兩小時的名媛享受 ★ 一切盡在Phillip Wain 菲力偉

對於Phillip Wain 小妹絕對唔會陌生
因為我成日係d 八卦雜誌上都睇過呢個名字,
亦知道就連DoDo 姐都會成日去做Gym 既地方~
仲聽講話好多明星同名媛會去架~
聽到都即刻想去呢個地方做下Facial 做下Gym
唔洗多呀,一次都好呀~~~

點知....呢個希望竟然成真呀!!
小妹可以去一次做名媛既滋味仲可以試下佢地每新推出既Faical
就係..."逆轉肌齡透白療程"啦~
而今次我去做Facial 既地方就係尖沙咀美麗華商場11/F

如果你地上去既一出Lift 左手面就係架...
到啦到啦~~我終於黎到我一路恨可以去到既地方啦!!!

佢地既大門好寬敞....加上以透明玻璃,
更加令人清楚望真入面係點樣,
或者你會講,咁咪會冇哂私隱?
不如等小妹帶你入去呢個神秘角度啦~~

當一到去個陣,先跟接待同事講明,我姓咩同Book 左幾點
當說明完後,接待同事就會叫你坐底等等,

在等候既時候...我見到佢d 擺設都係以呢個品牌為主~

跟住冇耐就有同事帶我入去呢個神秘角度啦~當原來進入呢個超大接待位之後,就會入去另一個區域..
噓..呢個範圍就係只限女生架啦~~男仕們唔好意思囉
跟住招呼我的小姐問我需唔需要擺底d 野
(其實當時我真係好想答佢,唔通你想我拎住一袋二袋入房咩)
不過我又諗...可能有d 客人唔想自己d 私人野放係Locker 既
跟住佢係另一個接待處幫小妹開左一條Key

就進入更衣室囉~~入到更衣室
其實我真係有d 覺得自己似去左Physcial
又有一排掛既Locker...不過唯一唔同既就係呢度裝修靚好多
仲有既係....呢度唔洗自己準備鎖

小妹去換衫去啦~~其實每個Locker 入面都會有兩條毛巾
一條沖涼,一條洗頭,當然唔少得仲有佢地既專屬袍啦~
仲有就係...紙底底xd

換好衫啦~~愈黎愈興奮呀!!
等小妹去過廁所先~~去做Facial啦
費時做做下要去廁所就麻鬼煩囉

去個廁所都發現左d 野...
平時你去廁所有Soap 唔出奇呀~~
但係竟然有埋...Lotton 啵~好棒唷!!

好啦~玩左咁耐係時候去做Facial 啦
去番頭先拎Key 既地方等同事再帶我去今次既房間~
雖然你以為房仔細細,設備一定唔夠齊全
其實佢除左有一般設備之後~仲有洗手盆tim呀
方便美容師在替你用做某一種服務後,
不需要再哂時間出去洗左手又入黎幫你服務啦~
其實...我係更衣室同廁所磨左咁耐~
我今次既美容師Boey 一早係房入面等啦~
我真係十萬個唔好意思呢~

好啦~開始我既貴婦之旅啦~~
首先幫小妹落左妝先~
再之後就用洗面奶幫小妹洗一洗面~
美容師隻手好溫柔好舒服~
唔係我要影相~我諗我神早訓死左啦~~

洗完面之後再查爽膚水~
之後美容師好貼心咁問小妹~你呢個星期入面有冇做磨沙/深層清潔?
我真係唔好意思同佢講,小妹太懶~我冇做到xd
Boey 就同我講因為如果我呢個星期做過就唔會幫再做啦~
因為唔想令我既皮膚有機會受傷~

做完磨沙之後就開始針清同修眉啦~
我真係好耐冇去做Facial 同修眉啦...
所以今次呢Part 都攪左Boey 好耐...真係好Sorry....
當針清完之後查番清炎水就開始下一Part 啦~
就係我最最最最愛既一Part 按摩啦!!!!
好想訓好想訓呀....

都話快樂時間過得特別快,,轉眼間又按完面又按肩...
係時候又要下一Part 今次仲係今次最重要既時間
開始做無針幹細胞注滲啦~

首先Boey為小妹係面度查上"幹細胞黄苓苷粹取物精華 "

再配合呢部一機兩用既機~分別係Cryojet熱能滲透 + Cryojet 冷凍滲透咁而家我地先做上
Cryojet熱能滲透

咁Boey 就話而家我地係會做熱能無針導入
機頭是熱熱的,加上拉提既手法~
將幹細胞黄苓苷精華輸入表皮及真皮細胞
其實我係做緊既期間我完全Feel 到有比針拮既感覺
只係覺得勁舒服~好想訓教呀!!

跟住就再做Cryojet冷凍滲透啦
今次用上既精華係美白成份~
加上用上冷縮熱脤既道理~
就可以將美白成份打入皮膚
同時間可以將毛孔即時收細~~

首先Boey 會將美白精華勻暈咁查哂整個臉部
今次既無針導入頭呢~就係凍冰冰架啦
所以第一下個陣真係即刻縮左一縮~
不過都還接受到個凍既程式~
其間Boey 都有問我凍唔凍,我覺得都係部機凍o者
佢話凍既話可以比張被我~
真係五星級享受~~爽!!

