2017年9月20日 星期三

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地
上年朋友來我家探Gogo ,而今次他們再見小孩已長大了
今次朋友打算入來黃金玩一陣,順道想見過面
可惜天氣有點反常,最後決定來個海鮮宴作罷好了

今次再來一次泰海鮮,因為近來該商場也轉了不少餐廳
留得到的餐廳真的不多,想吃海鮮也只有這兒及酒樓
想也不需要怎想了,就決定在這兒再一次豪吃海鮮吧!!

朋友仲利用佢既高質Sales 口吻地令姐姐介紹左幾款好食
但係唔算貴既食品,首先要出場既當然有
泰皇芝心蝦丸 $78/3粒

開頭我心諗你呢個咩小食呀,差唔多成30蚊一粒?
要講既係首先佢利用左麵包槺炸成一個小球
而入面既蝦丸,真係食落啖啖蝦肉
唔同平時你街市買既蝦滑
重點係,個種熱辣辣同流心芝士
如果你係芝士控人,你一定會愛上呢粒
真係好似好貴但係好值

2017年9月17日 星期日

【保養】▌只需要十分鐘。脫毛就係咁容易 ❤ Epilat 低敏度脫毛膏▌

雖然夏天都好似差不多完結,不過背心短褲
我想暫時都未會將佢地收係衣櫃架啦
老老實實,除非各位女生都做左激光脫毛
唔係都一定會同我妹妹一樣,每隔幾日
沖涼就成粒幾鐘,係入面攪緊乜?
咪就係脫毛之嗎⋯⋯

用剃刀脫毛的確快,方便又快捷
之但係,好快生番出黎同時仲攪到再生啲毛毛粗到呢⋯⋯
而今日我想講既唔係邊一間脫毛公司
而係我想分享另一款脫毛方式

曾經我都介紹不少既脫毛產品,脫毛膏,脫毛蠟等等,
最永久既方案當然就係做激光KO佢啦
不過好似我咁,係某一間店做左兩次之後,
我有左唔做得,生左以為做得啦,餵人奶唔做得
咁我唔通下下著短袖長褲?(雖然我的確係)

2017年9月14日 星期四

【保養】✿INDIECOCO 沙漠儲水三寶 ♬一年四季都用得到✿

面霜,每位女生或者著重保養既人仕
總有一罐在自己的保護列中
不同時間大家使用的類型也會有不同
有人會喜歡清爽一點,有人會喜歡滋潤的
有人會喜歡乳液的也有人喜歡乳霜狀的

而小妹對於面霜的決擇就是,清爽不黏淋
最重要保濕,唔好搽完之後仲要乾爭爭
是乳液或者是乳霜也不打緊的

而今次我同大家分享一款韓國品牌DreamSkin
旗下既INDIECOCO 面霜
佢地既面霜有三款不同既保濕度以供參考
分別有30%,40%同55%

【食 ❤ 旺角】一店兩食。日本x 地中海 ◕‿◕ GOCHISO ♪゚

旺角真係一個好多野食既地方,
但係當要帶一個小朋友去食飯既地方就覺得好難揀
因為有小朋友就真係食飯好慢,或者唔可以快食
又要控制住佢唔好嘈到人,又要同佢食埋野
係旺角搵一間唔限住你個半小時離開既餐廳真心唔多

而早前爸爸因為要趕工既關係,
所以係當天帶埋Gogo去接爸爸收工順便食飯
未知當天是否大家以為會打風,狂風暴雨?
當日一心只諗住去雅蘭既和民食,貪佢有BB登之如
仲可以唔限時呀嗎⋯⋯
點知,點解和民隔離開多左間餐廳既?
原來係同集團旗下既日本x 地中海Fusion菜
GOCHISO

望下餐牌啲價錢由2xx-3xx不等,兩人餐為主,
可以加錢再加野食,同時又可以單點
重點係可以直入唔洗等位呀嗎

2017年9月12日 星期二

【保養】激活肌底。強化吸收力 ❤ 絕對愛上FILORGA NCTF-ESSENCE® 。★。

看著小朋友長大,的確是一件開心事
不過看到他們成長亦同時告訴自己,
你也不年輕了,要好好為自己保養一下
每天都跟自己說,要洗下面,怎樣也要保養
但有時真的累到有一點不想動....

