2008年3月31日 星期一

觀塘半日遊

星期6係我一星期最開心既一既一日


今個星期6,,,我就約左同事去左食佢地講到好好味既『譚仔記雲南米線』


本應一點就收工,,,等下呢個等下個個攪攪下都成2點收工(原本都話買外賣比張太)


出到KW 都成2點半,,,等埋位都等左,,,,差不多4個字,,,


足足3點幾先可以坐底,,仲要坐到呢,,,夾心餅咁


雖然真係幾好食,,,但係D 乍漿太辣啦,,,我根本食唔到,,,,


但係個土匪雞翼都好好食,,,,,,雖然5蚊隻:P


食完米線去左拎眼鏡,,,,一帶好似暈遊太空,,,再帶好似帶左放大鏡


完全唔多掂,,,,跟住同左Yuky食野


跟住行多陣APM,,,,,,,就回家啦


2008年3月28日 星期五

Happy Birthday to MeMe~

我的朋友Meme今日生日,,,,係度我要講句,,,,

Happy Birthday


我希望你日日都開開心心,,,,

同男友可以開花結果,,,,

升職加薪,,,媽咪唔會成日唔開心!!!

雖然我冇準備
送比你,,,,

但係我真的好希望你的生日會快樂

2008年3月27日 星期四

Y! BlOg 的引誘

本身識我既人都知道我月尾係超級唔得閒,,莫講可以準時收工,連朋友仔約我食飯都冇可能應承,,,,如果再加上假期前夕或者後...我仲慘.....因為我地要處理番假期後番黎既野啦,又要入Data啦...今期仲要打埋電話問清明個日做唔做到服務....

咁3樣一齊黎....就要分工合作啦,,,,,,我就分左入Data 個個...有睇我琴日篇日記既朋友都知道我琴日有d 唔多妥,,,幸好今朝都冇咩事,,,,但係睇見埋Data 我就頭痛啦......

咁當我做哂每日要做既工作之後就開始坐定定入Data ,,,,,當我入到第二份既時候,,,,我已經.....開去開Web Site ,,,太悶啦實在!!!!不斷咁對住成版數字英文字.....不斷的Check,Cleck......對眼好攰....唯有開下Y!Blog Relx 下啦......呢個行動梗係要偷雞去做啦....而家我都放慢手腳去打,,,,,唔係我真係會訓著

打幾份玩一陣打幾份玩一陣就咁過左我既Data 時間\

岩岩出左電郵我係下下星期5放半Day ,,,,,YO,,,,等左好耐啦,,,等我諗下可唔可叫大肥陪我一齊放假.....一齊去赤柱,,,,見到Cindy 影左d 咁靚既相番黎我都想去呀>w<





2008年3月26日 星期三

放假侯群証???

都番左第三日工啦.....

都唔知點解好似一日攰過一日

假期後比假期前仲辛苦唉.......

個人軟賴賴咁.....雖然都係12點訓教...

但係之前都係呢D 時間訓教架唧....

攰到個人冇力做野...好想休息....

仲要等多2日.....

琴日收到個SMS,真的比他嚇親

好多野都好突然....

但係做朋友既,你要我幫你

我幫到一定幫.....

********************************

今日我係公司有2個好攪笑既事件,,,,,

我諗講比大家笑一笑!!!

1ST) 今日我係公司去廁所個陣,(公司廁所有3格)

我如常咁去廁所啦...我去左第一格

當我去緊既時候,,,,,突然係突然......

我聽到有把聲,,,,佢係....唔..唔..唔 ,,,喂喂喂....係

嘩...真係心到離埋.....咩事呀?廁所唔係冇人架咩

我就好快快趣走出黎去望....

原來第3格有人用緊仲講緊電話....

真係嚇死人架...

********************************

2) 今日有個外勤問我,阿祥係咪冇做呀?

點解我咁耐都冇見過佢既?

我問邊個阿祥呀?(好苦惱咁諗緊邊個外勤叫阿祥)

當我諗到一個外勤個名係有個祥字...

我就話係W X 祥呀?

同事就話唔係....咁佢對面個人就係咁笑

我都好奇...佢笑D 咩?

佢話個個祥仔呢....我諗邊個祥仔呀?

我突然間...叮一聲...

哦...係咪S X 祥呀!!?

