【食 ❤ 屯門】在那靜靜的街道上 ◕‿◕ 紅紅燈籠下的鮨亭 ♪゚

有時放假或者唔想煮飯既時候係屯門區真係
唔知可以揀咩餐廳好,食黎食去都好似個幾間咁
又要睇住呀大少做人食飯真係好難搵地方

好似上年年尾清假,諗住約班舊同事聚下舊
明明話出去同佢地食,最後都要入番黎屯門就我
有大少係度樣樣都唔同d 

由於今次同兩位男仕食飯,所以食咩由佢地決定
同事話係屯門食日本野,開頭以為食個連鎖式日本壽司店
但係朋友話今次約係置樂度食
我心諗置樂都有日本壽司餐廳架咩?
原來係小曼谷隔離既鮨亭
真係經過得多,食就認為係第一次

由於要照顧大少就由朋友替我發板啦
首先出場就有呢個壽司併盤
一上菜就即刻覺得咩係一分錢一分貨
完全係新鮮,手握既壽司~
由其那個拖羅壽司直情有點像我係黑門市場食過個個款咁

然後朋友仲有叫左小食炸雞,
好老實平時我真心唔鐘意食呢D炸雞
或者炸物等等食品,
因為炸得好就真係好好味,但多數仍是炸到乾到一個點的
而這兒的炸雞,汁多嫩滑唔會乾到一個點的樣子
加上少少的沙津醬簡直是完美


吃過小吃又點少得有主食呢?
先有朋友點的牛肉烏冬,很想知道它家怎把雞蛋煎得那麼美
唔係食落肚都真係覺得佢係一件擺設,另外吃得出牛肉
一定唔係平時我地買開既肥牛,應該是安格斯的?
口感很厚實,即使浸了湯品仍有那種嫩滑
絕對是水準之作!!


最後要介紹既就係魚生雜錦飯
賣相超級咁靚,平時去開食個d 唔會咁豐富
重點d魚生係好碎濕濕,唔會咁完整地有一塊
(曾經我都係屯門食過一間好厚切既魚生飯,可惜佢執左之後未見過)
加上食材好夠鮮味,可惜三個人分呢碗飯認真真係唔係好夠喉
但係男生們給我的全是刺身,刺身同刺身....
真心的覺得有他們絕對是幸福事來的


講真的呢餐飯既價錢認真唔平,
但係朋友仔就話佢既價錢同食物品質係成正比
加上他剛轉左新工就是做日本刺身買手
什麼質素什麼價錢又點可能逃過他的雙眼呢
聽說這兒的午飯很抵吃,是時候找一天來潮聖一下
壽司定食的套餐了!


這兒是鮨亭
屯門青善街22號康景花園地下3-4號舖
(小曼谷旁邊,置樂再入位置)

望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤




留言

熱門文章