【療程】✿超享受的貴婦療程 ♬非一般既Nude Beautique ✿
當媽媽後，我最期待既時間就係我自己既私人時間
不論係做Facial ，打Blog 定係出去同朋友聚會等等
都要左度又右度，又要問屋企人可唔可以幫手睇住
唯一可以順順利利，唔洗麻煩人地又可以出去放鬆
就係係平日番工日子，自己請假出去放鬆一下
早前係新年前夕，我就拎左一日假去做自己野
其中一站就係黎享受一個非一般超創服既Faical
講緊就係，呢一間位於尖沙咀廣東道
Nude Beautique
係Nude Beautique可能做既係唔同既療程
而個療程亦係由你同美容師共同決定
佢地既Facial 都係名碼實價
可以每次去每次比，當然都係套票係平些少啦
好似唔知八折定九折
而第一次試做價就係正價既七折
咁當日我地去到美容院就由美容師帶我入房間
房間都蠻大的，由於當日好凍
美容師已經預先為我準備好暖墊超舒服的
然後就準備換好衣服可以上床準備囉
然後美容師就先替我落左妝再洗面
由於我當時既狀態真的超差
又乾又爆痘痘，所以係先係落妝後
先後清洗了兩次面，
而洗面亦因我個人既膚質改為更滋潤的
同時亦要講一下，今次係呢間美容院所用既產品
係由英國既Elemis ，其實它家既產品唔多係市面見到
而係多數係酒店既Spa ，郵輪等等地方先可以接觸到
最重要就係，係Nude Beautique做Facial
係必須受到由Elemis既訓練員訓練同時
要得到佢地既認同先可以做到美容師
所以它家既美容師手法係超舒服
同埋唔會係一味死力或者狂Sell 你
她們只會係洗面同決定係做咩Facial 先會同你講野
絕對係可以完全放鬆既時光
洗完面之後，通常都會去角質
多數都係搽上一些去角質產品/Gel 去按摩
而今次我地就係利用呢部類近去質既機
好似剷死皮咁剷走我舊有既它角質
去了角質後，就來人手清黑頭，
而我當然就要清痘痘啦，仲有粒都幾難清得走
辛苦美容師啦真係
去完黑頭又去完角質
肌膚都會有少少紅同有機會紅腫
所以同時亦會敷上薰衣草鎮靜面膜
同時會通行按頭，其實已經開始半訓著左
因為係房入面除左有好暖既床墊，
仲加上好舒服既古典音樂同埋暗暗既燈光
重點係，美容師真係唔再講野，按摩時真係半訓著左架啦
由於當日我肌底狀態真係超差，
底層有好多暗粒同痘痘，美容師就幫忙利用
藍光幫忙進行消炎，令肌膚針清後亦唔會再因為發炎
令肌膚再出更多粒粒啦
療程真係去到最後一個部份啦，
就係敷上一個保濕面膜，
平時可能只係敷完面膜，美容師就會走左去
但係今次美容師除左敷完面膜
仲會利用它家既既雙棒一路幫我碌碌碌
其實呢枝雙棒仲可以做到導出導入既效果架
最後我當然真係訓到好冧.直到美容師叫醒我先可以清醒曬
最後完成成個療程真係好似幫肌膚差一差電咁樣
訓一訓個人即刻精神左不少，
當媽媽後真的需要差一差電，
由其當有一隻小馬騮係身邊既時候
真的需要放一場假，呢一個多小時的療程
真的令媽媽可以復活，媽媽可以再Keep 住湊馬騮Go 啦!!
最後都賣下廣告啦,咁佢地既套票型式就
跟我們平常有點唔同，因為平時都係做特定一個療程
買夠十次送一/二次，但係今次佢地就係買現金套票
最平就係$8000 套票，每個療程有85折
買美容產程就有88折等等,一年期限
其實差唔多都做到8-10 次,
當然要按自己需求啦係唔係?
睇文好似好悶咁樣，順便睇埋片冇咁悶啦XD
今次分享既美容院 Nude Beautique
地址為尖沙咀廣東道82-84號
流尚坊17/F
留言
張貼留言