佢話係呀....我:係呀佢冇做...

當我轉個頭再諗諗.....

頭先問我個個同事咪係W X 祥

我之後走去問番個個同事,你咪係W X祥囉

唉唷....我做咩話你係唔做個個....

佢對面個個仲笑得勁大聲,.,,,

真係好樣衰!!!!!

********************************





2008年3月25日 星期二

菲菲帶你去澳門




首先我地要搭火車去尖咀....



上電梯去出閘......



由菲菲介紹我地去邊度落車.....就係中港城....



我又要飲Coffee ,(菲菲你得唔得架?)



我地要上船啦.....但係好大雨咩都睇唔到....



去澳門要填呢d 紙架....記住唔好唔見呀!!!!



我同個水晶燈邊個靚d呀xdd




我地去左金悅軒......



我飲Tea....唔飲Coffee....


2008年3月24日 星期一

大野先生與迪迪仔

今朝番工已經超級唔願意起身,又加上屋企附近刨緊路點都要走前一個站上車

見到條人龍真係前所未見咁長呀!!!!真係有d 嚇親...

為左安全起見我決定唔理有冇位坐....有車就照上...唔係就真係遲大到啦

好彩最後都比我上到車但係就好迫好辛苦囉.....

仲要兜遠幾多先可以出到去公路....

冇得訓就聽收音機...

通常我都係番工訓唔著時聽...

最愛每朝番工聽.....在晴朗的一天出發....

有時3位主持講既野真係好攪笑

有幾次我係巴士聽聽下係度笑....攪到幾個人望住....勁監介呀!!!

但係又真係好抵死....

今朝如常咁聽收音機既時候....

聽到大野先生同迪迪仔既幾分鐘既短劇

今日大野先生問迪迪仔...復活節係迎接d咩呀?

迪迪話係食復活蛋;大野先生就話成日排住食你都變左隻蛋啦

我再問多你一次復活節係迎接d咩?

迪迪仔就.......諗諗諗左一陣就答.....迎接復活

大野先生就話你就復活....係迎接死亡呀!個個放完假番黎都好似個彊C 咁..

行屍走肉....踢一踢郁一郁....

迪迪仔就哦左一聲...大野先生:連你都變埋彊C  仔啦

迪迪仔就話我幾時變左架....大野:你而家咪變左囉...踢一踢郁一郁...

以前內容我係憑小量記憶去打架.....如有錯誤/補充,歡迎指教

點解我會打呢篇出黎....係因為我都覺得今日自己好行屍走肉....

我都好似變左隻彊C 妹啦XDD

好辛苦呀!!!可唔可以放假呀.....

復活假期--第四天

轉眼間.....復活節假期又係時候要完結....

永遠放假都係比番工開心d 既.....

今日訓到差唔多12點起身.....Hea 左一陣落左搵大肥食飯

食完飯上番黎打Blog.......

但係我依然好想放假....好怕番黎d 卡d 呀!d Repoct呀!!!真係Oh My God....

但係辛苦過係開心既就算數啦........

今日要介紹一下我個新寵兒....妹妹幫我同佢改名....叫做菲菲...




雖然咁大個人仲玩公仔仲真係幾低能但係又唔知點解向來我係對b囡冇咩興趣

但係有次同大肥行街見到佢我就愛上.....

就比我低能下啦....做人要有童真嗎xdd



2008年3月23日 星期日

復活假期--第三天 澳門之旅(下)

Day 2 氹仔→威尼斯人→漁人碼頭→媽閣廟→大三巴→手信街→氹仔→港澳碼頭→上環→旺角→粉嶺

或者真係唔係自己地頭既問題,我七點幾已經聽到Dad & Mum 係度講野,跟住係度訓...訓訓下突然媽咪按鐘因為佢開唔到對門....

等Mum做左一輪家務,我就搭的士去威尼斯人,Mum都係冒名而黎...我就覺得唔係真係太特別,,,,,,,又唔係真係特別靚....到左行入少少已經又比人Check Id Care....唉.....算數....













行左一轉去左其他地方行....周圍d 環境好外國Feel 但係都係名店......去親賭場都要Check...真係冇咩心機入去...