睇唔睇到我個得戚樣xdd
成個面都好似識發光一樣~Bing Bing
去到最後一個環節啦~~就係敷Mask 啦
今次我敷Mask 有別以往我平時做開個d 倒模
跟住就要用呢張咁大張既Mask 做「幹細胞膠原面膜」

由於「幹細胞膠原面膜」蘊含葡萄籽精華，
所以塊mask係淡紫色嘅~
係敷之前其實Boey 已經跟我既面形有作出修改架啦

係唔係覺得奇怪?究竟明明係我紫色既Mask
好似紙一樣咁?但係又見到我有d 濕左既地方?
原因就係Boey 會不斷將下面既營養水~
滲透落去呢個幹細胞膠原面膜上面

最後就黎一張嚇人相~我諗我咁樣出街~
萬聖節大獎仲唔會係我贏硬xd
佢會以砂巾幫小妹個Mask 定一定
咁即使客人訓著左~都唔知跌左啦~
(阿妹一見到我張相...佢即刻話好似新聞報導d人受重傷d 樣呀)
即刻想殺死佢!!!!

係敷緊Mask 既同時,Boey 已經為我雙手按摩緊啦
真係太舒服啦....但係當去到呢Part 我就知道
我既快樂時光就快完結啦~~

做完我呢個90mins 既Facial後..
真係唔想起身~一路咁訓落去呀~~
當我一起身~Boey 就即刻送上一杯暖既洛神花茶比我~
最後仲送埋小妹出去更衣室~
因為呢度真係太似一個迷宮啦XD

話比你知呀XD~
今次由洗面到爽膚~仲有按摩膏~
都係用上~~Suisse 呢個貴價品牌~
你話咁正既Facial 邊度搵...我估除左自己做之外
都係得Phillip Wain獨有架啦~XD

係入去換衫之前~我當然去睇下佢擺出黎既產品啦
差唔多款款都係貴價野~
睇黎....做貴婦都唔到小妹黎架啦~

係時候要同呢度講聲拜拜~~小妹要換衫啦~

今次小妹冇係度沖埋涼洗頭先走~
所以梳番個靚頭就閃lu~
如果你冇帶梳唔緊要~呢度有梳仲要消毒過~
用得安心又放心啦係唔係?
仲有仲有~佢地仲有d 洗面,lotton 仲有eye Cream
簡單六星級享受呀~~

做完Facial 不如睇下我即時效果呢~
明顯皮膚靚左好多
毛孔又收細左~最重要d 黑頭比人整哂出黎xd
仲幫我整番粒暗倉出黎~但係好痛唷

睇下深入d個效果又點樣呢~
即使做完之後~面完全係Bing Bing 一樣咁令面~
絕對唔係油~~係好水水的:p
而下圖就係第二朝起身架啦~
朝早毛孔都係大番d ,但係吸收番平時用開既產品
快左好多好多唷~~~

小小總結:
其實我一路都好怕去做個d 大型既美容店
因為真係聽過唔少係不斷係你做緊既時候狂sell 你
而家有d 仲話開大冷氣迫你join 佢地d course  
真係小妹怕怕呀~~~

不過你以為集團式有問題?
其實細間個d 仲大問題...本身我都有間做開既~
開頭係由個妹妹仔幫我做~
到後尾佢Cut Cost,佢自己做番
就次次做洗腦教育~不斷洗腦叫我番教會,真係夠哂討厭
(如有得罪任何宗教團體,敬請原諒)
最後小妹放棄去做呢間Facial~

今次去呢間五星級服務既美容店~
除左由進入門口到我離開~都冇人帶我入房話我有任何皮膚問題
而一路做Facial 既時候~Boey 雖然有不斷同我講野~
但係佢不斷都係同我講...
"Wa 你塊面好乾呀~"
"你個咀好乾呀~"
"你隻手好乾呀"
聽到自己真好Hurt ...乜我真係咁DRY 咩
不過佢絕對冇叫我Join 任何療程~
只係叫我乖乖地早d 訓,飲多水~
最重要係查番d 潤唇膏同Hand Cream
同埋做完Facial 之後~其實我都覺得幾排毒...

如果我有錢...我真係好想Join 呀>w<
希望你都喜歡我今次既介紹~
如果你都有興趣想試下佢地既Facial~
可以去以下網站睇下~

官方網頁: http://www.phillip-wain.com.hk

Facebook: https://www.facebook.com/phillipwainhk

除左尖沙咀分店之外~仲有以下兩間分店~

銅鑼灣恩平道28號利園2期4字樓 (2882 7880)

太古城中心第4期2字樓 (2513 1333)

如果你都有興趣學我做一次貴婦既滋味,而家有個優惠~

特別優惠: 只要登入以下網址，即可以HK$388享受逆轉肌齡透白療程，更加送1天免費健身會籍。優惠期由即日起至2012年12月31日。 

http://hkcosme.com/phillipwain/04hfjuc40/

小妹專頁也開通了，喜歡我的文章給我一個Like
可以更快知道小妹既近況同埋出文預告架~^^
    

◕‿◕歡迎聯絡小妹出席品牌活動‧邀稿試用
電郵: man_man811@yahoo.com.hk
Weibo:  http://www.weibo.com/siuangel
Facebook 專頁: http://www.facebook.com/angelbabyhome