【食 ❤ 旺角】值得再來多一次 ❤ 價值性的 手打烏冬 。★。

自從Hugo 出左世之後,我已經自我封閉左差唔多大半年
而家Baby 開始大個仔,我這個媽亦開始可以慢慢學懂放手
慢慢地走出只有阿B 既世界,要見番一路既朋友圈圈

早前我又放左自己一晚既假期,放底左阿仔
同我呢班由打Blog 識到我嫁到而家我生埋b 既戰友們
對上一次出黎食飯就係我臨生個陣,之後就係上我屋企探BB 
今次我再可以同佢再來個Girl Talk Night 

今次飯局揀左朋友想試既餐廳,呢間就係
今助烏冬御膳

其實呢間餐廳都成日經過架啦,因為我成日隔離個間餐廳
但係從來又冇諗過入黎食啵,咁就岩曬啦
我地四個女人望住個餐牌好耐,唔係揀唔落手
而係好似樣樣都好好食咁,唔知點揀好

而最後我就揀左呢個牛肉定食(好似)手打烏冬


講真的呢個Set 以女仔黎講係好夠飽,而我係一定比起一般更大食
但係我都覺得好夠,首先有一些定食既Set 係配以四式刺身
老實呀,我開頭都唔期望佢係係好新鮮或者好好食架啦
但係又估唔到冇平時食到個d 雪藏味啦
仲要幾新鮮,由其個舊帶子我仲好回味


另外我呢個就配埋天婦羅既,或者咁講
我自己唔太好天婦羅,或者係放題食得多係唔好食既,
但係呢度既天婦羅係做到炸得岩岩好
外層唔會炸到好厚,食到食材本身既味道
最鐘意食佢地既冬菇同蕃薯


最後又點少得呢個主角呀,牛肉手打烏冬
朋友話以呢個價錢唔係做到手打烏冬就認真冇下次
但係呢間既手打烏冬就做到彈牙爽口,長度岩岩好既效果
加上d 湯底又幾好味,應該係.....日式牛肉湯底(甜的)
令我都想再同先生再黎食多一次


以每Set 約為$149-169 黎講,價錢尚算中等
但係食品質素亦尚算不錯,加上當天我地星期六食飯
都冇特別有限時既問題,岩曬幾個女仔既小聚會
不過如果帶同小Baby 的話也許一定要帶BB 車
在場所見卡位位置不多,如小朋友像我那個咁
又未識坐又唔想帶車仔出街,可能就要等一輪時間先可以有位入啦

不過唔知份量對於男仕黎講又夠唔夠食呢?
下次帶埋老公黎試個陣再作分享

今助烏冬御膳

這兒是旺角雅蘭中心2樓202號舖

**希望大家也喜歡我今次既介紹**
想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤

留言

熱門文章