【我們的情人節2012】火辣辣曼谷之旅 の Day2 瘋狂地食食食食篇(下) ◕‿◕

Day 2 行程: 酒店早餐→ 翟道翟跳蚤巿場 (JJ W Market)Amarin PlazaBig C 
Swensens雪糕屋Central World →粉紅衫水門街雞飯
番酒店→MBKSIAM ParagonTIK Spa



就係不斷係個商場行黎行去,上上落落....

真係勁攰呀!!!辛苦左我男友仲要幫我揹住袋boots走圍行!!!
一知 FoodCourt 係邊,就係入去囉!!!要去 FoodCourt 食野,佢地會有以下呢張卡比你架,每人一張!
假如你食食下飯想去廁所呢,都唔可以咁樣走左出去架,一定要找左數先架...記住啦!!!!



真係不得不講,呢度既沙發真係堅好坐....
由其你攰到癲左個陣,真係坐坐下真係會訓得著架...


今次黎 FoodCourt 主打既,梗係食我既最愛芒果糯米飯啦,
而男友就揀左鑊仔翅同埋鮑魚片啦


望住一個準備日落既時間,食住一個咁正既美食.....
你話呢D 時光唔係放假個陣先有,你係香港可唔可以做到?


呢個翅雖然都係$160B 左右,你唔好以為(約港紙$40左右)咁平就好Cheap 啵,真係有蟹肉同翅架,
所以你想係曼谷食翅,唔一定要去唐人街既,黎Central World都可以架!!


雖然呢個芒果燸米飯賣90b左右(約港紙$25左右)但係真係好好食,芒果好甜,d飯好正...
如係黑燸米就好啦,唔係要留肚...我真係想食多個架....


食飽飽之後見到出面好多人圍住櫥窗啵,我又唔執輸咁望下咩事啦,
其實我到影完相都唔知d 人係度望咩,影咩?不過香港人特性嗎,人影我影,人睇我睇嗎


睇見咁多糖.....你有冇想食呢?其實佢地係度揀番會唔會有d 糖冇切開左既...
不過佢地強勁音樂的確係忍到唔少人去睇既
行左一陣之後,男友話係唔係想食雞飯呀?我不斷點頭....
男友望望隻錶就話:[都六點半啦,應該開左門啦!]對....我地又食....
終於係去左第三次既時候....我地終於食到呢間
粉紅衫水門街雞飯 啦!!!


我地一坐底個陣都已經6:50pm 啦.....


雖然係咁早咋啵....但係真係已經好多人啦,不過係好多香港人,
食食下飯都會聽到好多熟悉既廣東話


開餐啦開餐啦....無錯無錯我地又再食啦....
係呀短短幾粒鐘我地食足幾餐,比起去長洲個次仲癲!!!
叫左一碟大既雞飯比男友,細碟比自己...再加冰凍既可樂...
係呢間鋪頭係一定要飲凍汽水,因為真係好鬼熱


食飽飽啦,男友話真係頂唔順要番酒店放番底d野,因為佢個袋又重,佢成個背隻又濕哂啵,
所以我地今次駁一駁,拎住朝早影底個車牌決定去番Central World門口搭巴士番酒店,
(P.S.其實曼谷沒有一個特定既等車地方,
仲之你見到架車行過其實你已經可以申手"折"佢架啦...我地呢幾日都係咁)
我地今次係搭番14號巴士番酒店,佢正正係酒店對面落車,
其實巴士上面d 姐姐/妹妹見到你成日望住條路,佢地都會提你落車既,
當然你搭巴士番去留意有一個"黃海泉餐館",再過多大約5mins 車程左右,就已經到架啦!
我地每次搭巴士都係望住呢個地標預落車既...


番左酒店坐左陣,上左陣網..男友換左件衫再出發去MBK  啦!!!


不過可能我地出番去
MBK個陣已經太夜啦,就連百貨公司都已經準備關門啦,所以冇咩野行啦,
跟住人流我地離開左個百貨公司,正式進入左
MBK ,其間我見到一間好多人都話去曼谷必買既Beauty Buffet ,
佢門口係好似一間廚房咁架....可惜我明明係有影過呢間鋪既門口~但係我唔見左張相啦=口=
此張是copy From 網上的 (chaohuei不好意思copy 了你的相!)
其實佢地係似d Skin Food,不過佢係以牛奶做主打既,當然我呢d 8婆仔梗係唔少得入去行下啦,
(不過如果你也有心想去掃貨或者揀既話,記住係9:00前一定一定最遲要到,因為人地係9:30關門架啦)
你拍攝的 223。 
由於我不知呢間野有什麼是特別要買,
所以行左好耐...當不斷周圍摸周圍試,當睇到一枝牛奶產品,
試左上手又唔知係咩啵 
當時既BA 呢,就想用英文介紹比我知係咩,
但係我既英文係有限公司,我又唔明佢講咩,佢又唔知點講比我知...
突然佢講左兩個字"磨沙",我即時係問佢你識講國語或者廣東話嗎?
她說不懂,但那一句"磨沙"簡直好正呢!!!!
試上手後真的愛上,佢係似去角質層的產品,
當時賣就200B一枝,375B/2枝,約港紙$95蚊/2枝,也算不錯嗎?
起碼佢可以面同身體都用得架...所以各位有興趣呢枝既朋友,請期待我的試用!
另外我都有買佢地既洗面啦!!!不過而家番左黎先發覺應該買得太少XDD

去完MBK ,發覺好多商場鋪頭都關門,男友就說不如回酒店啦~
當去到SIAM 站時準備搭BTS 回酒店時,男友去不如去一去
SIAM Paragon 呀,
我心諗都關哂門啦,仲去黎做咩WOR
但係當去到既時候,
男友就話:[知唔知點解我要黎呀,因為我地三年前黎個陣我地都有黎影架!]
我: [估唔到你仲記得wor!]
男友: [咁三年前都有影,當然我今次都帶番你黎影啦!]
三年前我們黎影既景係聖誕節,(永遠只懂側身影相)


三年後我地黎影既景係新年景...


