【育兒日記】✿ 2018/19 屯門N班爭奪戰 ♬ 面試。搵學校血淚史✿

轉眼間，小Gogo 就搭入兩歲呢個時間

話咁快，係時候可以準備入讀N班呢個時間

雖然大家都話，佢既童年其實真係唔係好長

可以考慮唔比佢讀N 班,比佢玩多一年

老實既，係上年既頭半年真係覺得

不如算啦，唔好諗讀N 啦，

一來又易病，二來又唔係真係平

閒閒地都起碼要四千蚊呢

最多咪搵姨姨再Keep 住湊,再搵d 學前班再上下啦

不過事情係唔係下下好似我咁諗，完美成咁架

正當我地覺得所有野都係我預料之內，

係今年比姨姨既費用高左，金額真係直迫去讀N既時候

我就諗，如果係一樣既話，不如讀書啦

起碼早D 學習群體生活，又學講野快D 咁

如是者，我就揀左屋企附近個幾間學校

亦心儀係要全日既N班學校

但係屋企附近真係有N 又係全日都係得三間

所以就揀多一間雖然唔近屋企，但近姨姨個便既學校

咁我就報左以下呢四間既學校

分別就有:保良局友愛幼兒園(足一歲可以報名,全年收表)

仁濟醫院幼稚園(需要一歲當後可交表，全年收表)

YWCA女青年會-安定分校(當時係8月頭開始交表)

仁愛堂劉皇發幼稚園(全年收表，足一歲可交)

如是者，就安排去影証件相，填表買信封

滿心歡喜，報左四間點都有機會架嗎

有書讀啦卦，都係個句，世事真係有咁完美咩?

咁交曬四間表都係暑假時間，仲諗仲有時間

開始入下d 媽媽谷啦，搵下d Playgroup 上下咁啦

時間過得好快，當我地去完兩個旅行

轉眼就收到第一間要面試既學校啦

就係仁愛堂劉皇發幼稚園

當日爸爸咁岩可以放假，當然捉埋佢一齊去啦

當時面試時間就係早上11:20 

諗住早d 去，有誠意d 呀嗎

點知....等呀等呀等呀

十一點等到十二點幾都先叫名入去

由於當日呢，係K 班學生同N 班既學生

會一齊當日去面試既，當然應該有分開兩邊既老師幫手面試啦

咁當日要係間好似音樂室既地方填問卷

仲要一位家長可以入去，其實真係難攪

因為首先家長要填好多好多既資料啦

包括本身報名表既資料，再詳細問你有關於小朋友既起居飲食

好似問小朋友識唔識自己食野呀?

會唔會識自己著衫呀?

會唔會識話有便便?會唔會識去廁所

個陣好心急想快d見老師，所以都冇刻意去影底張問卷

當填完就可以交比當時既老師幫手準備安排面試啦

然後當老師就會叫名，我地就去到一個課室等待啦

係呢個時候係枱面有好多玩具可以比小朋友玩

而今次最吸引Gogo 既就係一個木製既切切樂玩具

當時老師未到，但係gogo 玩到kaka 聲

不過當時既Gogo 係唔會叫媽媽

叫懂叫爸爸，仲要當時等到超眼訓

所以同老師開始面試都真係好膽戰心驚

首先老師又係同小朋友Say Hello 啦

又係問下媽咪平時邊個湊佢呀?

同埋點解揀佢地學校呀?

如果小朋友番左學成日病你擔唔擔心呀?

如果真係突然發燒你點安排呀?

當然老師又有問小朋友邊個帶你黎架

(死左啦，因為個陣GOGO 唔肯講媽媽)

老師叫佢比某個生果，冇比啦

唔知比某個積木又唔比啦

開頭都諗住算啦，當練習啦，第一次者總有機會既

我都仲有起碼三間機會呀嗎

可能都收我個仔呢係唔係?

最後當公佈結果，收14個正選生

有16個後備者生，仲諗其實Gogo 都唔係好差者

點都有一半機會仲可以做番正選生呀

都係要講呢一句......世事真係冇咁完美架

去到上年年尾，有媽媽通知原來係保良局

原來係排隊通知入學，係五月前交表先有機會

當時我8月先交，即係時冇左個機會啦

當時真係好慌呀，仲要收到朋友通知聽講

仁濟醫院友愛幼稚園又未必所有月份既小朋友都見

即刻又將我打落谷底，所以一知道仁愛堂

就黎會註冊就又打電話又寫求位信

最後...當然又係乜都冇啦，後備又Call 左番學啦

仲叫我再等下，可能遲d有人會放棄學位呢

六月份都會再有一次通知

真係聽完呢個電話，即時有d 眼濕濕

仲慘過自己見工冇工做一樣

後來為左博多幾個機會,我又再睇下仲有冇學校

仲係收生，仲可以交報名表再博下咁啦
係呢個時候發現仲有間學校可以去面試wor
都係交左表博下可唔可以去面試先

待續...

就這樣完結啦,下次再見!(拜~)

◕‿◕如有任何合作事宜.

歡迎以電郵或者到FB Page找我 ◕‿◕

謝謝唷!

Contact me：manman811@gmail.com

IG: angelbaby811