除了身體的累,唔知道大家會唔會覺得
好似某一些產品用開的,但好似效果沒之前的有效
或者有啲直情係冇效果?以為係產品唔岩?或者係伏品?
以為做多啲去角質/深層清潔就有效?
其實有冇諗過係我地代謝慢左,
同時使用既產品唔夠滲透?

2017年9月11日 星期一

【保養】開架價錢。專櫃質素杏仁酸◕‿◕EJG 7%杏仁酸植萃精華液 ♪゚

對於杏仁酸,唔知大家會對佢有咩感覺?
是用作煥膚嗎?美白嗎?
沒錯,杏仁酸的確可以做到有少許美白的作用,
重點亦可以幫助推出黑頭,粉刺等等
最重要都係可以抑制黑色素,可以改善黑色素沉殿既問題

早前我就有機會試到台灣品牌EJG 伊澤靚
如果有留意台灣既產品既朋友,都知道台灣86小鋪
就好似我地既SxSx 咁樣,今次要分享EJG 既唔係佢地既清潔Mask
反而係想介紹佢地既杏仁酸植萃精華液

【保養】▌令髮絲像向日葵一樣的堅韌❤HIMAWARI 向日葵 EX ▌

貼服順滑既頭髮有邊個唔想呀?
又邊個想日日出門口前又要吹又要左夾右夾?
老老實實比我情願訓多五分鐘就五分鐘啦
媽媽的睡眠時間真係好買少見少架..

而我每日都會為頭髮博鬥,因為點整佢都會又翹又多毛躁
而小妹我自己最鐘意同樣都係洗完頭
係當乾既狀態下出門口,因為當時既髮質係最貼服
不過乾完之後仍係打回原型...
唔通日日都用髮尾油咩?
有時忙到唔得閒洗頭,就仲衰......

2017年9月5日 星期二

【食 ❤深水埗】新鮮。鮮甜。好味♬ 愛上金湯既鍋居打邊爐✿

一大班朋友成日最煩就係諗食乜好,
又要唔食生,又要唔食辣又話唔鐘意食炸野
除左放題之外,仲可以有咩選擇
當然係港人最愛,一年四季都會食既打邊爐啦

打邊爐既好處就係你自己鐘意食咩就淥咩野食
你鐘意食辣?又可以揀麻辣湯底
鐘意食濃咩既又可以揀d沙嗲湯底
鐘意食清d 既又可以食皮蛋莞西湯底
不過今次邊爐達人就話帶我去番
上次食唔到既火鍋店--鍋居

2017年8月30日 星期三

【保養】✿ 清洗。清潔。保養二步曲 ♬ 我有保護私處小孖寶 ✿

近來d天氣真的有一點反常,一個星期有兩場八號風球
又熱又焗又下雨的天氣真的令人很討厭
除左落雨冇得點去街之外,其實又有諗過
如果又熱又濕係好大機會令細菌滋生?

正如夏天唔將食物擺入雪櫃第二朝都已經變壞
好似我個洗面卜唔記得拎去曬乾,
第二朝都已經有少少發毛菌啦
可況我地女性既私密處......?

對於女性私密處,我地女性之間認真的又幾可會講呀?
最多咪講下唉呀,M痛好辛苦呀
或者黎M流量好多等等?
認真講,我地可能會Share 下有咩衛生巾好用
但係又會唔會Share 下有咩清洗私處既產品好用?
老實講小妹未陀阿仔之有用過d 市面蠻出名既
女性清潔用品,由其係月經前後既時候

