【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地
上年朋友來我家探Gogo ,而今次他們再見小孩已長大了
今次朋友打算入來黃金玩一陣,順道想見過面
可惜天氣有點反常,最後決定來個海鮮宴作罷好了

今次再來一次泰海鮮,因為近來該商場也轉了不少餐廳
留得到的餐廳真的不多,想吃海鮮也只有這兒及酒樓
想也不需要怎想了,就決定在這兒再一次豪吃海鮮吧!!

朋友仲利用佢既高質Sales 口吻地令姐姐介紹左幾款好食
但係唔算貴既食品,首先要出場既當然有
泰皇芝心蝦丸 $78/3粒

開頭我心諗你呢個咩小食呀,差唔多成30蚊一粒?
要講既係首先佢利用左麵包槺炸成一個小球
而入面既蝦丸,真係食落啖啖蝦肉
唔同平時你街市買既蝦滑
重點係,個種熱辣辣同流心芝士
如果你係芝士控人,你一定會愛上呢粒
真係好似好貴但係好值
你估我真係咁簡單比粒芝心蝦丸介紹,
當然仲有呢個試過整,但係整唔到個種穫氣既薑蔥鮑魚
當然要整得好,首先要D鮑魚新鮮
其次就係要先爆薑同蔥,再將鮑魚拆左內藏
最好就唔好整當爛佢啦,所以我終於明點解我D
薑蔥鮑魚點整都唔好食啦

呢道菜絕對係無心插柳,朋友打算買花甲
海鮮檔老闆介紹我地食呢個"刀貝"
新鮮,鮮甜,肉厚!!
原意係想鹽水煮,但係店員又介紹一款煮法
就係利用白酒忌廉煮,不過加工費就會貴少少啦
但係真係好好食,白酒味好香
 夾落刀貝真係好滑,加埋D忌廉撈飯一流


最後就真係不得了,呢個係阿拉斯加長腳蟹三食
首先有呢個阿拉斯加長腳蟹蟹腳
真係每枝蟹腳都係啖啖肉,我仲有比少少GOGO 食
大家都笑說,第時阿仔想食蟹柳就話明明之前我食既都唔係咁架


第二食就係花雕蛋白蒸阿拉斯加長腳蟹蓋
利用左本身蟹蓋加上蒸蛋白,超入味又香
朋友都笑叫碗飯放係蟹蓋即食啦
由於我唔係好喜歡蟹膏既東西,所以比一下評價啦
蛋白好滑,花雕味唔重所以小朋友都可以食到既


最後都係最濃味既三食啦,
有辣椒膏炒阿拉斯加長腳蟹身
開頭都諗,會唔會好辣架我食唔到辣野
但係店員話佢地係利用左泰式辣醬
所以佢係辣中帶甜,都幾惹味,不過蟹肉就偏少啦
因為最啖啖肉都係蟹腳上面呀嗎


今次跟上年來吃的很不一樣,
今次既蟹三食絕對係惹味到爆點
雖然所有東西都是由另外的海鮮檔購買
但係佢地既加工煮法絕對係一流,店員又好禮貌
難怪朋友今次入屯門都指定買定海鮮去泰海鮮啦
因為佢地都黎食左幾次,都話唔會點呃水
跟餐牌講既加工費係一樣,因為之前佢地見客有試過比人呃水既問題
重點呢度有BB 登坐呀嗎,同埋仲有房可以坐
不過價錢上會貴少少,朋友話同反黎食飯
有房真係方便唔少,加上落車好快就到
連D 客仔都話呢度唔錯,唔怪得朋友黎到餐廳咁熟行情啦

這兒是泰海鮮
屯門三聖街6號三聖商場地下5-9及14-16舖

就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!

Contact me:manman811@gmail.com



留言

熱門文章