『私物推介』萬寧牌@首烏黑芝麻/天麻洗頭水♥

係現今社會,好多好多產品都會以中藥成份作主打,好似洗頭水,護膚品.....就連女仕常用既衛生巾都有中藥成份
其實究竟係唔係真係乜都用中藥成份就一定係好事呢?唔....我就唔係呢方面既專家,就真係不敢多言吧....
近來天氣變幻莫測,一係就凍到人都癲,一係就潮濕到成個地下好似岩岩洗完地一樣..
我想每位女仕們也會立即為自己的面部急救,但係其實你地又唔知覺唔覺得自己個頭都需要護理呢?

我呢排睇左有不少Sis 也有出一些護髮產品,但係亦有SIS 話係呢D 天氣洗完頭仲係好似"淋"痴痴咁
所以今日我想介紹一隻,我地自家都用左好幾枝,而又唔貴既洗頭水比大家試下~
或者有睇開我個Blog 既朋友都見過我試過不少既洗頭水,但係呢隻我覺得都真係值得我推介出黎既
首先介紹既就係Mannings自家品牌<首烏黑芝麻黑亮洗髮露> 適合中性髮質使用
(我暫時最愛洗頭水之一)

另外我家娘親亦有購買一枝適合油性髮質既<天麻清爽洗頭露>妹妹獨家使用

而今次我介紹既產品就係
<首烏黑芝麻黑亮洗髮露>
先比大家睇睇佢本身洗頭水帶點黃黃地色,帶住有陣陣既香味架,當然唔同其他大品牌個D 香啦
所以唔好學我咁諗,以為中藥成份就一定係係有d 怪味,反而今日今次呢款我好鐘意佢地既香味tim
單單加左水都起泡左好多,一陣再比大家睇睇我係頭髮會點啦!!!

先睇睇我洗頭前係咁樣既....其實係有d 淋架啦...加上我有陣時會Gel 頭,
當潮濕+Gel 頭.....個頭係又淋又唔好睇,不過影相好似唔覺...

開始洗頭啦......今次唔出樣啦,阿媽話真係嚇死人...老左好多咁-口-
其實影左好多好多張先最後決定呢張,d 泡泡又冇哂啦....
(其實真心想問下,洗頭水&洗面產品係唔係多泡就叫好既呢?)

雖則呢隻洗頭水唔會做到好順滑,唔開叉,唔鬆散既頭髮,但係我好鐘意佢地隻香味xdd
同埋因為我朝早有陣時要洗頭Gel 頭,但係呢d 天氣又冇可能唔洗架嗎?
所以髮型師叫我夜晚用洗頭水洗完頭,第二朝就先落護髮素
但係唔知你地會唔會同我一樣啦,如果真係只係單單用洗頭水唔落護髮素個晚...
我個頭好似旱到乾草一樣,吹頭都吹唔散D 頭髮....成餅野咁 
最後我都第二朝又係要再哂時間洗多次頭,再Gel....慢慢我就懶到第二朝先洗頭...
但係呢隻,我反而有陣時真係懶呢,又夜左番屋企又要洗頭...我真係唔用護髮素,都唔會有一餅野既出現

當然唔少得出番一張琴日番工冇Gel 頭既相比大家睇睇先

其實呢個洗頭水只係本人比較鐘意,亦希望介紹到某d 自家產品既好唔好用,同埋呢篇絕對唔係試用架.
所以我前日影相,今日打文,相係少d 架啵,文字都少d 只係希望有陣時有好野介紹出黎比大家
起碼我未見過呢隻產品賣廣告,係阿媽去買洗頭水見到又平買黎試下心態一樣....

不過價錢上媽咪就話約50蚊2枝,其實除左洗頭水之外,佢好似仲有護髮素架!!!
所以如果有興趣既朋友可以按自己需要既髮質去買左番去試下,即使唔好用都係30蚊左右~
真係一試無防啦有機會...如果有人試過我介紹既洗頭水,你又有咩意見歡迎留言比我呀!!!
多謝你既收看

想找找小魔怪?歡迎來以下地方找找我

E-mail: man_man811@yahoo.com.hk

AngelBaby。 In The Beauty World 

AngelBaby。 In The Beauty World | 宣傳你的專頁