2012年3月10日 星期六

【情人節2012】我們最浪漫的情人節晚餐 の 陶板屋 ◕‿◕


其實係呢個Trip 之前,
我已經不斷係人地既Blog不斷去搵一間特別餐廳
做我地最後一晚係曼谷,亦係我地預祝既情人節晚餐
有諗過係河邊既餐廳,有諗過天書入面介紹既特別餐廳,
有諗過有blogger 介紹既餐廳......
而最終我決定去食呢間係
Siam DiscoveredTokiya陶板屋
(溫馨提示: 如果食一餐飯最快也要45mins,
而你亦可以叫佢盡快上菜也需要30mins!
(另外佢地既關門時間實際係9:30pm...)



當我地去到呢間餐廳,其實都成9點幾啦.....
食完先發覺我地太夜黎食啦
本身一開始佢安排我地住一個兩人位,
我又好衰咁要求問可唔可以住卡位?
個Staff 好有禮貌用我識聽既英文同我講
【冇問題,叫我係度坐住等佢執好張枱!】
係呢個時間我已經睇緊個餐牌有咩食,
真係唔洗3Mins,佢就已經灣哂腰,伸左一隻手咁請我過去
簡直有d 覺得自己去左高級餐廳食飯呀!!!!
第一個食得好開心既原因
因為個個Staff 當我地坐好就已經企左係度
等我地決定叫咩野食,所以今次影唔切個Meun 啦
就比大家睇下佢地既擺設先.,佢地呢個餐紙都超超超大張,
可以一次過Cova 左個兩個人既位


未開餐,當然要影下d 靚相先啦!!!!
雖然張"登" 好硬,但係後面有o古o甸架,坐得幾舒服


想唔想知點解我想揀坐卡位呢??因為佢玻璃出面有.........
好浪漫既紫色呀!!!!我最愛既紫色~~~好岩呢個時刻呢...


轉眼間就黎左我地第一道餐前小食啦,
開頭以為佢係燒茄子,打算留比男友食架啦~
點知男友叫我試一舊再決定食唔食啦?


原來其實佢係香草燒雞脾菇
佢帶點酸酸地,辣辣地又真係幾特開胃
好味指數: ✿✿✿

跟住到第二道菜沙律啦,今次可以自選架,
而我就揀左唔知咩三文魚什果沙律
佢一拎到黎個陣,我個樣係之後係咁講,好靚呀...好靚呀!!!
材料方面,以三文魚碎+青瓜+什果生果混埋一堆,
你唔好以為咁樣唔好食,
又估唔到個感覺唔錯啵,感覺都幾清新....
而拌碟呢,又唔係亂咁黎架...
佢以香橙汁作拌碟,當你拎沙津加埋橙汁max 埋又會濃一點,味道都有改變
好味指數: ✿✿✿✿ 
好睇指數: ♥ ♥ ♥ ♥


而男友個個就冇我個個口感咁豐富啦,佢呢個就係煙鴨胸沙律,
而個一小杯似係芝麻醋呢,男友說不算太好食,
係個小杯醋mix 埋落d 青瓜絲就冇咁Dry啦!
好味指數:
✿✿ 
好睇指數: ♥ ♥ 


第三道菜就係餐湯啦,今次亦可以自選既!
今次我揀左既餐湯係龍蝦湯
我又係咁話Wa 個湯好靚呀!!!!
不過只係講左一句好睇唔好食....d 味超級咁淡......
淡到我覺得係飲緊d 好似用粉開既湯咁....唔得

好味指數: ✿ 
好睇指數: ♥ ♥ ♥ 


而男友Order 既就係燉牛肉湯啦,唔好睇佢個樣平平凡凡,
反而呢個湯又真係幾好飲,
好入味不得止,飲完個人好鬼熱架....男友讚呢個湯好飲

好味指數: ✿ ✿ ✿ 
好睇指數: ♥ 


黎到第四道菜啦~~今次係飯類,亦係自已選擇既,今次我揀左呢個紫米飯...
佢本身係一個三角形先炸成形,再上拌碟既沙津醬,
開頭我真係唔知呢舊係飯黎架,但係當一切開就係有d 紫米加米飯Mix 左一齊,
反而唔覺得好怪,仲幾好食tim...不過我都未食,就黎下一道菜....
所以今次無咩點影到入面既成份係點

好味指數: ✿  ✿  ✿ 
好睇指數: ♥  ♥ 


而男友Order 既就係日式飯,有炸魚仔,蟹椰......仲有唔記得,但係呢個飯係辣架,
如果有朋友將會去呢度食呢間餐廳,而你食唔到辣就一定唔好叫呢個,
男友都覺得呢個飯辣得黎幾好食,不過我食唔到,所以今次唔知味道如何

