2015年4月17日 星期五

【食。尖沙咀】♧ 吃雞煲。不一定是辣的 ❤ 超滋潤的椰子雞煲 ♣

跟我男人出街吃飯,最重要找一間又要飽肚同時又要好吃的
我時常說我家男人是一個黑洞,吃極都是不飽的
走在街頭,睇住個Openrice 睇下係佐敦附近有咩好食
不過也許是自行區的區域,好像食親都係d 集團式既野食
都冇咩特別既食品,突然問起朋友呢附近有冇咩好推介
就介紹呢間吃雞煲的餐廳,他說要留意他的價錢不算抵的
這一間就是奇樂香辣雞煲


到了餐廳後,在樓下講明人數後
就安排了我們上去坐囉,而當天我們就坐了在那個近窗邊的位置
在這兒吃的雞煲,主要係分麻辣同椰子的
認識小妹的人都知道我是不吃辣的,我家男人當然是要就我吧
所以當天我們就點選了半隻雞的椰子雞煲

係呢度都可以有三款雞可以揀選,好像有嘉美雞,BB雞同走地雞
而我們就揀選了店員推介的BB 雞啦 
而近日它家推出了一周年的優惠
兩個人點選了半隻雞會有半價優惠架
只需要$124 就可以囉


當店員送上了半隻雞後,另外有店員會幫忙把雞倒入
充滿了椰子香的湯底內,待它煮滾後不是立即可以把食材倒入煲內
而是再靜待約10 Mins 就可以真正吃囉!


就不如等小妹的介紹一下今次我們點選了什麼食物吧
這個是手打四寶丸 $118
這個四寶丸是它家每天人手打的,所以它家的丸的確很彈牙很爽口的
不過我家男人就話個牛肉丸不太合他的口味了


平時吃Tea Set 就一定會見到三層架
但係有冇諗過打邊爐都可以見到有三層架?
今次我地好貪心地點了這一個價值$428 
牛肉三重奏 
分別有牛柳粒,本地手切牛及美國手切牛
小妹最喜歡就是它家的牛柳粒,本地的牛就更有牛味
而美國的肥牛就夠哂惹味!! 


另外我們也點了一些是店員推介紹的小吃
分別就有左面的響鈴及鬼馬油炸鬼 $88
響鈴就跟平常的有一點不同,因為它是即叫即炸的
不過卻沒有什麼的油油感呢
而鬼馬油炸鬼就是油炸鬼加上蝦肉
在等水滾的時候即刻食是很不錯的,不過放涼了就差一點了


當然吃了那麼多肉肉的,炸物的
小妹也有點了一個蔬菜籃來清清腸胃吧
不要講笑它的蔬菜也蠻新鮮的,我吃完後也減少了我的罪惡感呢

仲有滑滑豆腐是很配合椰子雞煲的味道呢,仲有少不了有我每一次打邊爐
也必叫的就是有墨魚麵呢,這兒的墨魚麵又的確有一點不一樣
條條都好似手指咁粗,仲要一樣咁彈牙
雖然價錢上都尚算幾貴,都要$88 一個架
但係又真係幾物有幾值架!!!!

最重要要同大家Share ,佢隻BB 雞去到我食完再睇下有冇咩野食之時
發覺隻雞仲係咁滑又唔鞋,唔怪得真係叫bb 雞啦


另外要同大家講一個好康既消息先得,唔好蝕呀嗎!!!
每位惠顧的朋友只有你在FB 打卡
就可以有一杯好好味既竹蔗矛根架啦
即使叫一壺都係$48 咋,都真係幾好飲又唔係落糖水個隻
好似平時去姨媽屋企飲個D 呢


雖然今次呢間奇樂真係好貴,價錢比起平時吃個D 都真係貴好多
但係它家既食品真係幾新鮮同時好味
由其它家既雞煲絕對不錯,要不是我吃到辣真的想吃它的麻辣雞煲
它的辣味真的很香香的!!! 

今次介紹既餐廳@奇樂香辣雞煲
尖沙咀山林道29-31號廣利樓地下4號鋪

望你地都喜歡小妹既介紹啦
想隨時留意小妹既Blog 既動態及生活點滴

記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com



以下地方可以找到小妹架^^





沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...