【食 ❤ 屯門】四月之星。生日飯 ♬食海鮮。又點少得去三聖 ✿
忙了大半個月，終於可以分享早前假期忙到癲既日子
早前既復活假期，清明時節同埋寶貝生日
真係出街食飯都食到有D 怕怕
或者真係叫第一個孫兒，的確係會令人又愛又寵既
早前清明時節，男家親友去拜山後
美其言係跟小寶貝慶祝生日，實際是聚聚舊
傾一下有關照顧長者的問題吧
今次我做到既，就係可以帶他們來家附近的餐館吃餐好的
後生既親戚已經說明可否吃一點有特式的餐廳啦
其實就係唔想再食酒樓既圍菜吧?
先生家人提議來到屯門唔去三聖，
咪即係去到西貢唔食海鮮一樣咁曬野?
因為覺得佢地價錢相宜，亦不算太海鮮價
加上海鮮可以自己在旁邊的關財記選購
再到餐廳進行加工，實行一條龍服務
首先有呢個睇落好簡單，但係要煮得好既唔易
佢就係薑蔥鮑魚
呢度有約斤幾好似，加工價就每斤$64
鮑魚本身都係新鮮，但係店家就把薑蔥爆得很香
鮑魚也煮得剛剛好熟，係略為覺得加工費有點貴
另外就係親友要求想吃既菜式，
名為砵酒焗桶蠔
親友指自己煮真係好難，首先要煮得唔會過硬
同埋又要又香又鮮甜，呢個錢真係比人賺
加工價就大約百幾左右啦
佢真係比起我平時食既焗蠔係有分別，
係又脆又香，食落去唔會硬班班咁樣
超好食，值得一試
呢個必試豬扒$98
係餐牌入面好似冇，仲要係熟客先有機會知
唔係朋友之前講過呢個豬扒超好食
或者我地今餐飯都唔會叫呢個呀
必食豬扒,睇落咪同同中式豬扒冇分別
分別就係，佢既肉質超鬆軟，
但吃得沒有加上鬆肉粉，
另外豬扒上的小脆魚很香口
連同洋蔥簡直是絕配，呢味菜冇得輸
它貴，但係絕對值得!!!
另外本身呢個花甲本身打算係鹽水煮/蒸水蛋食
店員就指既然花甲係咁新鮮，
不如試下一些新花臣，所以今次就試下呢個
白酒忌廉煮花甲配烏冬
真係冇諗過花甲配上白酒忌廉煮
個鮮甜味加上白酒香，
忌廉連同烏冬係超夾超好味
當日我地都夾了不少比gogo 食
佢都食到唔停口呀，不過就好似有d 曬左新鮮既花甲
當然唔係只係食四款菜式啦，唔好聽呀嗎
所以我地都有叫到個菜既，
好似叫左蒜蓉炒生菜$78
成餐飯，我地連埋d 飯同汽水，
連埋加一，連埋海鮮就大約千幾蚊啦
平均就大約$350-400/位啦
雖然價錢上唔算係好抵食，但係整體親友都話
呢個價位食海鮮開心過又係食酒樓既圍餐
最重點係海鮮都可以自己揀呀嗎係唔係?
這兒是泰海鮮
屯門三聖街6號三聖商場地下5-9及14-16舖
就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!
Contact me: manman811@gmail.com
IG/FB 專頁: Angelbabyhome
留言
張貼留言