人物沒變,地點沒變,或者有變的就是我懂打扮了嗎
,最重要的是我們依然在相愛
不過中間條路沒有一張張的"登"了...
不過唔知下一次再黎既時候,我們是怎麼的樣子呢?

說真的...真的好攰啦,我們回酒店休息休息啦....
當回到酒店附近的按摩店,我就問男友,
我地而家即刻入去呀?定係放底d 野係酒店呢?
男友當時望一望隻錶最後決定即刻入去按摩店按摩
我們揀的按摩店叫TIK Spa ,是過了7-11後的那一條街,第二間的...
男友佢唔比我影相囉佢話人地係門口咁影人地唔係咁好wor...
我心諗我都係幫佢賣廣告咋嗎...咁都唔得....
不過真係不得不賣廣告,它按腳都係180B,約港紙$46/鐘....
佢唔同大陸咁係得45Mins 架啵..真係足足一個鐘架
今次幫我按腳既就係呢個姐姐啦,係呢間
TIK Spa  唔洗擔心你會好悶,只要你有智能電話/IPOD或者上得網既東東
你就一定唔會悶,因為呢度有Free WIFI 架,不過唔知點解囉...
我部電話上極都上唔到,係得部IPOD 先load 到wifi
男友就不斷係我面前同第二個女仔係度Whatapp囉 
告訴大家,獅子座的女生真的是個大醋程!!!!!
或者男友真係太攰啦.....佢比人按按下訓死左仲要訓到鋸鋸聲,,,,
當時仲有其他客係度架嗎...我個臉都唔知放去邊好呀
男友就舒服到訓死左,而我呢,仲係Facebook 講,
冇料到既呢個姐姐,點知我個晚訓訓下係怨到醒左呀!!!!
所以泰式按摩都係泰國既好......
最後佢仲會幫你按一按手,頭部真係好舒服.......
佢地仲唔會主動問你拎貼士....仲有杯熱茶比你飲tim~
如果你同我一樣都係住我酒店/附近....真心的可以一試呢間呀


舒服完,見今次冇琴日咁攰.....當然要做番好多人都會做既野...
就係.....影手信啦...!!!係Day 1攰死左,Day 2就一次過影埋啦
為大家送上我地Day 1既手信...BIG C 既大掃突掃:P 有D 都冇入到鏡呀!!!


Day2 既手信...無錯,我地又去Big c掃紫菜,我擔保你會一食愛上...我d 同事已經係咁啦xdd
個d 鞋墊係Zen 買架,大約束10對咋!!!抵到爛,男友買左幾對比家人用...
咖啡是我的,華田是妹妹指定要的,Boot 就是表妹Order 的xdd


咁就完左Day 2啦,當時都唔會覺得咁唔捨得...反而自己一路打文仲一路唔捨得...
不過係度預告Day 3我去左一個商場,足夠我由下午3點玩到8點半.....
想知係邊個商場,又有咩特別...記得唔好錯過我既Day 3油雞啦...待續..


希望你地都喜歡小妹既介紹啦
想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^




留言

  1. Pandora 香傭講法文2012年2月27日 凌晨12:18

    好正的假期^^
    [版主回覆02/27/2012 16:29:01]呢個Trip 真係差電一流xdd

    回覆刪除
  2. 七彩繽紛的糖糖呢!很吸引人啊!
    [Kayan回覆03/08/2012 23:16:05]hahaXD
    [版主回覆03/06/2012 09:32:04]如果有既,我想我是第一個去搶XDD
    [Kayan回覆03/02/2012 23:00:14]哦.原來係咁,如果有得試食就好啦! 哈哈XD
    [版主回覆02/29/2012 00:17:09]因為我本身好怕食硬糖xd
    加上feel 到佢好重甜味
    [Kayan回覆02/28/2012 22:33:43]點解呀?
    [版主回覆02/27/2012 23:22:35]但係我一個都冇買xdd

    回覆刪除
  3. 好多手信仲有個牛奶產品好似好好咁
    [版主回覆02/28/2012 10:01:39]今次呢個Trip買比自己既野唔多,反而幫人買野就好多xdd
    個個Beauty Buffet 都真係好多人介紹過好用,而家我等用哂手頭上既洗面產品就會開動用呢d 手信

    回覆刪除
  4. D糖好靓ㄚ! 見都七彩顏色就好開心!
    [版主回覆02/28/2012 14:34:52]個個都對D 糖有興趣多D WOR XDD

    回覆刪除
  5. 哇你買左好多野食bor!Beauty Buffet有咩好野賣?
    [版主回覆02/28/2012 21:10:07]今次我除左買左個去角質層既產品之外,我仲買左佢地既洗面產品,另外仲有Body Cream,仲有佢地既彩妝產品都唔錯,但係因為我實在太多彩妝野係屋企,所以今次就冇買啦~~~如果你有機會去曼谷既話,真係可以值得1去

    回覆刪除
  6. 真係好多美味的食物WOW
    ,週二愉快呀老友記,天氣仍寒冷,外出記得添衣....♥*♥...•*,我又有新的手繪漫畫發佈 , 如果得閒黎我個YAHOO BLOG 睇下
    [版主回覆02/28/2012 22:49:21]多謝你既溫馨提示呀你既漫畫好可愛呀>w<

    回覆刪除
  7. 去我的BLOG睇睇
    [版主回覆02/29/2012 22:16:55]好的!

    回覆刪除

張貼留言

熱門文章