第一百篇.....
首先係度祝張生同旋旋生日快樂
今日下午搭車去左屯門個度...因為搵大肥嗎....順便提早買了我送他的情人節禮物.....Wiil Fit!!!雖然我知佢1定會鬧我哂錢...但係一年先得一次情人節.....加上或者可以比佢達成佢既減肥心願啦XDD Kaka...雖然最終於都係我開波先....YoYo
因為今日我地同張生慶祝生日(實際睇張太既結婚相)去到5點3左右...我就叫大肥換衫準備出門口...落到MK 見有少少時間剩..去左行左2層潮特都係唔太岩大肥要既簿....最後落番去文具鋪買.....
跟住到左兆萬見到小天使...跟住到Iris & 男友...跟住就上去...冇幾耐...2位主角就跟住上埋黎啦....開始開餐.....好老實講我地今晚呢木台真係幾鬼嘈.....但係真係幾開心.....睇番張太d 相....真係好似好快咁....上星期先結婚....睇番d 相真係好回味.....大合照個d 都影得我幾靚
由於我部機用閃光燈影出黎仲冇咁靚...係有少少黃黃地
真係好難得影得大肥會笑...(Iris 提供)
幾時結婚呀!!!!你地2公婆????
用閃光燈既後果......第一次同張太影相:P
影完一輪相....又食.....真係食得幾飽好老實....咁樣傾下食下....就食左2粒鐘.....其實都唔係好貴...但係有條女態度真係好鬼差囉.....跟住食飽飽...我地仲有下場啦梗係.....去邊.....咪就影貼貼囉.....
我地一行影貼貼真係影得幾癲.....未試過影一次貼貼係咁攰.....但係又幾鬼開心啵真係.....
呢張就係我地第一鋪影既相....真係好鬼辛苦:P但係出黎又幾鬼靚啵!!!!
我會等待小天使Scen 好d 相就放番係度架啦
張太:(老公....你係望d咩呀,又望女......!!!!!)
Iris:(我無辜架....我走先)
以前對話，純熟本人創作，如有雷同實熟巧合。
快d 啦......等你呀!!!
係Iris Cut 緊既時候...有3個傻婆阻住哂:p
我們4朵金花......Yo 正嗎xddd
當散Band既時候.....當我影貼貼既意猶未盡又捉左大肥去影....雖然大肥Say哂No....我點都要捉佢去...對上去影貼貼已經係06年既12月啦.......
大肥同我影貼貼.....係唔識笑架......都唔知第時點同你影婚沙相...
報告完畢....相關人士我已相放係左你地既msn 共享 File...
(天音:其實欠張太你未收相咋)
一入到黎就睇到一對對幸福ge笑容
回覆刪除我男朋友都係唔肯同我影貼紙相 , 叫親佢都蟻咬咁聲
[版主回覆01/21/2008 09:29:00]有機會一齊同你老公出黎玩呀!!!!
咁咪多你一對甜蜜既笑容啦!!!
我個個咪係...對上影貼貼呀!!係06年既12月呀!
跟住冇影度....一黎又覺得太貴啦,二黎佢又唔愛影....三黎影左都唔識笑.....-口-
嘩............咁黄架張相.小魔怪,我地好開心呀!
回覆刪除[版主回覆01/21/2008 09:27:00]冇計啦.....環境黃，我部機就跟住黃....
我都好開心.....由其玩貼貼個陣...你得閒再睇多一次我個Blog....有d野多左!
小魔怪:點解無左我地三隻佬果張架
回覆刪除[版主回覆01/21/2008 13:31:00]有....你睇清楚
睇見你地咁多人影貼紙相真係好開心!你地好似都係1pair pair好幸福喎~~~
回覆刪除[版主回覆01/21/2008 20:24:00]下次你都一齊出黎幸福呀!!!
d 相睇落真係好 Sweet 呀 ! 但係你個男友個人係咪木咗 d 呢 !
回覆刪除好似 (o知) 都唔識笑咁嘅!?
[版主回覆01/21/2008 20:24:00]佢影親貼貼都係咁...唔知點解
青葉啲嘢都幾好食ga！
回覆刪除[版主回覆01/22/2008 09:00:00]都唔錯.....係個個女仔待應態度勁差!!!!!
嘩～睇見你地好開心哦～
回覆刪除[版主回覆01/22/2008 09:00:00]個一晚又真係幾開心架xdd
你地個一晚真係好開心呀！！！！ 一大班Ｂlｏg友出來食飯～好羨慕呢～！！ 仲有你地影ｄ貼紙相呀！！好正呀！！！！
回覆刪除[版主回覆01/22/2008 21:45:00]真係好開心....玩到癲哂....
狂吹水...影貼貼個陣仲癲超級咁正呀!!!
你問我個蛋糕點整．你真係考起我喇，我整完就算冇記住喎．
回覆刪除我記得用１個６吋o既兜兜啫，包咗石紙之後下面再放塊鐵板o既．
個餅底用咩料就真係唔記得喇，因為佢量好晒比我哋o架．
條朱古力邊我就記得呢．首先用包書膠（真係用黎包書果ｄ），抺乾淨．跟住將溶咗ｄ黑，白朱古力好不規則咁倒落去，跟住用刀距離塊包書膠０．５ｃｍ，將多餘o既朱古力(聞)走．
跟住就成塊包書膠拎起，圍落個蛋糕邊度．記住只許成功不許失敗，因為衰咗冇得(滅)返起佢再整第二次，ｄ朱古力一掂到蛋糕就會硬．
同埋呢個過程要快，因為朱古力好快就會變硬．
又真係幾開心呢~~~~
回覆刪除[版主回覆01/27/2008 12:07:00]又真係好鬼開心架....
咁多朋友一齊玩，好開心哩！
回覆刪除[版主回覆01/27/2008 12:08:00]真係好好好開心呀!!!!有機會一齊灼呀!!!
真係好開心嘅一晚~~~~~~
回覆刪除[版主回覆01/27/2008 12:08:00]下次係咪攪BBQ???
我前面d陰同你依傢一樣咁短, 不過我覺得方便打埋. 唔洗煩.
回覆刪除d相影成好靚, 由其是你地兩個so sweet!
[版主回覆01/27/2008 12:09:00]煩左我好耐既呢.....D陰...
麻鬼煩呀真係......我情願佢快D 長D....
影得我靚D...佢都唔識笑既...激死...