讓面仔享受一下泡泡浴．｡☆ Bioré 一枝攪得掂
對於近日既天氣,又濕又焗仲要落雨~真係做乜都提唔起勁
就連用開既洗面都覺得唔夠用,洗完唔夠幾個鐘唔夠,又出哂油啵....
所以呢期都要去搵番d 去油洗面幫幫手先得~~~
今次小妹就一於試下由日本花王 Bioré 推出既水嫩彈滑洗面泡沬,
睇下佢有幾水有幾彈先~
以淺藍色既貼紙加上白色既泵泵樽身做今次既設計,
加上今次有淨肌鎖水技術即使高清洗力都不刺激肌膚,最重要係洗完都唔會有乾既感覺
同埋今次係以泡泡做清洗,可以深入毛孔清除肌膚既底層既Dirty 東東~
最最最最緊要係.......我最愛既方便~一按佢就起泡泡超方便呢!!!
今次只需要一泵就可以泵出豐盈既泡沫,每次泵兩下就夠成面用架啦
同埋每枝洗面泡泡都有一個安全栓,就防止d 多手者亂咁按啦xd (其實講緊我家妹子)
先來一張岩岩訓醒,未洗面既殘樣比大家望望先啦~
經過捱夜唔夠訓,d 皮膚 d 色真係好差!!!
首先係洗面之前,我會泵兩下既份量,其實好易按架咋~
但係呢枝野真係太細枝,可能未夠一個月都用哂架啦~
兩下既份量真係好夠,唔洗再泵架啦~
先把泡泡搽上面~之後將泡泡按摩到冇哂泡泡就可以洗面架啦
好啦我咁,按到係面仔都見唔到有泡泡就OK 架啦!!!
好Yeah 去洗面啦~~
洗完我唔可以講有咩改變,但係有樣野就係面仔真係又滑又彈呀,
洗完面之後自己係咁摸自己個面仔xdd
來個Close Up 望下咪真係好彈先~雖然見唔到有咩光環xdd
但係真係好滑~~但係用左爽膚水一抹就變得好淋~唔知點解
今次呢枝洗泡泡絕對係平價之選,好似只需要$49.9 左右~
又可以令肌膚滑滑又有彈性,都真係幾抵玩架~
加上花王既產品不嬲亦是不錯之物,我自家都擁有不少花王既產品
最愛當然就係佢既暖暖眼膜啦~今次呢個洗面泡泡亦係唔錯之作
同埋今次好岩我呢個懶人用,因為有陣時我趕頭趕命去洗面出門口
可能夠鐘都唔會得又o者又加水咁洗面~但係呢枝就夠哂方便
只要兩泵就可以洗哂成面,輕輕按摩就可以清洗肌膚既Dirty 東東
拿拿聲搽番d Skin Care 就可以出門口啦~
一枝咁抵玩既洗面泡泡~你唔會唔試下架!!
希望你也喜歡小妹今次的介紹
**是次資料由品牌提供
以上內容亦只是個人意見,
不代表所有人的意見**
想隨時留意小妹既Blog 既動態及生活點滴
記得要Like 我既專頁啦
↓↓↓↓↓↓↓
◕‿◕如有任何問題歡迎聯絡小妹