◕‿◕要廋身?又要懶?我教你安在家中DIY 廋身法✿



我諗大部份女仔都話自己好肥,即使佢得45kg 都話自己好肥,不過都會有d 女仔佢真係食極唔肥,仲要嚷住點解我肥唔到
你會唔會有一刻想殺死佢呢我曾經有個同事,當我地幾個女仔圍左講點樣點樣減肥最好個陣,佢就同你講我想增肥wor...
當時大家都會靜哂....當然減肥方法百花其門,我自己都試過好多唔同既方法,例如節食~做運動,食減肥藥,食生果餐etc.....乜都試齊...
但係當中除左做運動之外,我其他通通都有負作用....無錯!你冇睇錯~係通通都有負作用!!!!

我記得我人生第一次減肥就係為左我既初戀男友,他說我肥所以我盲目地減肥,當時我選擇左節食~而我點節食呢?就係唔食早餐,少食午餐,夜晚飲湯~
其實我今次節食,係我覺得自己人生最錯既一件事,點解我咁講呢?
因為我個陣我節食攪到自己胃酸倒流,足足醫左幾鬼耐呀~醫生仲鬧鬼我,點減都好唔可唔食早餐架!!!各位小妹妹唔好學我啦
之後食過"消x丸" 係呀,廋到呀~但係缺水囉,因為佢完全係令我肚瀉
前兩年~我食過朋友介紹既美國減肥藥..的確食完第一個月,我真係廋到8磅幾
但係我當時真係好多野要介口,所以茶類唔飲得,要不斷飲水...當時仲番緊office,
去親廁所又要同附近同事單聲,有d 唔妥我既女仔又話我成日去廁所,
真係好無隱架,加上當食第二個月個又手震又心跳加速~減既程度又唔多,最後我都係放棄左啦
直至上年~因為媽媽一句我也做Gym 減肥令我的起心肝去做運動去減肥,

(攝於當時2011 年6月)
的確做運動係最健康最成功既廋身方式,不過時間真係比較耐,我用左3個月左右,真的減了5kg 左右!整個人既線條都Fit 左,靚左好睇左~

(攝於2011年12月頭)
不過由於公司在12月期間轉了程式,工作上又忙,最重要係好夜先收工~
當時最早8點幾,最夜真係試過成9點幾先收到工呀,你話點做Gym 呢?(天音: 你懶就懶啦)

經過一個聖誕~新年加上我地既情人節曼谷之旅,我真係肥到豬一樣呢,將我之前個四個月既心機完全白費

(攝於2012年2月中)

加上年尾我都要做朋友既姊妹~梗加唔可以懶,而今次有機會試到由法國品牌
Home Secrets 草本廋身系列 ,
或者各位有心減肥既朋友,有陣時都未必知自己認為肥既主因;好似我咁~其實我係肥於水腫同脂肪類別
要針對自己肥胖問題,先可以針對性減肥...唔係就會減唔到之外,仲好傷身呢~~~
咁點樣先可以知自己係咩性質呀?
Home Secrets  已經為大家準備左一個網址啦~~~請先了解自己所需啦~
 http://video.sasa.com/homesecret/game.html 

既然我係水腫同埋脂肪問題,當然要針對番呢個問題啦....為大家先介紹<水腫不見了>




既然講得水腫不見了,主要針對對象就係以下個三種
。因水腫以致水份積聚下半身之人士(認同wor)
。缺乏運動長或長期站立之人士(天音:死懶鬼!!!話緊你呀!!!成日扮哂忙唔做運動)
。想改善下身和面部線條之人士



咁老實講,我自己都試過唔少減肥產品,咁今次呢款
Home Secrets  有咩咁特別呀?
佢特別之處就係成份天然,用天然草本精華去水腫,令身體多餘水份排出
最重要係可以將身體內既毒素排出~~~唔係即使你食幾多減肥藥好~健康產品都好~係咩都唔吸收架
正如面部皮膚一樣~如果我地唔將底層既毒素排出,你查幾貴既產品都係一樣冇用(天音: 你好似講遠左wor...)
最重要係幫我地改善水桶腰同象腿腳啦~~~咁就可以Show 哂你地既美腿同小蠻腰啦


