2012年9月29日 星期六

又要驚又要玩 ★ 海洋公園十月城全哈囉喂。十月大潮聖2012 ◕‿ ◕

每年九月尾至十月~好多好多既人都會去一個地方潮聖
呢個地方絕對唔係Shopping 地方,亦唔係名牌子~
而係《海洋公園》哈囉喂Party 啦~

小妹當然都有乖乖地擺底錢比人嚇餐死啦~
雖然唔係年年去玩,但係大大話話都有去過3年架~
不過甜心陪親我去玩之後,佢都係發哂脾氣加上年年排隊都哂左好多時間
攪到我都冇咩心機再去呢度玩啦~

但係今年小妹又去番呢個大Party 玩啦~仲要唔洗錢就可以去玩~
原因就係因為小妹參加左She.com 既微博Game ,
竟然咁Lucky 可以中到兩張優先場去玩呀~本身打算叫甜心陪我去既
但係由於當天優先場係星期三,佢話第二日要開工就話唔去,
最後我搵左我既朋友仔陪我去玩今次既優先場啦~~
不過當天心情超級大喜大落.....原因係因為當天我專登請左半日假去玩
順便出去整個外置Hardisk ....點知代理話比我知....HDD 救唔番,所有相都救唔番
雖然開心可以去優先試玩,但係所有相唔見左,絕對唔好受架....

當日未夠5點半我地已經去到OP 啦~~但係因為門票講明未夠鐘唔入得場
唯有企係度等一陣啦~~~



唔知你幾耐冇去過海洋公園呢?我就應該係11年生日去過之後
就到今年啦~但係估唔到短短一年時間o者~OP 真係多左好多野~
包括呢個係門口既水瀨啦~我覺得佢好似我家大隻版既蒼鼠





朋友見到我悶悶不樂完全提唔起勁~佢就講左句,
"黎得玩就豁出黎,你唔開心都救唔番d 相架啦,不如開開心心玩完呢晚,番去再諗計仔啦"
朋友講得好岩~~所以一於開心咁癲番晚啦~





入得場啦~~我地既手帶係藍色架,平時入場個d 好似唔係呢隻色
一入場就見到今年既教主Wayman~好型咁wor!!!



唔好講咁多~第一站即刻沖上山~最快既方法就係搭海洋列車,
因為我早幾年都係係山腳玩上山頂~次次山腳就排足幾粒鐘~
所以今年我唔想咁蠢啦~~就一於衝上山頂玩左先~
而我地第一站就係位於日本花園既《天藏異域》
驚嚇度: ★ ★ ★ (5 ★為最驚嚇)
點解我會覺得係有3粒星既呢?因為我地太早上到去啦,所以玩呢個鬼屋個陣
人地都未準備好,所以我地玩個陣就係得我地兩個人咋...
我就由入場叫到出黎....雖然有D 地方係光猛猛但係都可以將小妹嚇到半死-口-





  第二個玩既鬼屋就係"香港靈異樂園"
屬於跳樓機附近,海洋冰室隔離~
其實呢個應該係幾驚架因為佢以香港公屋既環境做主題
不過我地絕對唔應該行最後囉.....因為我係入場前比個工作人員嚇親
但係入到去....叫都冇叫過...原因唔係我唔驚,係因為我地前面既男人
不斷係咁指住D 鬼~我知你係度架,你唔好嚇我呀,我見到你架,
我心諗真係頂你個肺.....唔洗玩啦!!!本身我想玩多次架~
但係我FD 話唔好哂時間.....最後呢個就成為我既遺憾啦

(請留意呢間鬼屋有d 地方會有怪味同埋有個地方會有仿豬,你都要經過佢架,
其實呢個鬼屋真係要必玩~唔係有個d 麻煩人既話超好玩)
驚嚇度: ★ ★ (5 ★為最驚嚇)





