【 懷孕❤ 紀錄 2021】✧✦確診重型地貧 ❤ 在屯門醫院的引產記 ✦✧(17w4 )

一拖再拖的文章，終於捨得在12月的時候完成，

我好希望大家唔會需要用到呢一篇講既野，

亦唔需要知道引產的流程。

不過在我知道確診後，我都有上網搵下引產既流程呀，

應該要帶d 咩呀，要準備d 咩? 
原來好難Seach到，其實係Baby Kingdom 都有一些媽媽係講過

但係好詳細既流程呀，應該帶d咩最好呀?

希望係2021 年呢個疫情下既安排，可以比一個更新知道

上篇文章分享左，我被醫院通知妹妹是確診了，

我需要緊急入院，檢查身體有冇咩影響如高血壓，頭痛，腳腫眼痛等等

因為重型地貧既BB 係媽媽肚入面，會影響到媽媽身體

就如高血壓會令媽媽會有身體危險,所以如果你冇血壓計

佢一定強烈建議叫你入院檢查，

(不過如我咁你有大仔係身邊，而冇其他人照顧既話，

你揀星期一先即刻入院/星期日安排好入院吧)

因為當時不懂，真的聽了醫院安排，

送了Gogo去上英文堂後，交代了二妹幫忙接gogo放學，

再去游水後，再去婆婆的家

(真係好感激我的家人可以係我無助的時候，她們會無條件幫你)

然後大約9:30 左右就直接去了T9 再拎左入院紙? 然後落左去地下做入院手續

再直接上左去7樓既產前病房，其實心底真係十萬好難受

因為當我以為會入呢個病房就係我準備生既時候，

點知入到黎呢個病房，我係要放棄個BB...

在入去病房後，好像是有做一些小檢查的，

然後就有高級婦產科醫生跟我們說明點解需要引產

引產會有咩風險，同埋會有機會後遺症等待

當然最後是要簽同意書等等...

加上當時病房有好多就生/準備生/一路陀既媽媽

仲要Keep 住每幾個鐘聽一次心跳，

每次聽心跳，我每次都忍唔住係度喊,

我覺得點解明明過兩日又要放棄佢，但係不斷係度Check 心跳

話比我知道佢好努力生存緊，但係你要係放棄佢

好想講呢個感覺絕對不好受的!!

最後係呢個折磨下，我住左大半日係醫院，

我忍唔住喊住對護士站既護士們要求可唔可以放我走

 而當天姑娘跟當時的當值醫生說了我的要求,

然後醫生又走黎問我係唔係想即走?

但係你有任何問題醫院係唔會負責
(但係當時就黎夜晚九點十點...心想你唔係叫我7月14晚夜麻麻番屋企呀?)

最後傾左星期日朝早,醫生巡左房之後就可以比我當渡假型式，

第二朝八點半前要番到醫院報到,同時應該會安排我離開產前病房，

再直接落去五樓的C5 婦科病房..

最後在星期天,跟哥哥及妹妹來了一場最後的晚餐,

這一晚我終於可以抱抱我的兒子及女兒睡覺，

然後在第二天跟奶奶說明了GOGO 的上課安排，

以及興趣班的時間表安排，就準備直接到醫院了...

回到產前病房，換回病人衣，再執回自己的物品就準備轉病房了

呀!是時候要跟大家說要準的東西

個人認為必須要準備的

尿袋，口罩跟小說/漫畫

衣服一套(出院的),內褲可以安排是即棄的

M巾(個人認為可以帶一條M巾褲)帶幾條夜用就可以了

拖鞋一定不要是酒店拖鞋(醫院姐姐會鬧的)

帶在家穿的就好了

帶定一些零食，餐與餐之後隔太久

由其是夜晚的時候....