而一盒就有30粒,每日早餐前食兩粒就ok啦


雖然呢款藥真係幾大粒,不過最重要係口中,唔會覺得佢好苦,我食藥唔怕大粒,因為我口大
當我食左呢個去水腫不見了約七天左右,當其實食到第三日,有個同事走黎同我講~Baby 你個臉好似又尖左d啵
但係問題係其他成日見住既同事又話唔多覺wor,媽咪都有話係尖左,但係佢話係唔係因為我之前做Faciel ,令皮膚收緊左所以尖左咋



唔知你地覺得我有冇尖到呢?我自己就唔算好覺得啦,因為始終我本身都係比較臉尖,所以唔太明顯
另外都要介紹一下<脂肪不見了>以橙色盒作標記~一盒有14日份量


脂肪不見了當然亦有針對地方啦~包括以下三點
。針對性燃燒~
。清除脂肪
。減少橙皮紋

脂肪不見了係分開早餐前及晚餐前各一粒,包裝上亦會有分別比各位既,另外藥丸方面都會有唔同既顏色
早餐前食既係較白一點既藥丸跟水腫不見了既係一樣咁大粒,
而晚餐前既藥丸就係比較啡色點,係完全有分別架~唔洗擔心食錯藥啦



其實兩盒既藥丸都係有食用成份同埋會有幾多卡路里etc....
最重要係兩盒既藥丸都有好明顯既有效日期~
足足可以Hold 到年幾呢,不過始終所有藥都係要安放於陰涼地方架~唔係都係一樣會變壞~~~


經過呢十四日既減肥大計~老老實實~我唔知有冇廋到,因為公司個磅突然失蹤我比較唔到~
不過由當第一日食水腫不見了開始,頭兩日我個肚係極之唔舒服,係覺得頂住頂住咁既感覺~
但係當去到第三日~就冇左呢個感覺啦,當然啦...去水腫方面,真係要其他人覺得我有冇尖左廋左啦
其實有朋友同我講,要食呢d 藥其實最好係食野之前半小時食架~
即係好似我咁,朝早出門口之前食定左早餐前既減肥藥~再飲一杯暖水~清清腸道對健康好有幫助架



當我第八日開始食脂肪不見了既時候,我發覺我係去便便多左,雖然都未真係日日去到,起碼多數日子都可以日日去到
不過呢我就成日唔記得左食晚飯前藥丸~呢個要諗諗計仔先得!
Home Secrets 對我而言有得必有失~得既就係我會暢通左去廁所~唔會手震唔會心跳加速;失既就係藥丸方面真係比較大粒,未必適合全部人
同埋要持續咁食先得~最重要既當然要做下運動啦~你做機呀,佢都要你食佢d 營養餐先可以keep 到啦~可況呢隻係藥~

我黎緊四月又報番Gym 堂啦,希望我可以Keep 番我自己做運動既決心,
小魔怪對自己既減肥大計~最重要一定要食早餐~午餐正常份量~晚餐唔食飯類及肉類,只吃魚肉及菜
不吃任何零食,甜點~盡量唔好飲紙包及可樂等產品~每星期最好3日做足30mins 運動~
長久既運動加上Home Secrets 既產品一定要梗加成功~~~
希望我黎緊真係會廋到啦~希望你會喜歡我既介紹~~
























留言

  1. 我想問....點解個磅失蹤的呢??
    我都好懶,加上無時間,近半年真係少咗好多運動....睇來今個月要勤力返先得...:P
    [幪面超人RX回覆04/10/2012 12:20:12]嘩, 妳做過乜野來呀???
    hey...我有fd叫我試消腩丸, 但另一個fd鬧到我死.....叫我做運動好d...但做gym好悶...最好有人陪我打波...打boxing.....但成日傷....>.<
    [版主回覆04/10/2012 12:12:51]我單單四個月~將之前既心機白費左xdd
    [幪面超人RX回覆04/10/2012 10:29:19]我都超懶, 我都肥咗好多呀....唉.....
    [版主回覆04/10/2012 01:42:16]因為比我主任收埋左~佢又話唔知放左係邊囉-口-激死~
    我懶左4個月啦~我又要做姊妹~唔懶得xdd

    回覆刪除
  2. 脂肪不見了;以橙色盒作標記~一盒有14日份量,請問係邊到買呀,謝
    [版主回覆07/10/2013 01:26:06]係sasa 有得買,不過可以先問一下店員~
    因為真係唔知而家仲有冇代理

    回覆刪除

張貼留言

熱門文章