2007年7月29日 星期日

幸福的感覺.....

望望個鐘....零晨1:19.....本應是在睡夢中與周公子談心中....

可是...睡魔不給我享受這1點幸福..不過也好...可給我有時間完成我突然所有既感覺講出黎


今日睇左好多個blog...好多將會結婚既人既blog.....

睇到好多婚紗相....睇到好多好sweet既感覺....

令我突然都好想結婚...好想1嘗做新娘的滋味....好想當1下女主角....

回想....曾經有位男子對我說過....我很想你是我將來的新娘...我好想同你有個家庭...

我曾經是這麼幸福過....可惜我沒珍惜這個給我幸福的人...

記得我和他說過.....我地既結婚相1定要去台灣影......可惜...我想幻滅了...

我明白幸福不是必然.....但我會珍惜我現在擁有的1切...

今天都蠻特別....本應想靜靜的...在家...

突然收到1個來電.....突然的外去.....我見番4年冇見既阿哥....

多驚喜的感覺....當見到他的時候....即使輕輕的擁抱...我也有想哭的感覺...

哥送了1對play boy 耳環給我...雖然我對這對耳環有點保留xdd

可是哥送的...1定喜歡

但是當看到另1位手上...我就有點悶悶不落了...

可是....3人行....始終有點悶....

後來加了2個....亦變了5人行....

看了那對情侶.....很想念那個他...

再看看我哥與他的舊女友....突然我覺得自己變了局外人....

感覺有點難受....真的有種自私的感覺..我想獨佔哥哥...

8點回家....蠻早的回家時間....

想與哥合照...可是他的時差太大了....完全沒有理我的反應...

放棄了....何時才能獨佔哥哥1整天?

我想機會好少...番來1個月....要陪女友..陪家人...還要去埋台北...

我也只能有星期6,日的時間可以外出...

突然覺得自己很自私....難道是獅子座的特性嗎?哈...

不過他回來....已經令我感動...

我何時才懂得不自私...還懂得珍惜真心愛我既人?

2007年7月23日 星期一

開吉大吉..

我今日第1次番工la...
神早7點起身....但係琴晚訓得1d都唔好...
今朝勁唔想起身...
7點半出門口...落到去車站
走左架...277x ....不過都係冇位...上左架70x....粉嶺去太和都用半粒鐘...
落車..差唔多8:50...勁趕番...
落到工業區...又比人狂點...
上到公司....塊面紅過隻豬....
真係好哂好熱....
上午....冇野做...
下午...做到夜晚8點先收工...
收工都係比人點....
8點半先到車站
9點2先番到屋企....
咁既.....第1天

2007年7月22日 星期日

【惡作劇之吻】 VS 《惡魔在身邊》

經過我通宵1晚後....終於我睇哂成套【惡作劇之吻】
真係睇到眼都突...最尾都唔錯...
但係其實係咪好多台劇D 戲情都1樣?
首先..."惡作劇"同"惡魔"又係1開始比情信..
第2..個女角好鐘意發白日夢
第3...又無端端同居
第4...又係男女主角各有追求者
第5....個男角永遠係最後都係愛上女角
第6.....男主角永遠殺出1個....屋企迫要既異性
第7....永遠都係落雨個陣..Kiss...
睇完成套再諗下...以上7點..大家覺得我諗得岩唔岩?
不過我好欣賞....那個阿金....佢令我喊
5年la...等足5年....咩野都得唔到...
佢好努力...但係等唔到什麼回報...
好慘...但係其實佢好靚仔>w<
哈~最後既婚禮好攪笑...笑到我死...


2007年7月20日 星期五

雙喜臨門

7月20日真係1日好日子....
我媽咪生日...
加上....我終於搵到野做la
經過2星期係屋企百無了賴的係屋企....
終於....我可以番工...做番我既OL生活
雖然係遠D ..但係都好呀...
係1個幾集團既公司....叫"史偉沙"
夜晚落左...大埔同媽咪食和民
6個野食...2個飯....300蚊有找....都幾抵....
食完野...落左表妹屋企睇TV...
番到屋企依然.....睇惡作劇之吻....
喔....肚子很不舒服耶...

