【食 ❤尖沙咀】別樹一格。寧靜談心♬不必是球迷也喜歡的Chelsea Garden✿

剛剛星期六，是Go爸生日，

本身約左酒店食自助餐，可惜生日既壽星公，

係生日前又暈又嘔，連企都企唔住

所以我地都決定唔好曬錢，最後係朋友介紹下

試左呢間"車路士"餐廳

位於柯士甸西鐵站附近既Chelsea Garden

朋友告之餐廳不論服務食品質數也是一流，

咁老公生日點都要食好d既，

所以就真係試試看它家是怎樣啦

由於一早Book左枱，告之會有一位小朋友

店員就安排了兩張餐桌供我選擇

未食已享有貼心既服務抵讚

餐廳內有套餐及散點菜式，

而我地當然揀左係套餐款式啦

套餐都有兩款的，一款是$288 及 $368套餐

咁差不成百蚊一個套餐，有咩分別呢?

咁就等我同大家分享下究竟兩款價錢有咩唔啦

首先要介紹既係$288/套餐，

首先前菜可以揀選風乾火腿牛油果沙津卷 或

 柑橘希臘沙津 或 是日餐湯

而我就係揀左呢一款既風乾火腿牛油果沙津卷

呢個沙津卷有三小件，內含有很吸引既牛油果蓉

加上少咸既風乾火腿，連同沙津菜一齊食好開胃

而貴的套餐就不需要揀選了

直接已包含了前菜

黑魚籽蘋果干邑蟹肉他他

呢個他他好好食，單吃他他好鮮，吃到啖啖蟹肉

中間既Jelly 係蘋果干邑帶點酒香

連同埋蟹肉他他，不搶蟹肉既風頭

卻將蟹肉既鮮味加黑魚籽三重味道在口中

超好味，難怪它的價位雖然比較貴，但係已經好吸晴

另外$388 套餐亦包含是日餐湯，

本身是一大碗的，但店員為我們分開兩碗一齊品嘗

真心，這間的服務質數真的超棒

是日餐湯當日係栗米忌廉湯，唔好以為佢係普通貨色

佢真係利用左粒粒粟米打碎再煮成，不過就冇隔到D粟米衣

所以我知道佢一定係拎粟米煮過咁解

是時候介紹正餐了，先介紹這一款

法式芥末烤美國牛柳

由於我地想預埋比小朋友食用，點選了牛柳為七成熟

雖然都是有點過於熟，但不失牛柳內既嫩滑

不過都係自己食五成會開心好多

另外是燒烤醬配以熊本霜降牛西冷

本身開頭係想叫呢個係七成，方便小朋友吃用

是店員建議如果牛扒煮成七成熟會好"銀"好老

所以今次呢款是五成熟，的確牛扒真係唔好煮到咁老

今次呢塊西冷中間仍是帶點粉紅色，

它比起牛柳更嫩，吃落口內仍有不少肉汁

西冷吃下去是啖啖肉，和味得很

食過了前菜，主食，最後是送上甜品了

咁甜品就只有一碟，因為這個是貴點套餐內包含

可揀選甜品/紅或白酒，而$268 套餐亦可加上$48 享用的

是日甜品係藍莓Cheese Cake

要留意的是套餐是不包含任何飲品

飲品是需要另外單點的，或者是飲用跟餐的

紅白酒類，所以大家要留意唷!!

不過真心，店鋪位置唔算好方便

如果唔係朋友介紹真係未必認識餐廳

但係餐廳所有員工服務是一流的

不論是送餐時，或是給客人送上酒品時

有時食飯，它貴在於它家既服務

今次它家的服務真的令我們十分滿意

今次分享既餐廳是: Chelsea Garden

Address: 佐敦柯士甸道7號UQ Place 4樓

就這樣完結啦，下次再見啦!(拜~)

◕‿◕如有任何合作事宜，歡迎找我呀

Beauty | Baby | Food | Life 

Angel 小魔怪Mama

E-Mail: manman81!@gmail.com
instagram.com/angelbabyhome
facebook.com/angelbabyhome/
小魔怪。私家竇