【食。葵芳】✿來跟三十隻貓咪去玩 ♬ 跟我一起去嘆杯貓茶吧 ✿

貓貓很可愛對嗎?其實我本身都好喜歡小動物，

在兒時都有養左一隻小狗，不過當時因為家庭問題，

未能陪牠終老，要送走牠的時候真的到現在也未能忘記

近年小朋友開始大了，市面上也多了以貓咪為主題既餐廳/Cafe 存在

而今次我地唔係去地鋪，我地上工業中心入面

去搵一個隱世貓貓Cafe，入面有起碼十隻貓或以上陪你玩

講緊既就係位於葵芳金龍既嘆杯貓茶Cafe

由於係工業中心內，店面的確比起平時一般既Cafe 大，

貓咪們亦可以自由走動，遊走都好開心架

最重要係即使佢咁多隻貓咪，呢度都唔會有一陣陣既臭味

要讚一下呢度既職員將清潔做得好好

場內亦有不少既貓玩具可以比你同貓咪們玩

(我望到張相,我覺得小朋友同貓咪好似一張電影既劇照)

要說一下，在入到店內時：

職員會跟我們說明場內既規條，

如要除鞋進內，我會建議一定要著定襪就最安全啦，

另外呢，場內既貓咪唔可以專登抱起佢(除非佢自願過來啦)

進場前反要快，因為會走貓xd

入場前要先吱手，明白既對貓咪安全係好重點

場內有不少種類既貓咪，店家亦為左大家可以好好認識它們

專登都寫底左各種貓咪叫咩名，

但係其實我...最後都係要問番職員，因為佢地真係好似隻隻都差不多(笑)

Cafe 有一個不錯的安排，它們只收你入場費；

不需要一定要吃東西的，當然你想吃的也是可以

在這兒的選擇不算是太多的，而在約五分鐘路程內的葵廣

也有它家的小食店可以買來這兒享用唷

今次我們實在太餓了，所以先在這兒點了兩款漢堡

分別就是牛肉及雞扒漢堡 $48/件

個人感覺是牛肉的漢堡很好吃，肉汁是剛好的

反而雞扒就有一點乾，如果要點的話建議吃牛肉的

但是在這兒吃東西真的要很快唷，

因為你吃的同時貓咪也是跟你齊齊進餐~

你也不想貓咪們吃不是它要吃的東西吧~

開頭以為那些玻璃房間不能進入的，

原來也可以進內跟小貓咪們玩一下的

但是有機會它們在休息就自己自律一下

說了那麼久，要說一下它家的收費

平日(星期一至四)

收費$50一小時,$88 兩小時 $118全日

學生放學後去更加有優惠

而在星期五六日及公眾假期

$68一小時，$98 兩小時，$138 全日

部份收益會作支援浪浪拯救日常

順道介紹一下它們在葵廣的小食店

在小食店購買滿$50 可以到Cafe 減$10 的

今次我們再叫了

爆汁小籠包 $20/10粒

椒鹽杏鮑菇 $20 (細份)

這兩個味道也是偏乾身的，因它是炸的

我自己比較喜歡杏鮑菇，有機會的話想先試它家的炸鮮奶

而飲品我們就點了

自家配拼青蘋果純茶 $20 

味道較為清淡，如為了消消暑不錯的

它家的大熱~朱古力鮮忌廉Oreo 脆脆 $34

我家少爺一下把飲品飲光了，

連帶店主把杯蓋也畫了很可愛的貓咪

我也很想要多一杯呢

最後一定一定要介紹這兩個

我是第一次吃的波提，它是台灣蠻出名的小吃

少爺就一個人吃了左邊的手工波提 $25

幸好加邊的波波Double May  $32

我還可以吃一點點，

我有想像它像的是冬甩?

但是它比冬甩沒太甜硬身一點

又不太像麵包，不過連同醬汁是蠻好吃的!!

是日分享: 

嘆杯貓茶Cafe 店

葵芳大連排道162-170號金龍工業中心二座24樓J號舖

嘆杯貓茶 -小吃店

葵芳葵涌廣場2樓007號鋪

就這樣完結啦，下次再見啦!(拜~)

◕‿◕如有任何合作事宜，歡迎找我呀

Beauty | Child | Food | Life 

Angel 小魔怪Mama

E-Mail: manman81!@gmail.com

IG :instagram.com/angelbabyhome

小魔怪。私家竇

FB Page : facebook.com/angelbabyhome/