2007年7月19日 星期四

惡作劇之吻~~

近來無記播緊惡作劇之吻...我睇第1集..我完全唔覺得佢好睇...
當有1次同我表妹傾電的時候~佢狂講呢套野好好睇呀...
但係我有時夜訓左...跟住追唔切套野...
最後我都決定DL 哂成套野黎睇...
而家睇到第6集...都算係8痴無聊帶點好笑吧
真係唔明點解d 台劇永遠都係...男主角永遠都很帥帥的...女主角永遠都傻傻蠢蠢的...
雖然我只看過2套台劇...呢套同惡魔在身邊
而家仲dl埋白色巨塔...希望....可以未睇哂呢d野之前可以搵到野做啦....
每天也是悶悶的....
聽日又見工la.....又係觀塘


2007年7月17日 星期二

最開心既消息.....

今日又不無了賴的係屋企....
dl 左好多野睇....成套"惡作劇之吻","校墓處"同刺青...
睇睇下既時候...收到個電話叫我番工,不過我唔想番個份...
最後講左個大話~我話我搵到份工做..
坐坐下..收到個朋友電話同佢傾左1陣..佢都贊成我唔番呢份工
始終人工係唔錯...但係太遠加上福利太差...
星期日要輪番工...放銀行假...但係唔會放足..星期1,4 1定要ot ...有咩意思...
睇左1陣戲...又收到個電話....我阿哥打黎....傾番琴日見工and 同阿武d野...
傾傾下..又有電話...叫我見工...有希望啵
再傾傾下...我阿哥...突然好認真同我講...阿妹呀..
(當時我以為佢同我講我有電話1陣call你,當時仲諗住答佢好呀!)
我...如果我話我今年番黎陪我過生日...好唔好呀?
我聽到...我呆左...
我好興奮咁問佢...真架?係咪架..講真架?
咁你出年仲番唔番黎?1口氣講左好多野....
阿哥都唔知點答我好太開心啦..等左佢番黎...4年la..
18歲個年...好期待佢番黎陪我過18歲既生日...
可惜佢番唔到黎...好失落..
19歲個年...佢都話會番黎..可惜最後都冇番...
個時佢話我21歲既時候...佢1定番黎陪我....
今次唔會反口..至從過完19歲生日後...
我好期待我21歲既生日..因為我阿哥會番黎陪我過...
今年我20歲啦....二字頭既生日...收到既最好禮物...就係阿哥番黎..好開心呀!!!
我話我1定要同佢影勁多勁多既相...同佢出番好多好多既街...
我地識左都1樣5年..1張相都冇影過...
哈..佢話當初識我個陣同而家既我真係變左好多...
傾傾下...又有多1份工叫我見..
好開心咁傾左1個鐘...我就睇埋套戲..
好期待阿哥番黎既1日....

2007年7月12日 星期四

過客

每個人的生命中,總是充斥著不同的過客,
他們以不同的形式劃過我們的軌跡.
有些,會成為我們一生的好友;
有些,我們終此一生也不會再記起;
但有些,此生也忘記不了,
即使他像流星般劃過你的腦中......

其實每個人都是過客,分別只在逗留時間的長短.
你在我生命中存在過幾個月,
留下的也許是你對某事情的看法,或是你漸漸模糊的面貌,
但不久以後你也會給其他過客的喧嘩蓋過了.
某些人可能從此就在你生命中靜靜的消失掉,
他不再是你生命中重要的人,
你也不必再思考對他有甚麼深厚的感情.
但今天假若你還沒有忘記某些人,
表面上他雖是過客,但在你的一生思潮上並非過客.

要感謝身邊每一位,
在我自怨自挨的時候,是你們提醒我今天所擁有的恩賜.
當在人生的谷底的時候,是你們帶我到再創高峰,
讓我再次看到耀眼我驕陽;
當我對前路感到絕望,是你們幫助我,
捱過一次又一次命運不懷好意的玩笑.
其實眼淚和歡笑是可以並存的,痛苦和幸福也是一樣!