暖水壺/水樽/水杯

牙刷套裝及沖涼液

毛巾及襪（產後要保暖)

記得我轉落去C5 個陣,我同左一個之前係係網上識既媽媽傾計，

佢同我講只要你不是孕婦你什麼也不是🙄

她說得完全沒錯，來到C5檢查沒有溫柔的檢查，

水也是自己斟的(產前是每人有一個壺比你)，所以感覺不太好受

加上當時可能病房人很多，姐姐的人數也不太多，感覺不太客氣；

反觀當中姑娘都係幾好，溫柔一點

但是醫生應該是做到麻目了，完全簡直係災難級

而當天大約12:00前，我入房檢查及塞藥，

當時回到病床可以有飯可以食，

但愈食愈凍，開始有點發冷，其後有一點低燒及少許經痛感

大約兩點呢啲副作用就開始散少少了🤏，

每隔3小時就塞一次藥，每天最多是五次的

其間會有醫生問資料📃及姑娘度血壓等等…

不過我們次有插豆，未知是否驚我急切要輸血等等…希望是沒事吧

3:30 塞了第二次藥，一陣後開始又發冷，

訓左一個鍾，個人好少少🤏本身感覺唔係話好強烈

大約5點幾就開始痛多左，但接受到

06:21 左右塞第三次藥，痛勁左但接受到

08:51第四次，反應冇咁大，但開始出血

醫生話我宮頸開始開但個環未鬆

11:xx 準備第五次塞藥

訓到大約3點幾突然間穿水,個人完全唔敢郁，

按極鐘都好似冇反應，好彩當時有個媽媽行過，

麻煩左佢幫我叫姐姐幫手，

然後即刻禁食禁飲水，姐姐一路幫我搬走d 被,一路執一路係度鬧

問點解要拎咁多張被，又話洗唔洗咁多野...

我都不敢多言了...

當時姐姐即刻除左我濕左褲，換左一條成人片比我

叫我有咩事再按鐘

姐姐離開後，開始有啲痛但唔係好辛苦，仲可以訓到下

當時我有同妹妹講，你好好呀，你好錫住媽咪

希望你可以等埋爸爸黎見你先出世，係一穿水之後我已經Whatapp 左爸爸

叫佢準備有機會妹妹出世了，

係訓訓下突然Feel 到有東西係下面流出黎，

我知道是妹妹出來了。

然後妹妹最終係大約8月24日5:00 出世啦😭

佢好錫媽媽佢唔洗我好痛下出世

好多謝妹妹係朝早出世,可以等爸爸同我休息到下見佢一面

由於我係未夠24w ，所以唔可能係產房待產，

而妹妹係片片下出來後，就不知道是被放在尿盤上，

還是另外被安排取走了，只知道妹妹出來後

我姐姐給了一個尿盤，在等胎盤出來

然後大約是早上六時吧? 姐姐就推我入檢查房間，

然後就由醫生再次檢查，看看子宮內的殘餘物有冇仍在

不過好不幸運，檢查了說子宮仍有不清的胎盤/胎膜? 

不過因為當時是剛生產完，所以就建議可以再等待多一回

看看會唔會突然爆血呀,會唔會有大量血流出等等..

然後就送我回病床，再等待醫生巡房，

當時護士有詢問我會否接回妹妹的，

我說會以及我想看她的最後一面，

說真的.....每間醫院/當時的情況真的很不同

我跟先生是各自看了妹妹的，先生在外面的房間看她,

而我就是看了一眼就送走了,連說一下再見也沒有

回想當天真的很痛...痛得應該過了多久也是會哭的

然後醫生巡房時又哭了,那個醫生的冷淡說話都忘了她說什麼,

跟住又到了另一個醫生叫你再去做檢查，

又說是子宮內仍有東西，可以再留院等待做吸宮手術

或者是回家看看會否自己剝落..

最後我選擇了回家休息，一星期後再回來覆診

因為這個病房真的令我好不難受...

幸好在第二天出院前，遇到一個不錯的高級醫生巡房，

當每次在巡房時，我真心覺得很不想見到她/他們,

最後有這個高級醫生，看到我哭到不受控的，

他說我知道你好唔捨得你既小朋友，

但係bb 佢知道自己有事揀左早d 比你知,

你雖然好痛但係bb 係唔想你再遲d 再痛..

然後都係講番一d 安慰既說話呀，話你仲後生呀

仲可以駁呀等等....就給我出院了