【食。元朗】原來咖哩都可以咁好食◕‿◕Keep 住有人流的小店．｡♥ﾟ
對於咖喱我是又愛又恨的，
因為我吃辣既程度真係好低，
真是有一點點辣我也受不了。
雖然日本的咖喱我總算是叫吃得到，
但不能每次外出也是吃日本咖哩吧?
最近我朋友同我講，佢話元朗有間咖哩店好有心
佢d咖哩唔會好辣(正常既微辣)
佢叫我一定要試下咁話，我應該食得到
既然講到咁吸引，一於上佢屋企前去試下係唔係真係咁正先?
講緊就係呢間天龍咖哩，
去到門口已經好多人排隊等位，同等外賣
真係朋友冇介紹錯,雖然鋪頭唔係好大間
但係你見到長期Keep 住有人等位，就覺得應該有d 本事
黎得呢間天龍咖哩，冇理由唔食咖哩架嗎；
不過係等位期間見到呢個餐牌有個
蔥油雞扒茄子太陽蛋飯
又好似好吸引，攪到我好心思思又想叫
坐底之後，店員比左佢地既餐牌我地睇，
係落單之前都好擔心d 咖哩唔會好辣架呢?
店員就話佢地既咖哩唔會太辣，正常既小辣(或更低)
咁一於就試下它家既咖哩厚切牛脷飯,
另外睇左餐牌中有個好好笑既位
"我朋友唔食辣㗎" 系列
當中呢個系列全部都係唔辣既，
順個便點左一款朋友唔食辣既
蔥油雞扒茄子太陽蛋飯
先講一下呢個蔥油雞扒茄子太陽蛋飯 $53
首先真係好想講,呢個飯既份量好足夠，
絕對係佬食都夠飽既飯量，
然後蔥油絕對唔失色，一上碟已經好香噴噴
太陽蛋煎得靚，雞扒係有煎香煎脆個皮；
連帶茄子真係好惹味，但係呢碟飯真係好夠份量
真係男仕吃都夠曬飽呀
而我既咖哩厚切牛脷飯
咖哩一上枱後，真係嘩嘩嘩聲，
首先成碗咖哩唔係汁，可以講係醬咁濟；
而佢既咖哩仲要含有好多好多既蔬菜粒
而厚切牛脷仲足足有三大塊咁多
要講一下，原來佢地家既咖哩係巴基斯坦咖哩
以蔬菜同香料去煮成，所以辣度唔算太大；
真係連我都食到，如果你係吃到辣既話仲可以要求加辣架
而我太睇起我地既食量，仲叫左兩款小吃
分別就有羊架同埋天龍雞皮卷
羊架首先煎得好香，仲要啖啖肉唔會乾爭爭
不過點都會有少少羊酥味，但係唔係食個陣唔覺架
超推介呢個羊架，真心好食!!!
然後這個應該是我沒想過會點的，
這個是天龍雞皮卷
我想講，又係好好食架....
但係真係唔好同羊架一齊食，因為有點兩樣好似OVER 左
首先要講個外表炸得脆卜卜，內仍有好有肉汁咁感覺
我感覺有一點像吃炸豬大腸的感覺
如果你喜歡吃這樣的質感就一定會喜歡它的
這餐飯真的很滿足，我很想念這家的咖哩；
雖然它仍是有一點點辣的，但係我吃得到，
那個咖哩汁真係很不錯，我下一次很想試一下它家的薄餅及下午茶
我睇到有小朋友點的雞脾好大隻呀!!
是日分享:
天龍咖哩
元朗合益路17-53號合益中心地下23號舖
就這樣完結啦，下次再見啦!(拜~)
◕‿◕如有任何合作事宜，歡迎找我呀
Beauty | Child | Food | Life
Angel 小魔怪Mama
E-Mail: manman81!@gmail.com
留言
張貼留言