【食 ❤ 尖沙咀】✿擁有遊戲室既放題♬媽媽最愛日。悅極尚 ✿
轉眼又過新年啦，大家也忙著準備買賀禮包利是?
而家既時代唔同左，大家開始唔會係屋企攪太多花臣食飯
情願係出街比貴少少去食個飯
一齊人開開心心，又唔洗有人洗碗
又唔洗辛苦定人煮大餐啦
早前我就同我好朋友一齊去左尖東一間新餐廳度食團年飯
不過團年飯唔係食中餐，反而我地去食放題!!!
今次去既就係位於尖東既日。悅極尚日式放題
不過其實有好多間放題都有做類近既東西，
但係要數我認為最好既賣點就一定係佢地有一個空間蠻大既
小朋友遊戲室啦，雖然而家入面真係唔多野玩
但係如果成班小朋友係度，大家跑下畫下畫
其實小朋友已經好開心，我地大人又食得好安心
好似今次咁，都係有朋友幫手帶埋Gogo 同佢女女一齊去玩
我地兩公婆先有得食下野
另外酒店式既自助Bar都有好多款既甜品
湯水/糖水,仲有清酒同一些凍盤海鮮
仲有一些沙津吧可以選擇，其實都真係幾多野揀呀
除左有一些自己斟既熱飲好似有檸蜜，
同埋朱古力,咖啡等等
仲有一些紙包同汽水既飲品可供選擇
呢盤擺盤咁靚既刺身，係唔係以為可以叫架呢?
其實係店鋪送架，只有你夠四個人就可以有一人半價優惠
最重要係有一條薄切活魚刺身送番比你
所以各位朋友你地打算四人或以上去食的話
先食左呢個不錯既刺身魚先再享用它家其他既刺身啦
由於我地入去時冇留意有個咁大既優惠
瘋狂地點上不同既刺身，最估唔到係有蟹腳
同埋甜蝦同大赤蝦可以揀架
平時壽司係放題中就比較少點的，
因為覺得會太飽肚了，不過今次有小孩跟老人家
當然要點一些熟食壽司吧，今次我們點上了一些
【創意壽司】如三文魚花之戀
黑松露油甘魚
【卷物】芝士蟃魚卷，香芒大蝦
仲有牛油果軟穀蟹等等
最後其實我地都點左不少既食品
但係由於掛住傾計又掛住照顧個仔啦
咁我就簡單介紹一下我地有點既食品
其實有一些燒物我地有點既，
好似有呢個燒牛舌呀，好味唔硬既
仲有有燒羊鞍，個人接受到但係味道較"蘇"
仲有燒帆立貝，不過我略認為佢D 沙津醬較多
最後不得不介紹一定要點燒菠蘿超好食的!!!
炸物方面，我地就有點左
最例牌必點既芝士年糕，芝麻雞翼同埋吉列紫薯餅
味道都係正常的，唔伏喜歡既朋友可以點下
最後最反真係最估唔到既就係有呢個甜品
佢地既雪糕係Movenpick 同Haagen-Dazs
雖然味道都係每個牌子各兩款
Movenpick好似有士多啤梨及紅莓系列
Haagen-Dazs 就好似有雜莓同咖啡口味
今次我地就揀左Movenpick 既雪糕
都係覺得士多啤梨最岩口味
今次分享的店是日。悅極尚日式放題
尖沙咀麼地道67號半島中心2樓
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!
Contact me：manman811@gmail.com
IG: angelbaby811
留言
張貼留言