2009年1月4日 星期日

1件奇異的事件.......@ 3/1/09

係上個星期6晚,因為我等食飯個陣訓左2粒教!攪到夜晚就眼光光咁!

當我自己見又訓唔著,我又唔想拎部機出黎既時候,我決定去睇阿妹既小說,

點知揀左幾本,好似唔多岩睇,岩睇個陣我又睇左....

最後我決定睇左1本叫...."XXXXX"既靈異小說,

當我熄哂大燈,開個『木台』燈睇訓係張床度小說(真係唔好學我咁睇書,好傷眼)

開頭睇都唔覺有咩事.....

當個鐘搭正一點既時候響左一次,

我仲係度心諗......咦,咁快就1點,我1半都未睇哂...

當我再睇,內容開始好緊張呀......

突然係點半個陣,我突然聽到好整齊既疑似操兵聲,唔....應該話係Chap Chap Chap ,但係好有節奏,但係就冇操兵咁大聲!開頭我以為係廁所發出黎既怪聲....我就帶住驚驚地既心情,拿拿聲聲關左對門,點知番番張床個陣又聽到喎,心諗唔係咁....邪卦,點知突然轟一聲喎,真係離一離呀.....原來係洗衣機聲,我就唔理,再睇埋本小說啦....

點知.....當我聽到個洗衣機停左之際,亦係我本書中既高潮...又聽到個個Chap Chap 聲.....,.仲要愈黎愈大聲.....我開始驚啦....我就同自己講....睇埋好訓睇埋好訓.....睇睇下真係冇哂聲喎,我睇完就真係訓教......但係訓教又好似冇事.....

當琴晚同屋企人講番呢件事,但係媽咪話佢曾經有晚訓我張床都係類似呢d 聲.....呢d 或者錯覺....定真係有d 野...?

【Hugo成長日記】率先了解小孩的天賦潛能 ❤ 22Plus Talent Test (測試篇) 。★。

因乜解究Hugo 又要睇醫生? 仲要睇個咁靚既姐姐? 非也非也,Gogo 近來身體都暫時不錯, 係試過d 流下鼻水少少打咳次咁者 也許而家時代唔同,科技亦比之前更加唔同 好似之前唔會知道陀住既小朋友會唔會有唐仕既基因 而好似我之前亦因為係政府醫院...