第三個鬼屋"黑暗未世紀"
以火車做主題既鬼屋~冇鬼嚇你..只要你唔怕黑就絕對唔洗驚
因為佢一入場就問你知唔知今年係咩主題呀?當你答十月大潮聖~
就係錯既~因為係世界末日啦XD 咁主持人就話比你感受一下世界末日既滋味啦
咁就會係個個Disco入面睇見兩邊既酒塌落黎...
之後主持人就叫你摸住旁邊既白繩,講真呀~唔好以為你真係摸到
你一入場就已經伸手不見五指,唔好話捉住呀,你連路睇都睇唔到呀,
仲話捉住條繩...所以我同我個FD 因為太黑既關係已經甩左前面既人,
仲要不斷咁行錯路~走左去D 唔應該去既地方~就係員工休息室同電制房XDD
驚嚇度: ★ (5 ★為最驚嚇) 




門口有個幾靚女既鬼鬼係度跳舞~你可以同佢影下相架~




黎到山頂最後一個鬼屋啦~就係"潛行魔術屍"
其實呢個都真係幾驚,因為我地一行六人入去,
d 鬼就不斷咁嚇我地,加上我之前既男人又係咁拍d 
牆wor 我仲唔叫上加叫xdd
同埋佢有好多斷手斷腳屌住係天花,你仲要係佢下面行過你都唔好話唔驚~
加上有好多驚嚇位~會係d 你估唔到既地方彈出黎~又話要捉埋你一齊做魔術
呢個鬼屋真係堅要入一入,值得你去玩~^^
提一提呢個鬼屋入面會有鏡同強光~玩之前記得要留意呀!!
驚嚇度: ★ (5 ★為最驚嚇)  )





係入場之前我已經見到呢排成日見到佢既Blogger Sally~原來佢當日仲係生日tim呀!!
不過大家得到呢張飛都唔同地方發出,但係我地相遇總算係一個緣份呢





玩哂山上面既鬼屋~我同朋友就開始搵番車落山啦~~
我地跟住d 鬼鬼行~一路行一路吹水~好彩當日唔算太熱~
睇見d 鬼鬼都覺得佢地好熱呀!!!睇唔睇見左面張相~
似唔似係靈異照片~
我一路執相先發覺有呢個問題xd



當差唔多去到列車站~又見到有場Show 差唔多開始,
朋友話不如坐底睇陣之後先落山啦~又好啦~
當我同朋友係度玩緊電話而我既背包就放底左隔離張登度,
突然有個人有意想推開我個袋~我當然望一望打算拎開個袋之際
原來係個表演人員想整鬼我xdd 不過睇完佢地勁歌熱舞之後~
落山已經差唔多八點啦~~~




落山搭番列車既時候~或者可以向上望下山頂既動畫~
有別於你平時坐海洋列車架~但係請留意同行既小朋友~
因為我都覺得幾恐怖幾驚嚇~小朋友睇左有機會發惡夢~~

一落左山就見到有d 鬼鬼~有型到爆炸既鬼Rock 鬼~
同埋佢話岩岩落更既消防員:




而我地打算落山第一站就係玩由藍妹啤酒讚助既"鬼魅冥婚大殿"架~
不過當時佢地好似開緊開幕式,有好多傳媒做緊訪問~
我仲見到扮緊黑女神既Kelly,但係由於實在太遠啦~我部相機影唔到佢呀~
唯有轉頭再過黎排隊玩番啦~~~





係期間再同d 鬼鬼影相先~今次我地同蝴蝶鬼同蛇妖&衣櫃鬼xdd





玩唔到冥婚就去左香港老大街~我都係第一次去架咋
又真係整好鬼靚~好有舊香港既味道~係度我都影左唔少相
不過個燈箱做得好唔掂~小妹只係輕輕掂住影相,一放手就....跌左落地-口-




影完相唔好哂時間....去排隊玩鬼屋~我真係覺得我地今次既計劃係幾好
由山頂玩到山腳~因為我地呢個鬼屋都排左我地20-25mins....
好在當天唔算好熱唔係..唔係我都會想死,因為沿路係冇風扇架~
不過幸好一路排隊都會有d 鬼鬼走左出黎同我地影相,
但係你要影就可能冇得排,呢個鬼好衰架~佢叫我照鏡因為呢個係照妖鏡

