2009年5月13日 星期三

感人的求婚....

嘩~一連出3篇簡直破哂我紀錄...


因為上星期6同同事去唱唱K時,


同事時點左首歌,一睇就愛上...


雖然係舊歌,但係佢2位唱極都仲咁有味道....


今次仲要分開後...


突然的和唱...加上咁正既mv


當時我都睇到眼濕濕~睇見安仔咁Sweet既樣


當初就咪攪到咁樣啦....


如果唔係就好似歌詞所講....一直相愛啦!!!


好啦~~頭先搵番個正MV時,


比我睇到一段仲梗加感人既MV


簡直感動到我喊呀~>.<


 



如果第時...有人會係咁多人面前唱住呢首同我求婚


唔知個感覺又會點呢...


我好佩服個個男仕..係尖咀海港城入面唱呢首歌去求婚


真係好感動...仲唱得幾好聽WOR我覺得>W<


正呀!有時間不妨睇下,唔知你又會唔會同我一樣有所共嗚..


下定決心.........離職....

唔好咁擔心住,我仲未比信,

不過今次應該唔會得個講,應該真係會唔做啦,

公司太多太多既轉變,一時之後我接受唔到佢個套

同埋有時覺得做得太遠~即使比我6點半收到工,番到屋伍都要7點半八點!

加上成日有太多突如其來既工作要做,

D壓力不斷不斷咁加左上黎有時真係有透唔到氣

雖然係呢間公司,只要你肯講佢地一定會聽,

不過做唔做到就另一回事,

好似近來攪既文字化,文章交流會呀,乜差閱讀報告等等

都係我個個"好好阿頭"同阿老闆講既

不過真唔真就真係唔知啦,始終我都係聽番黎!!!

近來同事入面叫傾得埋既朋友都一個一個咁離我而去....

諗諗下~話唔做到而家都差唔多2年,

既然咁辛苦~應該講得出做得到嗎~

但係始終我就係咁~【船頭驚 ,船尾驚(擦)】

乜都驚一餐,最後咩都做唔到.....唉

最近又因為不斷開OT攪到自己個精神好差

仲無端端自己喊.....好得人驚

同班同事出黎玩.....已經冇Mod 飲.....醉又唔識醉~唉...

真係辛苦到爆炸....

所以決定左一定會8月比信架啦

但係同事仔J話其實做得咁辛苦點解唔而家一齊走,

同事H 就話佢要等夠2年啦

同事J 就話其實差3個月其實出到去都係一樣!!?

係架咩@@但係而家最最最擔心就係我爸爸個邊

我爸爸一要番黎,即使我幾辛苦我都為左D錢留係呢間公司......

唉......到而家我都唔知應該6月比信好,定真係等到8月先比信呢????

公司內的一件"失物"

琴日係公司發生一件可以令各位同事笑足半日既小小小事件

話說呢~差唔多到食飯時候,個個同事都會周圍Hea下,去左廁所吹吹水等等

呢d野我永遠都冇咁既時間,通常我都係做到1點就去洗手食飯,

食完飯先會去廁所既,

話說琴日有個女同事準備去廁所食飯啦,當時大約係12點50分左右,

當佢一入去就好多同事輪住入去啦wor,

我公司既廁所其實唔係好大,只係得個3格~

如果同一時間有3個人入去,又有人係等既時候

其實真係好窄加好迫.....

當時女同事A 就係因為咁既情況下,被迫去到廁所既垃圾桶旁

準備洗手啦......點知.......

係呢個時候發現一樣好奇怪既物件係垃圾桶旁Wor!!!!!

咁大家估下......呢樣又係咩黎@@?

就係為左呢件小小小既事件~足足令全公司既人笑足左10分鐘!!!

係我地食緊飯既時間~~~同事A 依然不斷講緊呢件事

大家都係咁估,點解係女廁出現一樣咁奇怪既野呢?

估估估....攪到大家都係咁笑~都食唔到飯!!!!

事件直到食完飯就停止左講OR 笑啦

直至女同事妹妹出左個電郵,將呢件事又令各位未收工既同事,

笑到傻咁濟~~~連男同事L仲攪爛Gap點解我冇份xdd

究竟呢件失物係邊個人既呢?呢個真係一個迷

**************************************************

但係奇怪既野唔止呢一件架,

係我呢間做清潔滅蟲既公司入面,成日都會發現d好奇怪既野,

由其有新同事入職~就一定有怪事發生.......

次次都係要女廁發生.........難道因為我地太多女生@@?

好似我岩岩入職個陣就有人踏落個廁所板上面去廁所,

其實一次半次大家都算,

但係公司廁所入面其他坐墊紙,仲有廁板消毒液,

其實唔需要踩左板上面jer?

仲有就係試過成日個廁所板同地下都有血.....-口-

呢個都唔出奇,始終有生理需要....但係真係好恐怖架

難為姐姐去洗嗎........

仲有有人成日去完大又唔沖....

其實有同事就話唔係唔沖....係沖唔走,又唔睇清楚....

最恐怖既一次.....真係嚇死人....

就係..........有人去完大,但係.......

個大唔係廁所入面........

而係.........地下........

仲要係.........踩埋出黎走廊.....

真係恐怖到極點......真係次次有新同事番工就一定有怪事發生...

次次都係女廁既.....點解.....





2009年5月8日 星期五

崩潰了...

一連五晚收九點半既生活令我開始透唔到氣,

成日係度諗,今晚就唔好做咁夜啦

最後唔係走9點就走10點,晚晚唔係10點半番到屋企11點~

開頭第1,2日都算數.....原來我真係開始頂唔順...

第三天開OT期間,我已經開始好唔開心,

但係唔開OT 做哂D野,咪又係埋埋埋....

最後都係死.....

點知D野愈做愈多不得止,仲要清極都唔完

老頂仲話係唔係成世都做一個最低既位...

個位係你Set 比我架,我開頭唔係見你呢個位架......

而家話我做得耐就怨唔會上位,

我做唔到掂啦....我真係頂唔順啦

琴晚做做下野自己坐係度喊...

連自己點解喊都唔知~

不斷諗究竟我幾時先可以離開鬼地方?

收工個陣傾得埋既女仔同我講~

今個月CS 走 2個.....

連佢都打算走啦.....佢頂唔順呢D無形壓力~

頂唔順D工作沒完沒了.....因為佢岩岩夠一年~佢就打算離職~

佢同我講~佢連續2日食早餐既時候無端端自己喊~

原來我同佢既精神壓力已經爆左....

或者係我自己唔識發洩D壓力出黎定黎我根本就冇時間

琴日仲開個文章交流會~話點處理壓力,

其實我自己都冇時間處理呀....

琴晚想訓既時候,訓極都訓唔著....

不斷上網上網同上網....

想訓既時候......就不斷係咁喊....

人地唔知真係以為我失戀.....

但係朋友話點都要8月先好走......

一諗到仲有3個月.....我就好灰啦

攪到3點先真正訓到.....

連我自己都唔知自己想點.....

好辛苦呀!!!!!!!!

【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...