2009年4月26日 星期日

我應唔應該.........辭職?

近日收到幾個同事離職既消息,

攪到我自己都好想唔做,或者叫做羊群心理卦?

但係朋友間都聽左我唔少次想唔做,想唔撈

都唔知講幾多十次,依然仲係呢間公司入面....

其實我一路唔走~當初就話為左份花紅,而家就係因為個市差唔敢走,...

有時係度諗,做得咁辛苦~都係為2餐

個阿頭又對自己爆衰~又偏心!

雖然佢係好幫我,唔係.....可能我一早已經比人炒左九世

但係佢所有做事方式我十分唔認同,

即係可能我膚淺~我覺得你要係老闆面前話自己幾叻

唔好搵我黎玩,我真係做唔掂

一個指引,一份會議紀錄足足做左成個復活節假

一個滅蟲報告攪到我晚晚番到屋企仲要做野,

為D咩?我連自己都唔知,

只係知每日我係十萬個唔想起身....

而家公司又轉哂制~個個月最少都開5次會

一假期前夕又做到傻~

一個月尾~永遠唔洗同Friend 出街食飯

一個星期六冇試過準備一點收工...

有時好想唔做,但係同媽咪講~佢一定話個市差到咁,點都挨住先

但係對住一班咁既同事,咁既上司~咁既老闆

有時真係做唔落去....

而家連msn 又唔敢開~Facebook 又唔敢留言,

咩都唔敢做....有時放假都要比阿頭打黎話改呢樣改個樣....



我而家真係十萬個想唔做,但係唔做又唔可以即時搵到份工,,,,

但係朋友叫我騎盧搵馬....但係我呢份工又點可能話請就請先得架

唉.....我而家都唔知應該唔做,直接咁搵工?

定係真係騎盧搵馬呢???
你地又有冇意見比下我呀?




2009年4月25日 星期六

最後的......牛頭角下村

終於終於可以去到影牛頭角下村啦~~


上星期同朋友仔傾開好想去影呢度,


話哂做左九龍灣咁耐,日日搭車番屋企都對住牛頭角下村8座


點都叫有d 感情既,就約左係今個星期6出黎啦


本身.....我已經預遲d 唔想朋友仔等我收工,但係世事永遠唔會好似我預計既一樣!


最後我要4點先出到去,即刻同朋友仔去食野啦!


都唔知係唔係因為就黎拆,D人D態度真係差到呢....


算啦,拿拿聲食完野就去Chap Chap Chap啦


影左好多好多既相,但係我今日既樣真係唔多得


但係好多謝朋友仔陪我狂影~又幫我影左好多相


一路影時,一路都好懷念舊陣時細細個既回憶


好似小學既跳飛機呀,


偷雞上左樓既相....真係好值得回味~~仲之一個字正!!!


最攪笑係我對鞋勁嘈~仲比朋友仔話點解你對鞋可以咁嘈架:p


都好多謝朋友仔專登出黎陪我影相!!!


今次都好開心呀>w<


相係哂Facebook度~~因為我太懶既關係唔放咁多係度啦~


 








呢檔就係係Open Rice 出哂名既雞蛋仔~不過我地冇試度~因為條龍實在太太太長啦...



人地唔知以為拎簽名....


明年情人節撞年初一


(星島日報    報道)明年的公眾假期將有多個連放多天的「黃金周」出現!勞工處 公布,明年農曆新年將可連放四天而復活節其中一日與清明節重疊,結果翌日再補一日,即可連放五天,如果再請三日假,便可連放十日假,足以去一趟歐洲旅行,對打工仔來說是難得「好用」的假期。不過明年的情人節撞正農曆年初一,有花店擔心市民放假或外遊,影響鮮花銷情。


  勞工處昨日公布明年的公眾假期,除了平時的星期日為法定假期,另有十七日公眾假期。由於明年不少節慶公眾假期,都與星期日重疊,所以要安排補假,變相令假期「延長」,市民計畫明年假期時,就變得更好用。以農新年為例,由於明年的農曆年初一適逢在星期日,所以將年初一前一天的農曆年三十,訂為增補公眾假期,可以連放四日。


  復活節假期亦由四月二日星期五開始,到四月五日星期一,但由於四月五日亦是清明節,撞正復活節假期,所以翌日亦增訂為清明節翌日補假,市民就有一連五天短假期。如果公司屬五天工作,只要另請三日假期,就和與星期六和日串連起來,足足有十日假期,變成一個長假。而聖誕節亦有三天連續假期。


  有旅行社 預期,明年復活節有五天假期,可望吸引更多市民外遊。新華旅遊業務發展助理總經理陳鴻昌表示,由於今年復活節的曼谷    團深受「紅衫軍」打擊,期望明年復活節有更多市民旅遊,「如果復活節加清明至少五日,又可變成十日,旅行社會宣傳去利用這假期去兩個短途行程,或一個長途旅行。」


  他指,要視乎航空公司票價會否回落,如果有優惠,五至六千元可報八至十天歐洲團,相信有一定吸引力。康泰旅行社    副經理陳建鵬說,明年復活節一定是東南亞旅行最熱門,只擔心航空公司乘機加價影響報團。


  對情人而言,明年的情人節可能不夠浪漫。因為大年初一「撞正」二月十四日情人節,花店負責人賴先生笑言,千萬不要「慳皮」將年花送女友當作應節。


  他擔心:「除了花店人手應付不到同時買年花和情人節花束的定單,公司放假及市民外遊,亦影響情人節訂花銷情,估至定單可能減少一成至一成半,令情人節花價更貴!」


 


岩岩上網睇到Yahoo 呢單新聞,即係第一時間我一定要搵一份~放假前唔會ot到爆既工....一定要一定要,唉...幾時先可以唔做呢份工..呀-.-


2009年4月15日 星期三

一次小小的飯局...