今日係其他blod友中睇到呢篇野...

又偷回來耶:p

原來1對好朋友...真係好難做到情侶

記得同他說過我地真係1對好活生生既例子

人地話男同女好難做好朋友...我地咪1樣做到....個陣我記得我只係笑左1笑...

可惜此情不在...我地真係做唔番好似之前咁la

或者他是我人生中的1個過客...但1定是1個重要的過客...

回想...我曾有1個很愛很愛的男孩

那時多少朋友說放棄他吧...他不是真的愛你..

可是我1句也沒聽入耳....1年2年3年....我同佢1齊左3年半.....最後我很決絕的分手...

無聲無色的分手了....朋友們也很驚訝...

1個小烏依人...沒男友好像沒了世界1樣的...

怎會....和他的...分手了

可是.....小魔怪始終會大的....我也信...我不想活在1個恐怖世界裡面

不想再每天也要懷著著戰戰兢兢的心情...

每天聽著以下的說話做人

怕有1天他會發皮4說要離開我~

怕有1天他說你減肥不成功..我放棄你了

怕有1天你說...你的媽也不喜歡我的...分手吧

最後....放棄了....他卻不死心...

像1隻怨鬼....不斷不斷的找尋我...

最後...他找到1個真愛吧

而他找到的真愛是中學的朋友吧

真可笑....

希望他們真的可以快樂

而我亦希望我的過客找尋真愛吧...

 


見工




琴日走去見工....神早9:15要起身整野....但前1晚竟然訓唔到著4點幾先訓...

著著套咁既3去見工.....除左冇著C 物之外~~

真係會熱死加隻腳痛死...

由粉嶺搭車去到城隧換車落葵芳再搭小巴落葵盛西....

落車仲要搵條路~去第1份見工個度已經哂左個半鐘...

1坐底填From d汗仲要狂流....d妝都差唔多溶哂

-口-....見左半粒鐘就走左...真係請都唔做....d時間完全唔係人番既

之後落左荃灣搵個份工~~搵左成粒鐘....搵唔到-.-

路痴果然係我...d汗狂流....

最後放棄.....去左見粉嶺個份.....好快見工....都係等通知

見哂d 工番去即沖涼....熱得救命....

12點末夠就訓...真係好攰

今朝醒左3次....頭痛到唔想起身

食左必利痛先好少少...

又係不斷sd cv 出去....

同個舊同事傾計時~話M記個個公仔蛋~可以成套買...

即刻上M記個網睇

280 蚊包1套12隻旦旦同2隻特別版...仲有部旦機...

加埋12張M記 10蚊現金

好似幾貴...160買成套咁...

但係好Cute 我之前係雜誌睇過..個陣又唔係咁衝動想要

出去先決定xdd

2007年7月9日 星期一

假如戀愛只有3個月....你會去試嗎?

今日睇其他bolg友既時候睇到有1個問題比其他bolg 友討論


嘻...我也偷來同大家討論下la~~


當睇到呢個Topic...我就諗好多野...


如果真係得3個月...我或者都會去試...


或者叫1齊過開心過嗎....


但係同時間我又問自己....點解我同武..不可以呢?


或者我怕失去....1個會令我怕失去的....


1個的好朋友...他是如此重要...


雖然我都唔想我既戀愛道路只有3個月...


但係如果....3個入面都係開心既....我覺得3個月也很足夠...


喜歡的  不需要說出口    留在心中     已經足夠....


突然諗到呢句野xdd


唔知係咪冇野做既人....係多d野諗呢?


哈~~大家黎討論吧...


2007年7月8日 星期日

感覺很累人....

這個世界..什麼都是掩眼法...

你看到的未必是真..

真的.你又未必會看得到..

今日又再1次睇番十分愛.....

先發覺我1路都係做緊森美既角色....

雖然我會喜歡第2個....但係最想念卻是最愛我的那1位...

題外話.....請問有冇blog友去過台灣影婚沙相...

想問大約的價錢係點計?

send番黎hk...又點計...


【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...