【保養】最愛不黏笠。水潤感覺 ◕‿◕ GARNIER水潤凝萃保濕系列 ♪ﾟ
天氣一轉,大家也開始集中地轉用一些控油的,美白的產品
但係當要換用一整套既Skincare 有陣時都幾肉赤
不過對於小妹而言,保濕先係皇道xd
今日小妹就想介紹一個開架品牌,它絕對唔係我平時介紹的品牌
而它也絕對是各位小資女的平價選擇
我要介紹的就是糖妹做代言人的品牌【Garnier 】
要介紹的當然就是它家的皇牌產品
GARNIER Aqua Defense
GARNIER Aqua Defense
我今次要介紹的就是呢個系列中既其中三款產品
包括有水潤凝萃密集保濕精華水,水潤凝萃冰河泉保濕精華
同埋水潤凝萃輕感面膜
不如等我先介紹一下呢三款既產品先啦
係大家洗完面之後,搽埋爽膚水就可以考慮使用呢枝
水潤凝萃密集保濕精華水
開頭小妹真係以為它就是爽膚水,望真d 原來係肌底液黎
以透明既樽身做設計.可以睇到肌底液既顏色同用剩多少既
打開它後,也會嗅到陣陣的清香味道
用上肌底液既方法,可以先倒在化妝棉上
但係小妹又覺得有d 哂野,所以最好都係倒係掌心拍打既方式
可以令肌底液完全吸收係肌膚內
搽好肌底液之後當然要搽上精華對嗎?
今次它家的精華跟平時小妹介紹的好像不同
因為今次它的設計有一點像面霜的呢
它就是水潤凝萃冰河泉保濕精華
打開了精華蓋後,就會見到有一層小隔層
我喜歡它們的設計,起碼用手指拿起就可以囉
打開後跟肌底液一樣是以淡淡的青綠色的
也有陣陣的清香,香味不算太嚴重的呢
最重要它們也是較水水的,好舒服的唷!!
按自己需要就可以搽上適當既份量
好似小妹咁,係面上份量約可以搽上半邊面
當然也是最好少少地搽上面啦,搽完之後真係好快清爽
唔會淋痴痴啵真係!!!
搽好精華,平時的我也會搽面霜作為最後的保護層
不過今次我反而想介紹另一樣東西給予大家
它就是水潤凝萃輕感面膜($45/5塊)
它家的面膜一路也是好多朋友大力推薦的
不過它家的面膜我反而一路也未試過
也許是因為.....我家仍有很多很多的面膜
買個陣就唔覺得自己好多,每當執親就好多=口=
好似離左題....係時候等我同大家介紹下啦
呢款平價面膜究竟有幾好呢?
來!!跟我齊齊敷上面膜吧
首先就係準備一塊【水潤凝萃輕感面膜】
首先撕開包裝袋後,就可以拿出了面膜
面膜是以三摺的方式,所以大家可以先把左右打開
再慢慢打開面膜往面上敷囉
如果大家會問究竟邊一面係面同底呢?請看看鼻的位置
如果是(笠)左落個個位就當然是面吧
係時候迫大家睇下嚇死人既樣啦,我家男人常說我你敷Mask 時,
我都有d 驚驚地,你仲擺上網嚇死人咩...
如果真係嚇親大家真係唔好意思啦xd
因為小妹要跟大家分享一下它的質地對嗎?
今次呢款面膜不算太透薄的,我建議唔好係有家人既位置敷上
最重要唔好係熄哂燈玩電話個陣敷呀,嚇死人架真係xdd
不過它的剪裁也算是不錯,起碼是夠哂貼面之如
仲要Fit 哂d 位,唔會太大或者太細的,係眼既位置就有一點向上戚吧
那靜待約10-15mins 就可以撕走面膜囉!!
最後就可以用掌心的溫度把面膜上的精華完全吸收在肌膚底層
咁就可以完成整個護膚療程囉!!
另外要跟大家說一下唷!!面膜是同款的話不要連續技敷唷
如果唔係未必有效之如,分分鐘仲堵塞左毛孔架
一星期最多三次就好囉,知道嗎?
其實小妹認真的,也是第一次體驗這個GARNIER品牌
但係我家妹子就極之愛上它們呢,我家中也有不少它的產品
不過我一路也認為它是岩番d 後生d 朋友使用,
你知啦,我d 肌膚又唔算好當然要用上d 保濕既產品先可以啦
不過係近來出油出到傻左,又敏感既肌膚下
用上它沒有特別大敏感之如,仲可以蠻清爽的唷
難怪我家妹子那麼愛上它們吧!!
係今次呢個系到入面,我最欣賞就係面膜同埋精華啦
首先個面膜就係抵用之如,又幾保濕啵又真係
最重要係佢真係清爽不黏笠,係朝早趕時間番工番學都唔洗驚啦
精華設計好特別,竟然是用上樽裝設計
同埋同樣都係清爽不黏笠既.加上有陣陣似青瓜的香味不錯的唷!!
不過呢,如果加埋面霜就好似好多樽要用手指搽好多野咁
如果可以轉用係番樽身,唔係瓶庄就非常好了
如想了解更多有關GARNIER的資料,可以到它家的專頁參考
https://www.facebook.com/GARNIERHongKong?fref=ts
希望你也喜歡小妹今次的介紹
**以上內容亦只是個人意見,不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓
◕‿◕如有任何問題歡迎聯絡小妹