好味指數: ✿  ✿  ✿ 
好睇指數: ♥   ♥   ♥


再給一杯都幾酸既果汁冰,因為唔知佢究竟係紅梅呀,定係士多啤梨既冰啦
不過如果當你有d 飽飽地既時候飲幾啖已經即時同你開胃番


黎到第五道菜,第六樣野食啦.....今次晚餐既主角!!!!!
我揀左西冷牛扒5成熟...
我覺得呢個煮得出黎,又唔會太生,又唔會過熟
肉質方面又唔會太鞋...食落去都仲有d 血水,所以呢個I like

好味指數: ✿  ✿  ✿ ✿ 
好睇指數: ♥   ♥   ♥ 

而男友Order 既就係西條牛柳條,一樣都係五成熟...
我就覺得我自己個個比較好食,佢呢個雖然都唔係好鞋身,
但係就好似感覺難咬過我既西冷,所以今次評分比少一分啦

好味指數: ✿  ✿  ✿   
好睇指數: ♥   ♥   ♥  

輪到我地第七野到啦,今次係飲品....
而我今次揀左呢杯藍色飲品其他係檸檬梳打,
而黃色的那杯就係奇異奇梳打


最後最後.......就當然係甜品啦
今次我揀左呢個香芋雪糕加芝士蛋糕.....
又係好靚既甜品呀!!!!
芝士蛋糕唔係同平時個加Cream 打既芝士蛋糕...
佢真係用左好多芝士整既蛋糕
因為我食左少少就Feel 到好鬼濟啦!!!
個雪糕又係我最愛既味之一,當蛋糕加埋d 朱古力醬又唔同左
簡直係完美既Happy Ending.....

好味指數: ✿  ✿  ✿  ✿ 
好睇指數: ♥   ♥   ♥  ♥  ♥  


而男友既綠茶牛乳布甸!!!你會唔會諗有咩咁特別呀!!?
呢個牛乳布甸係用左北海渡 36牛乳加上藍梅另加上綠色醬,
做到香滑好味!!!!好味到連男友都讚呢!!!

好味指數: ✿  ✿  ✿  ✿  ✿ 
好睇指數: ♥   ♥   ♥   ♥   ♥   


歡樂時間過得特別快,我地呢個情人節晚餐食得好開心,
因為d 野食好多都好鬼靚!
d Staff 又超好禮貌,每上一道菜後會微微咁灣腰,
我不斷叫人地幫我地影相佢都勁好笑容
雖然今次食左約半個鐘左右,
我都覺得自己真係去左高級餐廳咁....


其實佢其他位,都唔錯架...環境好浪漫,
真係做呢個情人節晚餐真係好一流....


除左以上我講過令我好開心既原因之外.佢個價錢都係極之吸引.....
只係$499B/人 ,246蚊港紙唔洗加一....就有八樣野食,極好既服務態度!!!
你話香港邊度搵到呢個咁既餐廳....食飽飽後我地就要極速咁走啦...
因為呢個商場已經關門啦.....
原來呢個商場其實係十點左右已經係一個死城咁架啦
所以今次佢地上得咁快,係因為佢地都要收工架....
如果你有興趣黎呢間餐廳試下....記得唔好遲過8點半去啦
送上商場外面會不斷變色既特式啦

 

食飽飽之後我地都番酒店啦,而今晚我地決定唔再按摩啦,
因為呢晚係我地係曼谷最後既一夜....要執行李番香港啦....
其實我地搭開既BTS 附近係有個夜市架,
但次次都食得好鬼飽....冇緣試下呢度既野...
就影相留念下啦.......再見啦夜市...


最後送上Day3 + Day 4 既戰利品....我發覺我今次十萬個忍手...
而家番黎又有d 後悔買得咁少野xddd 


轉眼又最後一日啦.....要番香港啦...
但係呢個情人節....過得唔太開心囉!!!

【我們的情人節2012】火辣辣曼谷之旅系列
(已全部完成,有興趣的朋友可按以下的Link 看回所需的文章)


【我們的情人節2012】火辣辣曼谷之旅 の 前言+ Day 1 香港機場篇 ◕‿◕



【我們的情人節2012】火辣辣曼谷之旅 の Day2 瘋狂地食食食食篇(中) ◕‿◕


希望你地也喜歡我今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com


以下地方可以找到小妹架^^


















沒有留言:

張貼留言

【療程】舒服到訓得著既刮痧 ◕‿◕ Yinensis 檸檬刮痧 ♪゚

看到這個Yinensis然淙養生文化館招牌 是否有一點覺得很熟悉的感覺? 對呀!因為小妹之前曾做過它家既減走包包面療程 但係朋友仔就話佢地鋪頭呢排好似出左好岩夏天做既Facial 我心諗有咩Facial 係專岩夏天做架? 唔通係做薄荷既療程? 佢話係...