係我地排到差唔多入場個陣見到Wayman 呀!!!!可惜同唔到佢影相
但係我地叫個陣,佢好Nice同番我地揮手~~~




排到啦~~終於見到我地山腳第一間鬼屋啦~佢就係<全院嚇滿>故事以我地入場睇戲,但係比一種詭異力量扯進鬼片內,冤魂隨時現身奪命,需立即逃走。
由一入場就開始有位帶位先生叫我地準備入場,由於一進場就有d戲院位置,
有參加者就係度玩野扮坐底xdd即刻比帶位先生話~d位唔係你坐架xdd
入到去就開始準備比殺手隨時嚇啦~~今次呢間鬼屋小妹真係叫到七彩
因為除左呢間d 鬼鬼真係好嚇我,最重要係有個彊C陣~因為你真係唔知係人定公仔
最重要係我前面既參加者好玩得,佢連埋小妹個朋友一齊嚇我~
好似我明明見到佢攝埋d 位度,佢一彈出黎個野都好嚇小妹呀!!
同埋有一度,有個女仔訓左係張登度...前面的2位男仕都同我表示假架公仔黎架
點知.....當我一準備行過之際...個女仔彈左起身~攪到前面兩個女仔後面既女仔都比我既叫聲嚇到一起叫xdd 所以我認為呢個鬼屋真係必玩架~~
驚嚇度: ★ (5 ★為最驚嚇)  




玩完咁癲既鬼屋就當然要抖一抖睇下Show 先啦,
今次睇既Show 好互動架~因為唔係我地坐定定睇
而係大家坐係度又得,企係度又得~你仲可以跟住d主角周圍行tim




當然睇完呢個街頭劇之後,我地梗加要同紅爆老大街既蘇絲小姐合照一番啦




仲有靚女細孖仲有水手哥哥啦~~我覺得最辛苦都係蘇絲小姐,
佢真係做得超正又夠中氣~又夠攪笑~我真係有小小鐘意左佢

.


睇完show 就行下老大街~影下相(不過有D 相好離奇咁唔見左)
當然唔少得同D 鬼鬼影下相啦~不過呢隻鬼鬼唔知叫咩名


DSC_1941

呢隻豬肉佬~我早幾年都見過佢架啦~~點知今年又見番佢啵



豬肉佬阿媽~賣眼球婆婆~今年又見番你啦




仲有呢隻女鬼呢~佢好唔定架~叫佢同你影相永遠都唔彩你走左去既~



仲有串串貢既巴士鬼~~



玩完老大街就行番去排番頭先去唔到既"鬼魅冥婚大殿"開頭排呢間鬼屋我真係有D 驚架,因呢間係要分開男女咁行架~~不過當到我入去個陣真係驚嚇度好似少左好多,唔知係咪因為我已經嚇到傻左啦加上我都算企係最後個D既人~所以睇到前面既女仔已經比D 鬼叫到We 娃鬼叫~
到我既時候就已經唔會點嚇我啦~係有個新郎叫我留底做新娘啦xdd
同埋有個花橋入面既新娘真係幾恐怖~今次呢個驚嚇度對小妹唔算太驚啦
但係對於排係中間既美眉們~或者唔算唔驚架xdd
驚嚇度: ★ (5 ★為最驚嚇)  

出到去見到鬼新娘~但係新郎個張相唔見左>.<
朋友話叫新娘娶佢番去xdd 新娘話你問我相公娶唔娶你啦xdd



好啦....終於去搵到今年鬼屋最多人認為一定要玩既「5 D 地獄不歸路」

係正式入鬼屋之前如果你要排隊既話一定係期間係要進入一個有冷氣既房間走朗
係呢間房簡直係一個過冷河~同埋呢間房入面有不同既公仔~放心我地行咁耐冇人叫過
不過我地發覺佢走朗入面每間房呢,佢每個公仔都會有個按鈕,
男生們如果想嚇嚇身邊的女生等她抱抱你就走前按一按囉~~

