2017年4月11日 星期二

【親子】✿ Hugo一歲生日啓動禮 ♬ 初試PlayGroup 新體驗 ✿


小孩子大得很快,由那時的一舊粉團的小伙子

轉眼間小伙子已經一歲大了,
係之前做阿媽既我冇特別點為左佢打Blog 留紀念
或者襯呢隻小馬騮仍然最愛是媽媽既時候留紀念啦

剛剛渡過了他的一歲,由之前陀住小PQ 既時候
我同自己講唔好做怪獸家長唔好迫佢唔好攪到佢冇童年
但係有時有D 野唔係你話唔想就唔去做

不過盡可能就唔做到咁怪獸先啦,係早前我就同左另一位媽媽
報左係同區既PlayGroup 主要係因為平時我都要番工
冇咩機會同到阿B 玩或者帶佢去同其他朋友仔玩
咁今次我地就先試Join 左四堂既Baby Rainbow 試下
究竟Playgroup 岩唔岩我地玩呢?
第一次去PlayGroup 又唔知阿仔夾唔夾到老師
又或者會唔會爆喊?又或者會唔會好似朋友咁講
會暴走呢?完全唔聽指令呢?

今次我地黎到呢間PlayGroup 啦
首先黎到就門口排隊入去,入到去上堂點就覺得好似去左PlayHouse
或者係Party Room 一樣,好多波波好多既小朋友同玩具

今次同阿仔黎到就係度玩左一陣先比阿仔熟習呢個新環境
玩左大約10MINS 左右,就開始播一隻音樂
就係話比小朋友知,係時候收玩具啦


然後就會去準備唱歌仔,分別有三隻歌
分別就係Hello Song,一首係顏色歌同另一首唔記得啦
阿仔係唱歌仔期間好隱定唔知係唔係唔習慣
係咁瘋狂地企係身抱住我

到後尾唱完歌仔就開始可以玩遊戲啦,
今次老師就叫左我地去行火車軌
本身老師知道小PQ 未識自己行都話可以爬左先
不過係我手捉佢之下由半行半拖既情況下
都肯行左幾個圈,最後行完火車軌又點可能唔可能過山洞呀?


亦可能因為新環境,呢個阿媽又突然掉底個仔係個洞前面
梗係嚇到個仔唔識行過黎啦
最後我就要不斷企係洞口同阿仔Say Hi 
仲要出動埋電話呀引到佢出番黎,
好好彩本身由短既洞玩玩下佢都由長個條行爬出黎


最後既活動就係可以玩住飛機,其實阿B 未玩過千秋
準備去玩既時候就同左老師講左阿B 係未玩過
所以第一次試玩既時候阿仔的確好緊張好不知所措咁
但係當玩第2次同第3次之後就開始大膽仲好鬼開心咁啵


玩完呢一堂之後我發覺我阿仔突然學野好快
突然間變得好肯行,突然間自己唔怕生保去玩騎呢隻玩具
仲要玩得好開心咁啵
係當日番到去娘家明明擺底左佢係房訓教
佢突然識自已落床黎搵我,去到博物館又可以自己唔扶住企半秒
重點又係企幾好,同埋突然間好似大個仔左
會主動同人地講野,主動識同人地拜拜
一歲了,真心覺得小孩可否不要大得太快

而呢一位既Miss Choi 亦好有心機,唔會迫小朋友學d 咩野
平平地試下堂其實都幾開心,希望隔左個星期,
阿仔會肯再上下堂開心下啦


望你地都喜歡小妹既介紹啦
想隨時留意小妹及小PQ生活點滴同Blog 文分享
記得要Like 我既專頁啦
↓↓↓

◕‿◕如有任何問題歡迎聯絡小妹
 電郵:manman811@gmail.com 

以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤









沒有留言:

張貼留言

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...