頭先打呢篇Blog 既時候....


係度諗打咩標題好,其實又唔係想特別記住d咩野,只係唔想比人話事記xdd


近日同左個識左好耐既朋友食飯,同佢識左好耐足足....唔....都好似有7年啦~


原來Keep 住一段友誼比Keep 住一段感情更難,


七年入面我地有地反過面,又試過好Close ...


但係呢七年唔易過架,我都好感謝佢係呢七年~曾經係我最唔開心既時間陪住我既,


呢一次飯局,原先都打算係問佢借我想睇個套漫畫~話借~都借足一年:p


冇計~當我得閒既時候佢唔得閒,當大家都有時候,又鬧大交~哈哈~足足一年~我先可以拎套死亡筆記番屋企睇:p


但係估唔到一樣野就係~今次見面竟然有禮物收哈哈~識足佢七年~我只係收佢一份生日禮物:p~我仲成日炸佢形~話識足你咁耐~只係得一份生日禮物~嘻~不過朋友之間冇計既,或者人大左梗係唔會特別想收到生日禮物...因為話比自己知又大一歲啦嗎!


今次佢送比我係而家都幾Hit既酒樽傘~佢送左2把比我,佢話我咁大頭蝦一轉袋用就一定唔記得拎番把傘~比我放一把係公司,一把自己袋係袋 ~哈~估唔到我真係公認既大頭蝦!佢都估到我一轉袋就會唔記得!


講得冇錯,我一轉袋我只會記得拎銀包同八達通~紙巾呀,傘呀~就會放番係原袋~好似琴日咁一落雨~我就冇傘用啦XDD


唔.....我就係咁,我覺得人地送野比我一定係有D唔對話,由其係一D 之前唔送野,突然送野比我個D :P ,拿~唔好亂諗衰野呀~我只係會覺得佢買左比人地唔要先送比我XDD哈哈~好衰呀~諗得!!不過Anyway 我都好多謝你呢份心意比我呢個大頭蝦,亦好多謝你咁了解我啦~~~Thank you So Much~My Friend!!!



IrIS~我冇影到佢送比我2把係咩樣.....


但係就係咁既款....


 


2009年4月13日 星期一

日記變了事記......

真係好耐好耐..都冇打過Blog,

仲要比位朋友話你個Blog 變左事記啦xdd

回想一下又真係,而家每日都好似好忙,好多野做

已經好似冇咩野想打落去咁....

原先打算係復活假會打日記....

但係又要趕份會議紀錄,又要做番份指引.....

又要出街玩喎,個人又懶既關係啦!

所以就冇打到啦....

講番我呢幾日假去左邊先~

第一日~原先都打算係屋企乖乖地咁做功課,

點知比朋友仔叫我出去唱K~

就係2條女唱Happy Hour!

咁就冇左百三蚊啦...

唱完k~我番到屋企又好比心機去做番份會議議程

第二日就準時咁交功課啦....

又玩下電腦咁啦~無無聊聊又係夜晚先走去開夜車...

第三日.....開完夜車就走去踩單車啦...

Wa~今次好急....三粒鐘入面要來回大埔同沙田...

但係今次一d都唔好踩太多人啦,

係咁撞車....係咁窒車.....真係有d 恐怖....

踩到差唔多到大埔個陣~竟然竟然....我望一個人好熟面口

好熟好熟....咁似一個人既....真係咁似....

原來真係Feon 呀,真係咁有緣先得架....

咁耐冇見,咁都可以係咁多人既時候見到先得架,

不過係見唔到七七,有d失望xdd

踩完單車真係有d腳軟....或者今次比上次用力左...

之後上去Join Gym 既課程,

原先要麻煩RX幫我手既,但係朋友仔話佢幫手~就冇叫rx 啦

但係RX 下次你做既時候睇下我放唔放早啦:P

跟身佢地話落去"6 Ling"腳仔都軟咁濟...

加上我唔識~最後我同3個人又落左去唱k

哈哈~又去唱啦~~~

最後~既結果咪就係隻腳就足足痛到一晚...

申直就完全係痛.....

琴晚係有生以來痛到訓唔到.....都係第一次

今日就比個fd 嘈醒陪佢出去食飯....

wor....好彩腳唔痛...唔係都唔知點陪佢行街...

但係條腰就到想死咁...

我fd 仲笑我....人肥係負重多d....

哼....我一定會做成績出黎既...



【保養】轉季補濕必備之物 ◕‿◕韓國貴婦Gobdigoun 山羊乳系列 ♪゚

韓風,由KPOP 文化到衣著同Skincare  真係係香港都買到不少由韓國引入既產品 有時覺得居於香港是件幸福事, 起碼我地想試不同國家既野,由其是美妝 加上網購既興起,真係遠在韓國既產品亦可以在網絡上購買 然而次小妹想介紹既產品,它自韓國 但...