2014年5月12日 星期一

【保養】清爽同時保濕 ❤ 專科保濕精華礦物防曬 。★。

今時今日,大家對於防曬一定唔會陌生
之前我可能同你講,你開始化妝就要用防曬
而家小妹同你講,你開始用上護膚品就需要用上它

不過真心唔建議小朋友太細個就要用啦,
始終小朋友仍有一個小保護層係度架嗎

但係今日小妹要介紹的就是【專科】
新推出既【保濕精華礦物防曬】


我想大家對於【專科】應該不會陌生吧?
它雖然是一個開架品牌,但係它在日本及台灣也是蠻出名的
小妹也曾出文介紹過它的,就連我家爸爸也特別喜歡
原因它在地盤中工作,長時間也要在太陽下工作
其實曬傷既機會也是極高呢!!!

不過今次我要介紹既呢款,就有一點不同
因為今次呢枝都係面同身都用得
最重要係佢有SPF 50 PA++++架
足足4個+呀,防曬既數字即使幾高都冇用
最重要都係呢個 ' + "

今次呢款防曬跟以往的是以100% 礦物泉水研制既防曬之外
今次仲加入補濕精華Q10 及透明質酸
係防曬如可以更水潤更有彈性
最重要就係用左佢連Bass 都可以唔用啦
慳番唔少時間快快手出門口啦


其實唔知大家又知唔知,雖然呢枝【專科】
價錢上又唔算好貴,但係又係好用啵
但係它是 SHISEIDO 資生堂旗下品牌之一黎架
同埋仲係日本黎架tim,唔知大家又會唔會好介意呢? 


大家知道市面上防曬產品都有印上SPF同PA字眼,其實係代表D咩呢?
SPF (Sun Protection Factor )係指產品防止UVB肌膚曬傷既保護指數,
UVB會即時令到肌膚曬紅、脫皮,膚色會變得暗沉、黝黑,
SPF指數越大,代表抗曬時間越長。
而PA (Protection Grade of UVA) 就係預防UVA有效程度既分類,
UVA能夠深入肌膚底層,引致黑斑、老化同鬆弛,
共分為四個級別,而「++++」係現時日本最高等級!


講左咁多介紹,係時間要試清楚比大家望望啦,
小妹自己就會先吱出適當既份量先,最重要就唔好多
一多呢一來又哂野二來你都唔知可以搽係邊
所以我就會吱出約五毫子既份量,唔夠先再加嗎


首先我就會先在肌膚上輕輕塗上,
然後再以打圈形式均勻地搽好它啦
最重要係呀!!!記得要搽番係鼻翼位置同眼底呀
唔係黑斑就係好易形成架啦


當然少不了大家也可能遺忘的頸部吧,
由其喜歡短髮示人的美女們,你地既後尾枕好易曬黑架!!
記得唔好唔搽上防曬唷!!!


今次呢枝防曬,跟之前曾介紹的專科防曬有一點不同
雖然它同樣是三無的,但係今次的味道好似有一點怪
就係跟太陽油的味道一樣呢,不過它的確是保濕度不錯
最重要就是它擦完在肌膚上沒有白色的行跡在肌膚上

唔知如果係用係d 曬太陽既時候又會唔會曬黑呢?
真係搵日出去外拍之時,帶一帶它出去試一下先XD
又或者送給我家爸爸作為一個小禮物也不錯吧
最重要係價錢真係唔貴架,萬寧優惠價$79/枝咋!!

希望大家也喜歡今次既介紹,
如果大家有興趣了解更多【專科】既資料
可以瀏覽一下它家的專頁架
https://www.facebook.com/SenkaHK

希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^











沒有留言:

張貼留言

【2017❤旅遊】 夏之遊✈️大阪 ♬ 京都巴士一天團(金閣寺及嵐山)

係我仲記得,同有時間之前我真係好想完埋我地既 親子旅行-2017 日本大阪遊 係之前我已經分享左我地去左京都一日團既上集 詳情可以睇番我呢條Link http://littleangelbabe.blogspot.hk/2017/11/2017.html...