2017年1月20日 星期五

【食 ❤ 屯門】食海鮮。到三聖 ♬ 惹味好食在泰海鮮 ✿

雖然住係屯門唔係好耐日子,但係要講食海鮮

我家附近既三聖就一定係其中既一度好地方
早前朋友入來屯門來我家探下bb之如仲想試下呢度既海鮮
同佢之前係鯉魚門食既又有咩分別先

當時就帶左朋友去三聖入面既海鮮檔揀好左海鮮先啦
跟住我地就去左呢間泰海鮮食野啦
開頭揀選泰海鮮係因為係家附近的小巴常看到此廣告
加上又看到真的蠻多客人去享用
重點係沒有酒樓咁又要茶錢又要盛

好啦,唔講咁多直接上菜
首先來的就是店內的小菜式—啫啫豆豉鷄
這一道菜是看到旁邊的客人吃,我在點菜時說有興趣
呢個似三杯雞的食品,原來是隱藏版菜式
唔係餐牌上獨有架,要係熟客食落先識點~

小菜一上枱,香氣好迫人
完全係惹味之作~送飯簡直係一流呀!!

另外就是朋友點選既,因為朋友購買左不錯既蟶子
詢問店員如何烹煮後就決定化作這個小菜
豉椒炒蟶子配煎米粉

豉椒炒蟶子都有食過,但係加上煎米粉認真係第一次
 香口既煎米粉,卜卜脆的加上有惹味既蟶子
簡直係絕配之作,難怪米粉好快就比人掃光光啦


然後就是海鮮檔建議的我們吃的,
這是白灼九節蝦,九節蝦唔係成日食到架
雖然睇落平時既蝦好似差唔多
但係食落又點唔同啵,首先就比較彈牙一點
加上帶有鮮甜的味道,要不是要睇住大少爺
我會瘋狂地拆蝦食


最後又點少得我既最愛呀,就係芝士焗龍蝦(伊麵底)
自從陀住阿B之後我真係好耐冇掂過龍蝦呢樣野
今次呢隻龍蝦係我點夠要求要食,龍蝦啖啖肉
加上濃濃既芝士香,仲有好肥但好好味既伊麵
即刻阿仔係邊都唔記得


朋友相聚真係傾幾耐都唔會完,但係有左小朋友就特別要就住D時間
由其佢地會坐唔定,唔可以靜左一段時間係同一個地方
所以食左餐飯,我就要急急腳同大少爺回家作休息
也許要有天跟先生請個假,再來朋友說天說地好了

這兒是泰海鮮
屯門三聖街6號三聖商場地下5-9及14-16舖


想隨時留意小妹既Blog 既動態及生活點滴
望你地都喜歡小妹既介紹啦
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤










沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...