2017年4月7日 星期五

【食 ❤ 銅鑼灣】 慢活生活。遊走油街 ♬ 給自己一天沒煩惱的下午 ✿

小朋友大得很快,未有小朋友既我唔會發覺
但係當我既小PQ 出左世後,睇住佢大睇住佢曳
再見到身邊既朋友一個一個有左BB 再生左BB 
就發覺原來時間係走得好快....

時間唔等人,所以朋友係要見架
生左小PQ 之後已經好耐冇點同呢位好友相聚
今次佢話帶我同阿B 食好野一定去試下啦

今次我地黎到差唔多到炮台山既木星街
由於我唔太熟路,所以我就由銅鑼灣搭丁丁過黎
好方便係木星街站一落左車,轉入落內街行到差唔多盡頭就見到
呢間好法國風情既
A la maison XXL Seafood & Grill 

店內裝修得好有法國小島既感覺,
而設計上亦唔會話岩d二人世界既感覺
反而好岩一大班朋友仲有可以帶BB 咁既感覺
因為佢地竟然有Baby Sit , 而家去親邊都要搵Baby Sit 先安落

唔講咁多廢話,我一入到去餐廳已經見到附近不少客人有點上
以下幾款既食品,一場黎到唔係唔試架嗎
首先要出場就係呢個
Egg Benedict with Salmon

整Benedict既唯一問題就係要整到隻蛋半生熟仲要有D流心咁就最正
唔知大家有冇睇過"我要做廚神"(好似咁叫)既節目
我好記得有日我仔訓左,我可以好安靜咁食個杯麵
就係睇緊復活戰中,要考參加者點煮Benedict

看似簡單不過既食品,但係要做得完美,成功絕對是功力之作
唔係話你想整就有機會做得好
今次呢個Egg Benedict with Salmon
就做得不錯,先有半生熟既蛋.切開有慢慢流出既蛋汁
加上有煙三文魚加上菠菜蓉
另外仲有烘好左既麵包,絕對可以一個人食曬一碟呀!!


始於有D 生既食物未必岩小朋友,所以我地亦點左一份兒童餐比阿女
係坐底冇耐,店員已經比左一份小玩意比阿女玩
原來個張餐紙搖身一變會變左一個可以畫線線,油顏色既地方
仲有顏色準備,做阿媽既唔洗擔心一定要帶定原子筆係身
(以前我唔明點解做媽媽既一定有原子筆係身,而家我明啦)


一定要講下今次呢個Carbonara 兒童套餐 $68/Set 
套餐包有一個主菜/飲品/甜品

今次阿女就揀左呢個卡邦尼意粉,唔好諗住小朋友餐一定好細份
其實睇落同我地大人餐都差唔幾,唔係阿仔食唔到
我都想叫一份比佢,不過我比左阿仔食佢地既生果同粟米粒


再來我們既主菜,有佢
炭燒西冷牛扒 伴洋蒽汁 $138/位
雖然看似好細塊既牛扒,但係睇牛扒上既網紋就知唔係得吹水唔抹咀啦
我地點左五成熟就係驚平時叫五成黎左七成什至係十成熟
但係今次既五成熟可以做到,而且做到係表面燒得夠曬炭燒味道
而入面亦唔會燒到乾曬水咁樣,最喜歡看到它的血紅色位置
好像有一點變態,但是喜歡吃牛的,就是有一份這樣的執著

不得不講佢地既配菜薯條亦都好好食
之前我好麻麻地d 粗薯條覺得佢地又淋又唔好食
但係當食過呢d 新鮮炸起外脆內熱既薯條就絕對會愛上的


最後要出場既當然有呢個壓軸既食品,亦係朋友黎到話最想試既食品
就係呢個全日早餐認真夠曬豪,因為早餐食龍蝦
有冇試過?未試過而家比你睇下啦

ALL DAY BREAKFAST DELUXE $188 
今次呢份全日早餐入面除左主打係有龍蝦之外,
仲有煙三文魚,法國麵包,芝士腸仔,仲有話係黑松露炒蛋
但係見唔到有黑松露~

不過當中佢地既蛋係炒得幾好,龍蝦亦唔係大家怕怕既小龍蝦款式
真係啖啖肉好好味,仲有少少煙肉同薯角
食埋呢個就覺得好完滿啦,雖然佢就貴左DD 但係我又覺得幾值呀!


自從小PQ 出左世之後我真心冇咩必要會去港島區
一來車程太遠,要是阿仔佢不受控地大叫大喊,做媽的會好監界
亦唔知點可以控制到佢既情緒
同樣好多次好想去既油街,成日見到朋友黎影相
終於係食完呢餐飯之後我地第一次黎
估唔到小PQ單單玩樹葉都已經好開心
或者小孩不需要什麼既玩具,其實只要爸媽陪佢落去草地/公園玩一下
對佢地已經好開心,睇住PQ 笑得咁開心
媽我看得更快樂,給自己慢活半日時光也許我得到會更加多


今次介紹既餐廳係
A la maison XXL Seafood & Grill 
 銅鑼灣木星街18號
(可於炮台山A 出口/搭叮叮到木星街落車)

望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤



沒有留言:

張貼留言

【保養】想美白又怕會敏感 ◕‿◕ 肌美精低敏高效/透亮保濕面膜 ♪゚

面膜我想每一個女生家中必備之物 係我自己既櫃入面起碼有超過30塊面膜或以上 但係知道做左媽媽真係未必咁多時間去敷 敷親都係急救成份為主要, 不過PQ 開始大個仔,生活作時穩定左 而我亦開始做番適當既護膚時間 而最近我就試緊呢一款來自日本品牌肌美精 ...