集合了十位巨星。形成了今天的《盜賊門》

早前SaSa 請左小妹去睇戲,
然而請小妹去睇既就係韓國最高票房之一既
《盜賊門》

說真的,小妹好少睇韓片...
好似睇過一套咁大把就係《我的野蠻女友》
所以今次睇呢套《盜賊門》,
入面所有既演員,小妹只係認識全智賢,任達華同埋李心潔
仲有去到就知道入面有個小小帥哥就是今次既主打
因為佢就係Angel Aqua 既代言人『金秀炫』啦

呢套戲比人形容為外國片"盜海豪情" 既韓國版,
不過對於小妹而言我覺得呢兩套完全不相似
因為我沒記錯"盜海豪情" 是由十多位帥哥用盡不同方法
盜走金錢,而被偷者是蒙在鼓裡的

但係今次《盜賊門》以集合了,香港及韓國的十位高手
包括是懂運用自己既腦力,技能當然也有槍戰的高手吧
一開始劇中由Popeye (李政宰 飾)主打既團隊會運用鋼線技巧
係單單幾分鐘可以就可以將一個價值唔知幾多錢既名貴古玩
偷龍換鳳,轉成一個可以1000蚊唔值既仿制品~

但係突然間傳說中傳說與68公斤黃金一同消聲匿跡的大盜
Macao Park/朴馬可 (金允錫 飾)飾突然重出江湖招兵買馬
就係為左偷既就係處於澳門盜取價值連城的318卡巨鑽「太陽之淚」

雖然表面上呢個十位大盜都好合作幫呢個超級大盜做呢單生意
實際上,其實各人各懷鬼胎~每個人腦子入面也不同的想法~

片中對小妹而言有笑位有緊張情節,亦有動人劇情
亦看準了不少人生百態,每個人心中總有一個魔鬼
總是想自己是個永遠的Winner,永遠得到最後的勝利

第一次看上韓片真的會令自己頭很痛,
或者我聽不慣韓文的發聲,只是認為很嘈
當慢慢的習慣後就認為原來也不錯

最令我估唔到既就係全智賢的角色最討好,
角色百變~一時是一個高貴的女生
一時像一個甩繩猴子一樣~周圍走~

加上片中有香港同澳門做其中~總算令小妹認為係最有親切既感覺~
起碼我呢D 聽唔慣韓文既人,真係覺得好無聊~
而片中其實打鬥場面絕對少...但係感情線就蠻多~
不過華哥同另一位韓國女星扮演的日本夫婦,
雖然表面睇好似九唔搭八咁~
但係絕對有火花~華哥好Man 呀>w< 
仲有李心潔既臥底角色都蠻不錯~
不過智偉個仔~曾智祥好似出得最少鏡亦係最唔著眼咁

最令吸引我的眼球~除左帥哥之外~
就當然係全智賢的唔錫身既演技啦~
同埋主腦既易容之技~~~認單佩服~~
仲有就係華哥既演技啦~絕對不容忽視~

如果我去開澳門~唔知可唔可以搵到
佢地呢班人一行十人既大街呢?
因為我都想Chok 下~xdd

不過時間太長,有點拉長左~加上韓文的關係
不能太吸引小妹既耐性~安安定定睇呢套戲~
不過如果你係韓劇迷~絕對岩你睇:p

---

▼ 《盜賊門》故事大綱（轉載Yahoo電影）及預告片盜賊門

結集10名亞洲大盜 完成不可能的任務 傳說與68公斤黃金一同消聲匿跡的大盜 Macao Park (金允錫 飾)突然重出江湖招兵買馬，計劃到澳門食大茶飯 &ndash 盜取價值連城的318卡巨鑽「太陽之淚」。他邀請舊拍擋 Popeye (李政宰 飾)及開鎖專家Pepsee (金惠秀 飾)，加上鋼絲高手 Yenicall (全智賢 飾)、賊門浪漫新貴 Zampano (金秀賢 飾)及易容高手 Chewingum (金海淑 飾) 的加盟，一行六人齊集香港，匯合由Chen (任達華 飾)為首的犯罪集團，解鎖高手 Julie (李心潔 飾)及兩名槍手Johnny和Andrew (曾國祥/ 吳達秀 飾)一同前往澳門，目標是從黑幫大佬 Wei Hong 那裡偷走「太陽之淚」。 表面上，各人合力演出一場偷天換日大龍鳳，其實骨子裡各懷鬼胎：Popie不信任Macao Park；Yenicall 想私吞鑽石；Pepsee只為弄清與Macao Pak間混亂不清的感情；Chen只在意賭場的現金；而眾人之首 Macao Pak 內心似乎更隱藏著深層的計劃&hellip 奪鑽行動在這爾虞我詐的狀態下展開。到底誰會先被出賣﹖誰又可以帶著「太陽之淚」全身而退﹖盜賊門

小妹專頁也開通了，喜歡我的文章給我一個Like 
可以更快知道小妹既近況同埋出文預告架~^^

     

◕‿◕歡迎聯絡小妹出席品牌活動‧邀稿試用
電郵: man_man811@yahoo.com.hk
Weibo:  http://www.weibo.com/siuangel 
Facebook 專頁: http://www.facebook.com/angelbabyhome