09 Birthday Week---8/8 BBQ from Mona'Home

食完咁正既晚飯後...第2日又食過....今次就去一個舊同事屋企度,
當時我就快唔做個陣都已經講話要去多一次bbq
雖然今次唔係真係幫我攪生日....但係我當係架啦~

當日一早就搭車入左KWB 打算去報毅進~嘩~去到九展個度D人多到以為排D咩隊,成萬人都有~最後我同阿妹都冇再排~去左Mega box 既M 記度hea ~~~

hea到咁上下就同左阿妹去行大眾...竟然搵到阿妹一路想買既書~就係咁~買完書~就送番阿妹去巴士站番粉嶺~而我就番去信和中心等佢地~~

終於等到佢地~就係咁我地就入去Mona 屋企~佢地就梗加開木台啦~而我就係度睇電影啦~~

到左5點幾左右~就準備bbq.....真係好肚餓~開始我地既bbq啦~~
首先燒左d易燒既野先啦~~~到左中段何生就整佢地牛扒....
真係爆好食....到而家都想食番呀!!!

食到咁上下~就要做下運動~就係打wiil啦~~
真係好耐好耐冇玩過....因為某人部機唔拎去update我就玩唔到啦

由於我太耐冇玩過既關係,....我竟然....竟然.....輸左比個o靚妹....

最後食到11點幾就走人啦...番到屋企~12點15分....

好滿足既一日...