行左一陣我都冇咩心機再睇因為係冇野睇,.,,,,,

跟住搭接駁巴去碼頭再行去漁人碼頭.....雖然都幾大個....但係都冇我想象中咁好睇加上又落雨呢....影相又麻煩....唉,,,,行左一陣Dad 打電過黎...話幫我地買緊船飛....得番下午3點幾4點同埋夜晚12:51 分既船....下....媽咪咩都未買咩都未去點可以3點幾走.....最後都係揀左一點船......-口-
















行完漁人碼頭又搭番接駁巴去永利搵Dad ...等左Dad 好耐都冇電話到,媽咪帶我去食野.....搵左好耐先搵到間岩食既.....但係又係態度差,d 價錢貴到你諗唔到既,食個蘭州拉麵,28蚊個牛肉拉麵...得4塊.....媽咪個豬肚拉麵,硬到咬都咬唔到....都要35蚊.....媽咪諗住話比我知d 澳門錢係咩樣....個個人又以為我地比錢....即刻企係我地隔離....唔比錢都唔得啦.....之後去埋行星際睇埋Show....又入賭場.....個個人話阿妹你個樣都幾細估唔到你係咁既歲數....算咩喎...即係我好大咩:p




最後都係打比Dad ...原來佢都唔得閒陪我地....最後我地去媽閣廟,到此一遊過又走去海防博物館....




跟住Dad 打黎話佢收工可以陪我地去行大三巴...我地即刻搭巴士去大三巴...一落車見到好多人排隊買牛雜,媽咪就話去試下...點知一試都係麻麻地唧.....跟住就左搵右搵去搵大三巴...一路行一路見到好多人買手信....媽咪又話想食葡撻,但係都要忍住去搵左Dad 先....費時佢發脾氣....去到就影左幾張到此一遊既相就去買手信....試下呢樣試下個樣....咁就買左二百幾蚊手信....跟住去左食雙皮奶....又真係唔錯....但係都幾貴呀!!!!跟住搵巴士去番星際拎野跟住搭的士番Dad 屋企....因為太夜船啦....一定要去Dad 度Hea 陣先去食飯......完全過份65 蚊份餐+88蚊份餐冇湯冇野飲...真係救哂命......咩餐廳黎架.....又唔好食...上番去睇早熟.....睇到就完時...Dad 係咁叫我地走...我知佢唔舒服但係又想陪住我地.....可惜攪到媽咪好冇隱.....最後11點40分已經去到港澳碼頭......坐坐坐坐.....最終都係要搭12:51 分班船,.....一上船訓到我死....一落船又要係咁衝去搭小巴落mk,,,,,最後又去搭小巴番粉嶺.....最後真係3點3先可以搵到屋企訓教.....但係媽咪星期一仲要番工.....真係難為了媽媽啦



2008年3月22日 星期六

復活假期--第二天 澳門之旅(上)

Day 1 粉嶺→尖咀中港城→澳門→拱北→氹仔

今日一朝早就比媽咪嘈醒(其實都成9點幾架啦)拖住唔願意起身既身驅

一步一步咁去刷牙洗面換衫,一路係度叫好攰好攰.....

阿媽就話你係咪唔想去澳門,就唔出門口買唔到船飛啦....

無錯....我既假期既特備節目就係去澳門....我咁多個女真係未去過澳門架

你話死唔死....準時九點九出門口...十點去美心MX食早餐

準時十一點去到尖咀中港城.....但係.....冇船飛賣?

有都要兩點九...無計啦...唔通唔去咩?

唯有買左兩點九船飛,打比老豆講聲...

真係早知買定船飛啦.....(有早知就無黑衣啦)

百無了賴咁行尖咀....帶媽咪去行Gucci....新出d 款唔太吸引

見番大肥之後送比我條belt ,又望下而家個銀包....

行完Gucci 去左Sogo 睇完一輪...去左食朋友仔話好好食既"麵藏"

可惜我覺我有d 比人呃左既感覺....我一d 都唔覺得好食....叉燒一挾即散....

d 湯咸到我不斷飲水.....攪到我成碗麵都係食左拉麵咋老闆....

行到咁上下.....過番中港城上船......臨行下前走左去買杯朱力Coffee







但係可惜架船好搖....上船冇耐我已經好想嘔...

捱左個幾鐘終於落船.....爆辛苦-口-....

落左船就搭永利賭場接駁巴士去永利賭場搵Dad ....

一落車....有d 覺得Dad 好勁...可以起到呢個咁既賭場....

