【保養】♬ 敏感肌的專屬隱形守護天使 ❤ 昇級版 水凝防曬隔離液 ♪゚


天氣一變,我個臉又跟住變
明明個面已經唔係算係好既時候
仲要加上一點敏感一點乾肌成份
係呢個時候,我多數都會使用既敏感肌必備既品牌
除左VICHY 之外,最常急救既都係它
LA ROCHE-POSAY

如果有留意開我既BLOG 或者都有留意美容產品既朋友
唔會唔知其實LA ROCHE-POSAY 本身就係一個抗敏專家
不論你係大人定小朋友,不論你係咩屬性既肌膚都岩用

而我自己亦曾經介紹不少它家既產品,
最令小妹喜歡,亦係最快用完的產品就當然係它家既防曬產品啦
防曬無分季節,一年三百六十五日都要有用
在上年我就曾經介過它家既
UVIDEA Aqua Fresh Gel SPF 30 PPD18 PA++++
水凝防曬隔離


而在今年它家把此防曬產品改善及昇級,
將防曬產品轉為一個守護天使靜悄悄走在敏感肌既朋友身邊
它就是昇級版的水凝防曬隔離液  $270 /30ml
UVIDEA XL AQUA Fresh Gel  SPF50 / PPD21  PA++++


或者有朋友會話,唔好玩啦~成日都話升級版可能會咪又係改左d 包裝
又或者只係加多一種成份又或者加入左d 咩特別研製就推出新既產品出黎
但係如果心水清,有留意我d 文字既話,單睇其產品名稱已經有改變

第一點要說的,就是它家的防曬度升高了
不過有人亦會話數字呢家講架者,就不如我地黎上下堂先啦

同大家講下究竟乜野係SPF 同PA 值*
SPF = 對 UVB 光的防護力,預防皮膚曬傷、曬紅
PPD /PA*= 對 UVA 光的防護力,預防皮膚曬黑、色斑、日光老化
而大家常聽到既PA 值其實就係日本常用既防護值,
不過其實歐洲常用的 UVA 防護力指數 PPD,比日本常用級數更高,
就更可以清楚了解究竟枝防曬對自己有咩幫助啦

今次呢枝升級版,由SPF 30 升至 SPF 50 
PPD 值亦由PPD 18 升至 PPD 21 
當然少不了加入了新既天然植物成分 Detoxyl®抗氧化因子,
可以防止肌底會有微發炎既情況,就可以減輕一點敏感既問題
同時可以有抗氧、保濕及舒緩作用,絕對係敏感肌既好幫手

樽身設計跟以往的冇咩分別,不過自己個人認為今次它家既防曬
好似比起之前既防曬更加薄身,然而搽上肌膚上的感覺亦不會太淋
切合現在既天氣問題,絕對不怕潮濕天呢!!

對於防曬的質地是跟之前的一樣,有一點的米白色
不過就沒有之前的咁淋的感覺


我主要會在把防曬搽在手背/手心中,
然後就慢慢由下既開始向前搽在眼角附近
再慢慢搽埋額頭同下巴,最好就係搽埋頸啦


平時唔知大家鐘唔鐘意D 防曬係有色架呢?
我自己就睇情況啦,如果個日要化妝就反而唔想啦
而呢隻就好自然,好似有D 光澤係肌膚上


使用上咁高防曬度既抗敏防曬,其實都要Keep住去補番架
唔係度數咁高,就代表時間都可以Keep 住長,
由其如果你要落水玩或者出左汗都記得要補番呀

近來塊面又敏感又生左一粒粒豆豆出黎,所以睇黎都要用下它家既產品
急救一下,雖然近日天陰陰~都一定要用防曬呀!!


**以上內容亦只是個人意見,不代表所有人的意見**
##產品由品牌提供##

想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹
電郵:manman811@gmail.com


以下地方可以找到小妹架^^











留言

熱門文章