當入到場之後,今次我地係行第一位呀,好興奮>w< 希望d 鬼鬼會走出黎嚇下我嗎xd
咁一進場,就係一個大酒店入面既堂咁樣~之後道士就會叫你向先人"菊公"~
朋友好衰咁向道士
"菊公"~但係人地都廢事理佢xdd
之後唔係一入場就要帶3D 眼鏡架~當然係遊下地獄咁啦~
行左大約5mins 左右就會去到有個位置,有工作人員會請你帶上3D 眼鏡
之後就開始周圍都係3D 影象,仲有個位置發出怪味,仲有一個地方會噴水~
我就幫我FD 食哂D 相,姊妹們~記得化妝要化個防水妝啦XDD
同埋有個位置係好窄好窄~只可以For 1個人行架咋~男仕們記得要有風度~自己行先啦
雖然我上年冇去過哈囉喂Party 作唔到比較~但係既然呢個鬼屋係話題之作,當然一定要去玩
驚嚇度: ★ (5 ★為最驚嚇)

最後最後一個鬼屋就係古墓凶靈,亦係我今年既哈囉喂最後一個鬼屋



我地遇到一個超好既鬼鬼~佢帶我地行員工通道由5D 行條直路就過去到呢間鬼屋唔係我地就要兜一個超大既圈先去到啦~不過鬼鬼叫我地唔好話比人知XD
但係有人見到我地入去,就跟住行過黎...嘻嘻~~

我地一共玩左2次~唔係因為太好玩而係第二次係冇人排隊~冇錯係冇人排隊XD
一入去到鬼屋就要做下熱身玩遊戲,就要分開2Part人啦~咁一Part就要搵寶物
一Part 就要將寶物放番係岩既地方~即使係你做唔做得掂都係入得到去鬼屋~
認真的呢間鬼屋唔算太驚,反而好多公仔係會有D 嚇親~蜘蛛網痴身同埋D 機關出黎~
大致上可能我已經嚇到唔識驚啦~~~
驚嚇度: ★ (5 ★為最驚嚇)  

玩哂所有鬼屋當然要同D 鬼鬼影下相啦啦~~有好多鬼鬼我幾年前黎已經有啦
好似圖一既兩位啦~~我仲可比左圖既男人拎住個舊野嚇親-口-




唔信我真係嚇親-口-有相有証據~呢個樣唔係扮出黎~我當時應該真係驚XDD


牛頭先生啦~點解唔見馬面先生既~


仲有迷彩仙子同紙札公仔~~


仲有好多鬼鬼我都就唔多介紹啦~~






今次小妹就介紹左今年海洋公園有咩鬼屋~又發表左小妹認為好唔好玩
當然可能我唔驚唔代表你唔驚~我好驚你又可能覺得冇料到,
不過每年OP 攪既Party 係香港黎講的確做得超好,加上今年既鬼鬼又好好
工作人員又超好~唔好以為我地優先場就唔多人,我玩當晚都超爆人~
但係進入時間就的確係快d 既,今次係小妹第一次玩哂所有鬼屋~
希望今次小妹既介紹可以幫到即將去既你,唔知去唔去玩既你,又或者你已經去左玩既你
小妹都希望你可以同我交流下你對今年鬼屋既感覺呀~~
其實當晚我唔止咁少相~我部相機又唔知做咩食左我好多相唔見左,
仲有我有位Blogger 朋友講左我知~山頂既鬼鬼有個好靚女架>w<
男生一定要留意搵唔搵到呢個靚女鬼鬼呀!!

希望各位今年去玩呢個哈囉喂,玩得開心,嚇到開心~癲到開心
Happy 
Halloween~~See You~~
希望小妹下年可以再去多一次優先場>w< 再為大家報導鬼屋啦~~

鬼屋夜場價錢:
夜場門票:$280
至尊門票:$480 – $550

輕量級門票:$180 – $210(可以入場同鬼鬼影相但係唔可以入鬼屋)

大學生門票:$238 – $276(點解大學生就平咁多-口-)




小妹專頁也開通了,喜歡我的文章給我一個Like 
可以更快知道小妹既近況同埋出文預告架~^^

     



◕‿◕歡迎聯絡小妹出席品牌活動‧邀稿試用



電郵: man_man811@yahoo.com.hk

【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...