一入到賭場就已經比頭頂既十二生肖圖......但係我搵極都搵唔到兔仔係邊

當Dad係工場偷雞出黎搵我地個陣....佢陪我地睇埋個吉祥樹Show....

我一路睇佢一路介紹....個水晶燈成八顿重呀!

個十二生肖每個每個跟住個圖切上去呀每個都好重呀,

個樹d 燈又要安得好好呀!仲之佢介紹我就覺得我Dad 好勁....

當我問Dad 點解我見唔到兔仔個陣,佢竟然答我......乜有兔仔架咩,,,?

我唔出聲....媽咪就話佢咪係兔仔囉....但係Dad & Mum 睇到我就偏偏搵唔到....







當Dad 去番做野個陣...我同媽咪去行賭場....入賭場前可以行一行一條名店街...

你講得出既名牌呢度都有...Gucci,LV,Dior,,,,,呢d 一定唔少得啦...







當一入賭場個陣已經有人問我拎ID Care...Oh My Gold...我今年都就21啦....仲要問人地拎ID Care...我知上次有個唔夠秤既女仔重左獎而冇人發覺;但係我估我都唔會唔似過18卦...不過都証明我仲後生XDDD

睇完人地玩大細....玩到心都寒埋....一係連續咁全部大,一係就連續細...一係就隔住隔住隔住.....我見D 好豪幾千幾千咁買....一輸就乜都冇.....

行左一輪出係搵番Mum...但係我唔見佢...又周圍搵佢....係一間賭場搵人真係好難...地方又大又多人.....真係救哂命好彩最後都到搵...唔係都唔知點死呀!!!!










(OK啵...扮到Q小姐喎XDD)

出番去Join 番Dad...個番工樣仲收工樣真係唔同d....岩岩又有吉祥樹Show 點都睇多次先走.....

跟住拎左個行李去左搭車去拱北食飯.......但係唔去好過....

仲慘過係羅湖過關.....又多人又空氣唔好....又有人偷野你都唔好話唔驚...




過左半粒鐘...終於過左關.....去左食飯.....今次地點係泰悅軒

個大堂位靚到好似酒店咁.....又有人比茶你飲.....




上到去d 野食真係好吸引....

我地3個人叫左5個"食送"食到飽哂......真係好好味呀!!!!!

首先冷盤有翡翠螺.....好味到......都係58蚊人仔

之後上左唔知咩茄子.....我唔食所以唔知正唔正....媽咪就話好好食...

跟住黎左個雞...係走地雞.....肉又嫩d汁又正....雖然d油真係多左d 唔係我都飲...:p

跟住黎個津白....原本我都係唔食...最後Dad 要我食....都唔錯啵...個湯呢...好味到...嘩~我直情"北"黎飲.......最後原本仲有山東羊架....但係隻羊未捉到xdd 冇得食...比我換左個雪蛤賽蟧蟹....嘩.....又係好好好好好食......都係38蚊人仔..







最後我就去去廁所.....慣性既工作病就係睇人地d 廁所乾唔乾淨....點知一睇....自己公司個名...:p 好興奮呀!!!xdd 竟然咁都比我見到xddd

媽咪話我真係有d 問題....

食飽飽個薄餅仲未得......吹左都有十幾次.....最後好趕咁去左口岸附近既按摩場按摩.....由於媽媽太攰.....我地就捨命陪君子......我按腳都按到我想死咁...佢幫我表頸,我就呢度痛個度痛.....Dad 就話叫你唔好日日坐係屋企玩電腦架啦.....唉唷....我收工番到屋企只會坐係Sofa 唔會係電腦前面....即係係都一粒鐘時間.....按摩姐姐話我過份操勞....條腰d 肉都好硬.....

十一點四Dad 要我急急的走....因為怕過唔到關番去澳門.....

十一點終於過度關番到去澳門再搭巴士去Dad 屋企.....真係好大呀!!!!!

2個大男人住呢間屋會唔會有d 哂左呢?

沖完涼....洗左頭但係冇風筒....唯有白坐係度等乾.....

訓張床太矮又硬攪左好耐先訓得著.....唔知個人係咪好冇安全感...

當自己離開一個唔係自己熟悉既地方我就不自主咁想喊想喊出黎....

唔知幾點就訓著左.....











【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...