2014年6月28日 星期六

【活動】由後台走出華麗舞台 ❤ 讓你找出眼部彩妝奧秘 ✧



看到這個唇膏牆, 大家知道小妹今日想為大家介紹什麼嗎?
心水清的朋友也許應該它就是Dior 的唇膏
當時它一推出就已經令小妹極為心動,簡直立即想去購買一枝呢!!!

不過今次小妹就唔係想單單介紹呢個唇膏比大家認識
反而係....今次小妹竟然可以跟Dior Maskup Pro Team 既
Dior 國際專業彩妝師 Yasuhiro Tokunaga學化妝
我想真係有錢都未必搵到佢親自教你!!


係活動開始之前,在各位Dior 同事幫忙之下
就介紹了小妹使用它家既護膚產品作為保養之用
而品牌同事就按小妹自己所需而揀選了以下呢套
可以補水同時帶點滋潤的【HYDRA LIFE 水活力嫩肌系列
給小妹去使用既


包括就有【水活力嫩肌精華化妝水】$310/200ML
質感柔滑細緻的水活力嫩肌精華化妝水,能為肌膚作好準備並即時帶來清新感覺,
令膚質更細緻柔滑、肌色更容光煥發。配方採用了「Essence-In」技術,
能瞬間滲透表皮層之核心,並且於每層膠原蛋白層散佈活性成分。
潤濕效果理想之餘,更令肌膚回復年輕的清新感覺。


然後再搽上【水活力嫩肌精華素】
特別清新、水潤、煥發肌膚神采的Youth Essential Concentrated Sorbet Essence
含Hydra Life 水嫩保濕系列的抗老化花卉三重精華,比其他護膚產品有多一倍的筋骨草、
雷公根和法國黑玫瑰的精華,極致活性配方能於各肌膚層*的強化水份流動,
提升其後使用的護膚產品功效,使用後24小時肌膚仍然保持水潤,
皮膚清新豐盈。肌膚沉醉在前所未有的雪芭般的清爽感受,
是青春泉源,使用後皮膚温度可下降3度**。


最後就要搽上眼霜及面霜,那我在此介紹埋呢個眼霜啦
**溫馨提示** 呢個系列整個產品除了以下呢款之外
其他同系列產品都不宣搽在眼周附近的

水活力嫩肌眼霜(15ml)



搽哂護膚品就可以乖乖地聽書,就準備去化妝囉!!


還記得在文章頭曾介紹過的 Yasuhiro Tokunaga 老師嗎?
他其實就是Dior 在全世界的國際Makeup Team 既其中一位既日籍成員
今次他們也有幾位彩妝師來了香港跟香港既Fans 們來個化妝示範


係老師介紹左他們既背景之後就開始為我們示範一下妝容問題啦
要化妝一定要搽上底妝,究竟用咩底妝係最岩自己呢?
最好就係兩款不同色系既底妝放係你既"權"骨位置
再慢慢印開,找尋最貼近你膚色既底妝就可以啦
唔岩色既就當然要抹走它啦


由於時間關係,在場既美妝師也為小妹揀選左呢隻比較
適合小妹既黃Ton 既Bass 
Diorsnow Bass SPF35++


然後美妝師再為小妹準備一款遮暇度較高一點的粉底液
Diorskin Forever #020


使用上兩款底妝產品,個樣都好似變左
果然化妝品真係令我變化得好大呀xdd
常聽說DIOR 家的粉底及粉餅是不錯,
等我再試埋個粉餅係唔係真係咁正先?


老師再教我地點去量度自己打陰影既位置,
就係用上自己一枝比較幼身既化妝掃,
在自己的下巴度至耳珠下邊,相中的位置都好似有D 偏差


再利用上DIOR 家既各種粉餅,係它家入面有六種不同色系既
而老師今次就教我運用它家既#10 色作為碎粉, #30 作為陰影部份
首先就要用上#30 既粉餅先掃在剛剛度好的陰影位置,
以拍打既方式去搽上呢個陰影,然後再運用打圈既方式去搽呢個粉餅


真真正正完成抵妝之後就要開始化眼妝部份
好多時候,小妹都會忽略左眼眉呢個位置,因為小妹成日都覺得自己條眉都幾好呀
又夠粗又夠濃密仲洗咩畫呀?咪會仲更加勁?
原來唔上堂都唔知,雖然我睇落係不錯,
但係始終係會有D 吉位係度,如果本身自家眉毛係比較深色
就可以揀番D 啡色系既眉筆啦,輕輕地好似油顏色咁
掃在自己條眉上面,再用掃BLEND開就可以完成囉


突然覺得原來自己條眉又真係好似好睇左啵
等我第時又多番D 畫眉,個人都好似好睇D 


係時候要準備搽眼影部份啦,老師今次又教我地用番角度
原來眼頭位置同我自己睇自己係唔同,
首先利用上化妝掃在自己既鼻同眼頭位置作準為眼頭
而眼尾的位置就係鼻至眼眉尾為作準
其實呢,呢個度都係可以當作畫眉既量度架!!


用運用上今次Dior 家既五色眼影
今次我就揀左運用呢款#734 色系既眼影
以1號白色的位置打為作底,然後再跟住相中部份去化個眼妝
2號既位置可以搽得全面少少,反而4 號的就一定由尾部份掃去中間
最後就用中5 號作為點啜啦xd


最後有一隻眼係老師幫小妹化,一隻係自己化既
大家又睇唔睇出邊款係我化架呢?
但係呢個眼妝又少少唔係咁岩小妹,或者係舞台既就完全不同吧XD


攪好底妝攪掂眼妝係時候要搽上胭脂同唇膏啦
係DIOR 有著六款不同色系既胭脂比大家去揀
唔知邊隻色最岩自己?又怕搽左上面唔好睇?


老師就教我地用運用上胭脂盤在自己肌膚上慢慢地揀選
最後揀選#846 為適合小妹的顏色,
你又喜歡那一款呢?


最後當然少不了搽一下令我心動的唇膏嗎
由於實在太多顏色也怕我地好難揀,所以拎左六枝在日本大賣既唇色比我地揀黎搽
真係靚到癲左,你估小妹會揀左邊一款作為小妹最後既選擇?


最後我是揀選左由底數上第二枝的唇色
它以集合唇膏+唇彩既結合
搽左上咀仔唔會變第二隻唔會漿住個咀,最重要都係.....
佢可以完全搽完冇唇紋呀嗎!!!!!!


最後也想跟大家推介就是它家的睫毛液
超特別的,有三款不同既顏色,而小妹就搽左黑色再加藍色
有估唔到既效果架真係,同埋佢搽左都好線條分明
簡單是燒到入心既妝品呢!!!



最後當然要跟老師來一個小合照,謝謝他教授我地知識啦
可以令我一試在舞台上小妝容,最重要都係有老師親自操刀嗎XD


好啦,小妹今次既分享都完結啦,當然不會只係同大家分享我係DIOR 上堂
其實小妹也有好康介紹比大家架,如果你都想比專業既化妝師
為你化一個度身定造既妝容,快D 即刻去尖沙咀海港城
Dior 既 Contador 請各位美妝師同大家化個妝
仲會有剛剛介紹的迷李睫毛液送架!!!!
時間係27-29/6 ~位置就係
尖沙咀海港城facesss對出位置
Dior Backstage Studio pop up store
最後今日,記得唔好錯過啦!!!!!

特別鳴謝 Dior HK 及海港城
希望你也喜歡小妹今次的介紹
**以上內容亦只是個人意見,不代表所有人的意見**

想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^


























【保養】藥丸都可以唔係食落肚 ❤ 一粒藥丸都可以令你廋 。★。

一到夏天每個女生也嚷著要廋身,但係有陣時明明想做運動
總是有多種理由或籍口總是說今天做不到呢....
為什麼我會知道?因為我都係呢種人嗎?

但係小妹近來身體也大不如前,也不敢再亂吃任何有關是減肥的藥品
始終嗎,食下肚的東西總有機會有負作用的嗎
所以今次我有機會可以一試意大利No.1纖體專家
【COLLISTAR】
最新推出既全新高效排水抗脂膠囊 ($398/4mlx14 粒)


或者你會話呢樽野同減肥又有冇咩意思?
你又話自己唔會食減肥藥?咁你一樽樽既係咩黎架?
其實今次要介紹既呢樽【高效排水抗脂膠囊 】
唔係比你食,反而係比你搽架!!


小妹就幾歡喜佢地既設計,設計成一粒粒既膠囊
又可以有效阻隔水份、防腐劑和空氣,同時不會受污染
最重要就可以保証最純正及完整活性成份,同時確保每次使用份量相同
你知啦.....有時自己倒又可以倒得多左,又會曬左
一係就倒得少左份量又唔夠用啵
加上呢個產品呢就可以強效集中分解脂肪,排走水份,對抗水腫問題
要廋身又有幾難呀係唔係先?


好啦,就等小妹拆解一呢粒藥丸係乜東東黎啦
其實呢粒藥丸呢就係一粒膠囊,剪開頭頂那個小位置
然後就會慢慢有d 哂滲出黎架啦,大家就要留意一下
搵定手去接它們啦,然後再可以用手指按一下那個膠囊內的油份
直至完全沒有就可以為自己需要排水的位置進行按摩的動作啦


首先看一下本身小妹對肥美的雙腿先,
其實之前狂做Gym 的關係也為雙腿的位置開始變為"雞肉"
所以小腿的位置特別難減呢,加上大脾的位置實在嚇死人
所以希望運作它可以作出排水同時分解下脂肪啦


首先我就會將手上既油由腳碗位置慢慢地搽至大脾
唔知係唔係我太乾定係我範圍太大呢?
小妹好似搽左一隻腳已經好似得番唔係好多油份
所以右腳可能份量唔算好足夠


而我自己就一套自家手法去按摩,當然可能大家也差不多
只是我平時有空或者真的太很攰就會這樣做啦
首先用手在小腿下面由下面按至"失頭" 位置
連續按約5次左右,有機會出現怨痛的感覺
是正常的,因為是你肌肉出現警號了,所以多一點按摩吧^^
然後再用"權"頭利用那幾個手指關節位置
由上至下碌下去就可以啦,當然啦你用上附助工具也可以同樣地碌既
最後我再用手好似平時我話用手點去令Skincare 吸收既
同樣令按摩油吸收係腳度就可以囉!!


因為小妹實在太懶了,沒有太多時間用得太多次啦
暫時比大家睇下既效果啦,因為我忘記早前是方向
可能大家睇的是反方向的呢!!
如果我同大家講搽1-2次就有效,咁你都未必信啦
不過認真的就是我個人認為是排水的
當然按摩也可以做到排水的效果,但係是配合左呢個按摩油更加好推

有時大家也好怕在家用上按摩油去按摩,因為會覺得攪到周圍也是對嗎?
今次呢個按摩油都係有機會掂到的,但係唔知點解佢好似就消失左
小妹是在廳的地板上作出按摩,反而它在我打算收拾好東西
用地拖抹地的時候就真的不見了,最神奇就是我腳在我準備抹地的時候
也完全吸收哂係整對腳上!!!

我想有去做開推油的朋友,也曾體驗過整個身也油的感覺對嗎?
用上呢個高效排水抗脂膠囊即使在搽的時候
也絕對沒有呢個問題,一路也是清爽的!!
這也是我最喜愛的地方!!!!


如大家對今次小妹介紹的產品有產品
可在各大的Sa Sa 有售

如有對高效排水抗脂膠囊 有任何問題查詢,請大家到以下網查詢

希望你也喜歡小妹今次的介紹
**以上內容亦只是個人意見,不代表所有人的意見**

想隨時留意小妹既Blog 既動態及生活點滴
記得要Like 我既專頁啦
↓↓↓

◕‿◕如有任何問題歡迎聯絡小妹

電郵:manman811@gmail.com

以下地方可以找到小妹架^^








                   












【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...