就係去MBK ,
今次行左好多好多上一次去個陣冇去既地方,例如百貨公司....
BTS 既站就係National Stadium W1
呢個小伙子,真係好勁!!!佢只係用幾個膠筒就可以整到一首好強勁既音樂,
而且係冇咪冇啦叭既情況下,
足以響到就連BTS 站既天橋都聽到同吸引到我地去睇!!
其實唔知係唔係仲驚有炸彈事件,好多商場都仲有呢D 檢查站,
最辛苦既事情就係當你買到成個袋都係野個陣,
佢又要響wor,響完又要Check 袋啵....
呢件係慘事黎架我三年前已經日日試啦,今次再黎又係要咁
係呢日真係開始有D 攰,亦冇咩心機再影相啦簡簡單單咁行呢個百貨公司入面既超市
買到妹妹想既爽身粉,點知番到香港先發覺唔係呢隻
不過佢話仲好用過佢想要個隻咁都好d ,,,,因為呢幾罐野真係幾重下
但係阿媽話好似香港都有得賣....但係冇我地買幾隻味囉....咁都好過冇...
跟身去左MBK 商場行一個團,我地發覺由百貨公司一出呢,
對面有間賣D 生日聖誕卡既
不過當時收埋左部相機,所以冇影到個鋪頭啦....
加上我覺得我買左D 卡番去都唔知有冇機會用到,最後我乜都買到XDD
出左百貨公司之後我地又去左另一個環境,我覺得MBK 似一個葵涌商場+先達
最頂層有賣電話啦,PSP,WILL 都有,之後個幾層就有賣衫賣鞋,賣化妝品
如果你地想買番D 泰國手信係Big C 買唔到,唔緊要..係唔知2定3樓中間有兩間賣架
因為我有個朋友又好想食個d 三角形綠色既椰子糖,媽咪又想食d 唔辣既濕魷魚
呢度通通都買到,但係濕魷魚唔係唔辣...係超級咁辣.....
最後當然要影定一張睇到我地件衫既相啦xdd
男友又再同我落番去對面既 Siam Square ,
諗住試多一次去搵Boy-T 啦,可惜Boy T 都係搵唔到
想去番琴日個度影影LOVE LOVE 景既,但係男友又唔多想,
咁就算數啦,橫掂你已經陪左我著呢件衫啦
實在又攰又熱啦,我地決定去搵番之前係布吉食過好好食既雞翼啦
真係唔到你唔信......明明個間Pizza 未打算去食個陣呢,就周圍都走到
當你想去食啦,就搵極都搵唔到我地兩個係Central World入面不斷不斷咁搵搵搵.......
終於比我地搵到啦.....就係Central World既5/F,
一坐底就發覺得個價錢....同埋少左好多野食揀
最後我地就叫左一個龍蝦汁鮮蝦意粉,約$4X 港紙,只係可以講到喉唔到肺
男友想食既芝士條,呢個唔記得幾多錢...(味道: 不過不失吧,個醬係幾好食既
最最最最後,,,,,為左黎呢間咁既餐廳食既雞翼無記錯就好似$160B 8隻(港紙$40左右)
食完其實都唔知自己食左咩落肚所以同男友再上去7/F 食多一次翅啦!!!!!!
食飽飽之後,我地落番去地下度行左陣,當然唔少得又係我影相既時間啦....
呢隻天使Kitty 真係真係好鬼可愛呀!!!!
可惜....唔緊要啦...我會掛住你架>w<
媽媽說: 點解你今次去旅行d 相全部都係Love 就係心心,有冇其他野睇下架....
我: 嘻嘻~係架啦,唔係點叫情人節之旅先?
最後送上一張而家都變左我電腦既Wallpage 比大家睇睇,真係好鐘意呢張相
男友話不如番一番酒店抖一陣再出去行下街再食飯呀!!!
今次我地又再搭巴士番酒店啦......
最後一個日落係曼谷啦.......好唔捨得呀!!!!
親愛的,謝謝你在曼谷買給我既ROSE 呀雖然係我自己叫買既
在酒店Hea 了一陣,親愛的就帶我到第一天,我已累透而又去唔成既夜市
不過真係要提一提大家,呢度其實曼谷版女人街,
呢度好多好多夜場,好多好多妓女係度招生意
仲有好多好多人叫你睇脫衣舞,SIS 們....
如果你真心介意男友/男伴們會眼多多就真係唔好過黎啦
呢度唔係真係值得一到既地方,但係想見識既當然歡迎啦D 脫衣舞女郎身材...
就真係上圍蠻豐滿,但係都好似我咁肥架
仲有呢度其實仲有一間冇咩人知既NAYARA 架...
係呢度我都幫左表妹買左佢要既飯袋
行到差不多8點幾左右,男友話係度睇下有咩食啦.......
我話唔得,一定要去個度.....
想唔想知?究竟個度係邊度?點解我要一定去???
請唔好行開啦........
【我們的情人節2012】火辣辣曼谷之旅系列
(已全部完成,有興趣的朋友可按以下的Link 看回所需的文章)
【我們的情人節2012】火辣辣曼谷之旅 の 前言+ Day 1 香港機場篇 ◕‿◕
【我們的情人節2012】火辣辣曼谷之旅 の Day 1 酒店篇 ◕‿◕
【我們的情人節2012】火辣辣曼谷之旅 の Day2 瘋狂地食食食食篇(中) ◕‿◕
希望你地也喜歡我今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓
