【育兒日記】✿ 2018/19 屯門N班爭奪戰 ♬ 面試。搵學校血淚史✿(一)

上回講到當知道第一間面試學校冇行之時

又要有一間一定冇機會，真係心都慌埋都唔知點算好

咁就諗住有學校仲收表都去駁一下啦

係今年年頭呢一間真係算係名校黎架，

我先生好想Gogo 會入到呢一間既分校

其實講緊既就係聖公會青山聖彼得堂幼兒中心

呢間點解咁出名呢?首先校舍比較大

好似都有成三萬幾呎，加上又有空間比小朋友去玩

不過唯一真係有d偏遠，對我地黎講係遠左d

不過當係拎一個機會都好呀，起碼都叫試下呀

係今年年頭，就開始有兩日可以報名

就好快係下星期六就開始面試啦

如果大家係下年都想面試，就睇下想一早面試定係晏少少面試啦

我就揀左星期一既放飯時間去交表，

咁就大約係一點去面試，仲會即時比張會面証比你架

記得見完唔好唔掉呀,因為第時放榜就係靠你張証上面既NO 對架啦

由於我地面試係一點鐘，所以當日我都揀左番工，

留左一日本身仲打算去做下義工

當日天氣好冷呀，所以我同小朋友都著到成個腫曬

係當時有個好空曠既公園仔係咁玩

Gogo 真係玩得超開心，玩到唔想走Tim

點知玩左冇十分鐘就有老師開始叫名啦，

如果大家第時想去面試時，比小朋友玩之前一定要同佢講明

小朋友玩玩下會需要面試，因為Gogo 當日就唔太講野

咁老師就會帶住我同小Gogo 去另一邊既課室

入到去課室，有一盆玩具，不過永遠都係隔離枱既好玩d

好彩Gogo 都肯玩本身自己張枱既

正式開始面試，老師就會先先介紹自己係咩名啦

同埋會比一篇From 我地家長睇既，就係話比大家既評分點作準

就好似整體有100 分，面試表現有60分

另外個40分就係包括有

父母是否校友?

有冇兄弟姐妹係同校生/校友?

有冇親友在校內工作中?

有冇洗禮?

係唔係屯門區居住?(+5分)

當剔完問卷之後就開始同小朋友玩下玩具，

同時又同父母傾下小朋友既問題

又會問下小朋友野咁，睇下答唔答

前後老師就同GOGO 交換左兩次玩具

最後仲有份玩具仔送比小朋友

然後就見埋主任/校長問一條問題就可以離開啦

當天我地就係問，家校合作有咩好處?

答完問題，小朋友就要再玩學校既小樂園

玩多20MINS 就準備離開啦

正當真係覺得冇望啦，已經灰到盡頭啦

再搵下係番工路線既學校仲有冇得報名

又好好彩比我多搵到一間仲可以報名

又好好彩以為仁濟醫院冇份，點知又收到封信可以面試

即時真係生命滿希望，即使未知收唔收

起碼叫做多個機會啦係唔係?

就這樣完結啦,下次再見!(拜~)

◕‿◕如有任何合作事宜.

歡迎以電郵或者到FB Page找我 ◕‿◕

謝謝唷!

Contact me：manman811@gmail.com

IG: angelbaby811