【我們的情人節2012】火辣辣曼谷之旅 の 前言+ Day 1 香港機場篇 ◕‿◕



原先呢個泰國之旅,本身應該會係我上年既生日中進行既~
不過男友又懶神秘唔聲唔聲~到之後佢又忙到冇哂時間~
完全將呢個曼谷之旅完完全全忘記左,直至我有日係佢房執野先發覺得有呢個旅遊套餐
但係望一望個有限日期係2012/03但係當時我知個陣係2011/11呢
要係呢短短5個月入面決定搵咩時間可以出到門,又要夾到大家放到假...
當左度又右度之後,決定將本身打算新年後去韓國既計劃暫時押後~
改左去曼谷過一個完全唔同既情人節...

由同旅行社Cfm酒店問題,再去其他旅行李格價,但係今次我完全冇時間去睇下今次旅行去玩咩
所以今次旅程係無行程,只係有既就係我三年前冇去過既地方,去d 新商場咁架o者
原本有個公司同事都係同一日出發~同一日番香港,亦有打算搵一日一齊食飯既
咁就決定左係第一日就一齊活動,一齊去大皇宮跟身去唐人街既.....但係.....你就要睇落去啦xdd 

  

【我們的情人節2012】火辣辣曼谷之旅 10/2-14/2/2012 ◕‿◕ 
由於我地今次旅程係搭0815 既機,所以一定要起碼6:15 前要到機場
所以我地一定要搭第一班既巴士,但係又擔心我地樓下個巴士站會無位坐,
最後決定搭的士去市中心搭巴士去機場,我地當時去到市中心等車都係朝早5點10分左右~
估唔到條隊已經好長好長....
男友仲話[好彩我醒咋,決定去市中心上車,唔係我地企到去機場啦]我就只好點頭話係啦係啦
到左5:20AM 架巴士先準備開門比人上,成架巴士差唔多上滿咁濟...我真係好想影底呢個情景,
但係男友話唔好咁樣影人地咁就冇影啦....上車冇耐...我就已經訓死左啦

訓左一陣就已經落車啦....天都未光呀平時我訓到仲成隻死豬咁呀



當我影完呢張相之後,出現左咁既對話
我:嘩,天都未光,我地就黎到機場啦,其實咁樣既機場又真係幾靚
男友:不如我地搵日入黎機場睇日出呀,應該幾靚!
我: 要睇日出,點解唔去黃金海岸又近又睇到日出...
男友 : 唔同架....咁你會超早起身嗎咁就唔會哂左d 時間,可以早d 行街街啦!!!
真係好低能囉-口-點解佢會咁低B 架=口=

去到機場,第一時間就係去左Check In 先,今次我地揀既航空公司就係OX
一個好多朋友都話唔好坐,好危險既飛機,為左平我唔怕死既XDD



好啦,係時候將我地件行李寄存啦,睇下我地2個O必加埋有幾多先?
死火啦去都已經20.3KG,咁番黎點算呀???咁都冇計架啦,到時再算啦!



Check in 完,打算去搵早餐食,其間見到一個小小展覽,好好玩咁呀我一定唔會放過呢d 影相機會


未有早餐食住,就飲杯奶茶,食個蛋撻先啦但係其實個位好窄!(天音: 你肥就肥啦,認左佢啦)



仲有舊陣時既公屋,有冇令你回想那些年既感覺呀?



一件件既旗袍,係小時候我說過大個女要著呢d 裙,
但係老實既而家既我又點可以著到呢d 咁蝦人著既裙呀>w<



雖然呢個小型售票處我冇見過,亦冇去過買飛xdd但係我有一個小小既那些年感覺係度
記得我曾經係尖沙咀一間食自助餐既餐廳入面,係有1個位置擺放左類近呢個售票處架
可惜當時我仲係好細個,但係我印象好吸刻,因為當時我地係成個家族一齊去食飯,
所以我地幾個表姊弟妹1齊係呢個售票處度扮賣飛呀,扮打尖,扮排隊咁樣...
最後好多小朋友陪我地齊癲....當我出黎做野之後,想搵番呢間餐廳已經搵唔到,
問番媽咪佢又冇印象....或者想要呢個回憶就去歷史博物館玩啦......
 


玩完呢個小展覽,係時候去食早餐啦....不過三年前食既大家樂冇左啦,
而家變左左美心快餐啦,不過都冇所謂啦,照食啦......
係食食下期間,收到雞雞既電話,所以就一齊去食早餐啦



雞雞就去浮羅交怡渡過佢既Honey Mood加情人節我就去曼谷渡過一個難忘既情人節
 

同雞雞掛住吹水吹到唔知時間...比男友時間指住隻錶話夠鐘啦
就急急腳行入去禁區,行番去我地飛機既閘口~
趕到就連每個人必影既牌,都趕唔切影呀
因為我地入閘個陣已經最後召集,連廁所都未去呀,撞鬼
不過既然我地上到機,就乖乖地坐定定啦,去影下飛機外既景先!!!!



我honey 上機無耐已經訓死左啦....xdd



見到我Honey 訓得咁舒服,我又跟住訓著左xdd 訓訓下原來已經飛左上半空啦,因為我就係比出面既太陽哂醒xdd



小飛飛Kitty : 好似一舊舊棉花糖呀但係梗加似一張床呀!



小飛飛Kitty:我唔客氣啦,好肚餓呀....


有小食冇耐,就有飛機餐啦....不過我食左早餐好飽,加上我又好眼訓...
真係食唔落d 飯,所以試左佢d (食送)就算啦,我既係上圖既雞肉飯,下面就係Honey 既豬肉飯
味道可以接受啦,唔係真係好好個隻xddd


當影完一輪相小休一陣(天音: 你又訓....你唔係豬黎架?)我地咁早起身真係好攰架嗎....
不過轉眼間開始見到曼谷既地方啦,我地準備落機啦....好期待呀!!!!



準備下降啦....曼谷我黎啦....



最後我地10:30am 準備落機啦,但係係曼谷機場攪左好耐,除左去廁所啦,
拎行李啦,入境啦,搵電話卡買啦,去搭的士.....真係足足哂左我地成粒鐘...
搭的士去酒店其間,司機又要望清楚個地址wor...
又要堵車....最後用左半個鐘先去到我地既酒店....."All Season Bangkok Siam"la~~~~


想找找小魔怪?歡迎來以下地方找找我

E-mail: man_man811@yahoo.com.hk

AngelBaby。 In The Beauty World 

AngelBaby。 In The Beauty World | 宣傳你的專頁
 











留言

熱門文章