不過自從陀住阿仔唔記得係醫生定姑娘講
唔好再長期或者暫定使用那一款蠻出名的女性清潔用品
因為會清走本身身體內含既益菌
直到前排我都冇點用過女性清潔品

2017年8月29日 星期二

【食。旺角】▌它很貴✨ 但好味 ❤ 東喜茶 ▌

近來不少既飲品店由台灣日本等地都進註落香港
由其係咁熱既天氣走進熱辣辣既旺角
除左有透唔到氣既感覺之外,仲有成身大汗既痛苦
早前就因為妹妹需要到油麻地附近面試
對於旺角的路,她有點不知所措
所以當天我就帶她去找一下面試地方
然後我就找地方去坐一下好了

當我仍未完全可以把身體的熱散走了,
妹妹就已經完成面試,那就打算在旺角遊走一下
突然在新寶戲院附近發現了一間新小店

妹妹說好像是內地蠻紅的飲品店?
我只覺得它裝修比起平常的飲品店好一點
不過妹妹話見我咁辛苦陪佢出黎面試
就請我飲一杯這店的飲品...

走進門口位置有一個大的招牌介紹芝士芒芒
就是以芝士奶蓋加上打碎的芒果汁好似好吸引
本身就想叫一杯兩份分,始終價錢不便宜呀嗎
但係妹妹說剛找到了工作,可以豪一點囉


首先我點了這一杯在門口大大個廣告的芝士芒芒$42
當時拎取的時候,店員已經話呢個係唔需要飲管的
直接打開個飲品堵位就可以直接享用

將少少咸但勁香芝士味配埋濃濃既芒果汁
Mix 埋一齊又估唔到咁夾,
芝士味飲落唔好好重味,如果你喜歡芝士一定愛上
芒果汁就有點似XX山
好味就真係好味啦,但係個價就真係貴左D


另外呢一杯就係又食得又飲得既
超級水果四季春 $42/杯
呢杯同芝士芒芒有點唔同係呢杯主打係食生果
主打生果杯既呢杯超級水果四季春
除左有海量般既生果之外,仲有四季春茶
咩係四季春?其實就係烏龍茶
呢杯飲品可以揀少冰,仲會提供上飲筒同埋小叉


內含有有橙、西瓜、百香果、蘋果、青檸等
對女生而言它真的是一杯Keep Fit 的好東西呢


雖然這兩杯東西真的蠻貴的,但係品質上它的確很不錯
店員看起來很忙,但仍然臉有笑容
重點是它家的速度很快,我們由考慮,點餐到拎東西
前後不需要10mins,起碼我地諗飲哂已經左左5 mins
同埋係旺角區可以咁快拎到飲品,
雖然佢地比起其他既係貴d但係品質上值呀
雖然同連鎖Coffee shop 差唔多價
如果可以有得坐或者可以平d 既話~
就更加完美真係!


這兒是東喜茶
旺角豉油街33號地下A舖

就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!

Contact me:manman811@gmail.com


【2017❤旅遊】 夏之遊✈️大阪 ♬ 親親小動物.天王寺動物園


因為之前既打風關係,本身已經遲出發既Day 1
加上打完風亂曬龍既要Delay 曬d 航班,
為左曬左既第一日,係Day 2我地就早早起左身
食好早餐就出發去玩啦,好好利用左張one Day Pass

今次小妹我就冇特別去買左d 咩大阪周遊卡或者咩關西周遊卡
因為知道帶住個小朋友係即使度好行程,其實都未必去得成
所以我就係本身買Packing 旅行社買左呢套
南海鐵(單程)+OSAKA 1day pass
咁就係可以係你去兌換張南海鐵飛既時間
張1day pass 就需要係當日或第二日當天使用

要留意雖然佢張1day pass 係列明24小時
實情係使用到當天地鐵關門架咋
所以要好好善用呢張One Day Pass

【食 ❤ 屯門】時光可變,世界可變 ♬惹味的泰海鮮不變 ✿

事隔一年,我地又重遊舊地 上年朋友來我家探Gogo ,而今次他們再見小孩已長大了 今次朋友打算入來黃金玩一陣,順道想見過面 可惜天氣有點反常,最後決定來個海鮮宴作罷好了 今次再來一次泰海鮮,因為近來該商場也轉了不少餐廳 留得到的餐廳真的不多,想吃海鮮也只...