我的２０１２小旅行◕‿◕ ✿尋找古舊漁港的大澳之旅✿

大澳－香港版威尼斯,一個擁有高架屋,擁有一個好美的漁港亦係令我好有回憶既地方

我咁大個女計埋今次都係黎左三次,第一次跟家人,一次跟另一個他...

而今次終於可以同親愛來到這個大澳啦~

正所謂人家地所講,地點依舊~人物全改呢~

但係人始終都要成長,唔可以諗太多舊陣時既野架嗎!

所以今次去大澳~真係完全係另一個景像呀,去左好多之前未去過既地方~~

好似舊警署咁,唔係因為佢改左酒店我都唔會行到咁鬼遠~~

整番兩張三年前既大澳相~再睇睇我今次去旅程啦~~

今次我地去大澳唔係搭車去~而係由屯門搭船去大澳,
船程只係需要一個鐘咋~而我今次揀左11:00 船~12:00 就落船啦!!!

第一次去就係旅行團~第二次去就係由昂平去~

所以我覺得由屯門出發係最方便既,星期六既單程船價$25

呢架就係我地搭既船啦~~
其實一架船約可以坐70人左右,有上層同下層架~

一落船就好靚既View 啦!!!好大個水塘呀~但係好大風唷

無敵大海景,好舒服既海風,又冇高樓大廈既地方,你用幾多錢都買唔到呢個咁正既地方~~

開始我既小小旅程啦~~~第一站我地去到永安街~~

係一入大澳位置既第一條街,係呢度你可以睇到d 路牌再安排自己想去邊度

而我地既第一站就係去左食『車站豆腐花』,

記得上一次想食個陣,佢已經賣哂啦~所以冇緣食呢個

今次就決定第一站就去呢度食左,
而我地今次就揀左陰陽配(即係豆腐花+芝麻糊)$11/碗

認認真真啦,我真係唔覺得好好食,我

唔知點解會咁多人讚好啦!或者係因為我食呢個係鴛鴦啦~~

之後因為男友要拎錢既關係我地要過橋啦~
呢條橋真係可以有兩面風景架

其間我見到一個奇景就係一座大廈有三個唔同既野wor....想唔想係咩呀?

就係一座野入面有齊幾個政府部門啦,佢地包括消防局,

郵政局同食環署啦,樓上仲有消防員宿舍tim呀！！！！

當日我見到有消防員係宿舍，見到有差人叔叔行o必~

仲見到有食環署既人捉人tim~認真精彩

附近仲有一個大澳大會堂~~
我好耐冇見過呢隻鐵閘啦~~唔知你地又係唔係呢?

之後男友去左拎錢~我就係附近既大澳街市影影相啦,

我覺得呢度既感覺好似"富貴墟"呀XDD

不過要提醒各位如果有興趣食正宗炭燒雞蛋仔呢,

千祈唔好買大澳街市隔離個間呀,係Copy Cat 黎架咋!!

經過街市之後,我地準備去大澳最新起既酒店啦~~~

因為我完全冇影底點樣行過去新酒店,
只可以話你不斷向左面沿住個海一路行就會到架啦

由街市行番去酒店約15mins 左右
(一路行一路好似我咁扮中模既,另計~XDD)

望完大海~吹吹海風好舒服呀!!!

我後面仲有整蝦膏既工場,佢賣既蝦膏都好平架咋~~我買左佢地既大樽都係$18

仲有好香架~^^阿媽已經決定拎左蒸豬頸肉啦~~ 

經過工場,行過石霸碼頭再行多約5-7MINS 路程~就可以到我地既目的地啦

其實佢係一個碼頭既附近~但係個名唔記得

終於到啦~~大澳最新既酒店"Tai O Heritage Hotel 

如果你唔想行斜路上酒店~唔緊要,酒店有一個好特別既Lift 帶你上去

上到去之後,由我帶你地去參觀一下酒店啦~~~

感覺上好古典味道,但係得兩層都唔係真係好夠喉呢~~~

係酒店Stay 左大約半小時我地就走左啦~~~

行番出去大街既地方~見到呢個婆婆好有衝動想食多碗

証明我真係冇錯架,呢個婆婆既豆腐花好滑好好食呀!!!仲有枝紫背天葵都好好飲呢~

不過記住啦,呢個婆婆係走鬼檔~同埋佢係星期六,日先開檔架咋~

食完豆腐花,有d 肚餓tim 呀...所以我地決定去開餐!!!

男友話去到大澳無可能唔食海鮮餐囉!!!所以我地揀左呢間....橫水渡小廚

呢間小廚最出味既炭燒燒鵝,墨魚餅同籠仔飯....etc..

所以我地就揀左三款菜~第一款就係墨魚餅~一黎到個陣我話唔係卦,成88蚊得個幾舊隻...

不過男友話,你食一舊試下先一食之後就發覺同平時係街食既真係好唔同呀~

雖然都係有粉,但係真係食到好多墨魚呢~~啖啖肉呀真係

仲有男友最愛既椒鹽鮮魷好食!!!但係好貴xdd 

最後仲有籠仔飯,包括係咸魚,白飯魚乾,蝦膏豬頸肉同一樣唔記得係咩xdd 但係一樣堅好食

呢個Size 既飯,估唔到我都可以食到3碗你估有幾好食呢~~

食飽飽又去行街街囉去離島最好就係周圍行周圍影相xdd

你有幾耐冇見過用木/柴煮飯煲水未呢?老實講~我都真係好耐冇見過!

我呢兩張相係有心扮哂哀怨咁架xdd 

其實我企係個棚度個陣好驚架xdd 我好怕佢會跌我落去xdd

如果個河唔係咁既色~或者呢個大澳漁港會更加美~~

我有型嗎?其實後面係有人住架xdd 

行行下又見到呢間好出味既沙翁鋪頭~~~

真係好夠鬆軟架~又唔會太甜wor ,只需要$6個~抵食呀!!

行過少少就有大澳最出名既炭燒雞蛋仔伯伯,而家佢唔係走鬼檔啦,係地鋪啦~

不過實在太多人排隊啦~所以我地冇買黎食啦~不過係$13/底~

係期間見到呢隻貓貓~好似好野性,好高倣呢~

行到四點幾左右~打算去買定船飛番屯門啦!

之後我地入左一個大澳小型博物館~

入面有好多介紹大澳特式既野,好似佢地舊陣時既結婚既野啦

舊陣時既漁具啦~有d 係唔洗餌tim 呀!!!

舊陣時佢地既家居用品啦~

行完博物館又打算去食下野啦~~本身打算肥妹小食既~不過我覺得個海鮮太細舊啦~

點知行行下見到有個串燒檔好似好吸引啵~~~~

呢個姐姐係星期六,日先會開門架咋~~~帆立貝同帶子各$25串

帶子我地食左一次之後又再去買多次~真係好好食~

當然唔少得大澳最出味既"雞屎滕"~$5/件~雖然它樣子唔好睇,但係好好食架~

旅程差不多就完結啦~~~就比d 準備日落既大澳相大家睇睇啦~

我們真的要走啦.....再見啦!美麗既大澳~~我一定會再黎架~~~你真係好靚呀!!!!

男友話我地下次既旅程去南丫島呀!!!唔知會係幾時呢?

個度又有咩野食咩野行呢?真係好期待&

希望你喜歡我呢個小旅行~
亦希望你喜歡我呢個Blog 啦^^

多謝收看~^^