2012年2月29日 星期三

【情人節2012】火辣辣曼谷之旅 の Day3 漫遊SIAM 商場(12/2)



Day 3 行程: 酒店早餐→
Siam Center Siam DiscoveredLOFT
富士日本料理
 Siam Square Termianl 21
Swensens雪糕屋
Mae Varee →番酒店宵夜→TIK Spa


轉眼間又第三日啦,雖然每日都係要係朝早八點幾左右起身,雖然都係有賴床,但係完全係冇係香港咁樣極之唔願起身
當然咁早起身就梗係為左落酒店食早餐啦,今日既早餐同琴日既差唔多,不過就係就黎完個陣多左個雞"除" wor!!!!
男友拎完之後我又唔客氣咁拎左佢左件黎食,佢問我好唔好食,我完全係食到停唔到最後男友拎多幾隻之後,冇哂


食飽飽之後就要沖涼洗頭化妝又出發啦!!!今日我地決定第一個目的地就係
 Siam Center ,
男友就話[既然我地有One Day Pass,加上又食飽飽啦,不如去搭BTS 啦!!!]
所以我地就搭BTS 去
Siam站啦搭BTS 之前,其實呢個商場每日都經過,
今日終於可以入到呢個商場影下相啦,其實係曼谷都有好多情人節裝飾架,
不過始終情人節既氣氛唔夠香港既咁高,不過都已經有好多女仔拎住花啦!
但係唔同香港咁,佢地係拎住一枝枝既多D 
送上愛情小兔子+小魔怪



當然要捉下男友同我影相啦,當你同左一個唔愛影相既男人拍拖,
你就會好似我咁,好爭取同你既Honey 影每一張相
我幫男友加工完後,我自己都狂笑原來我男友可以咁可愛架!!!


愈接近情人節,所以都要好多賣花賣公仔既檔位,
比大家睇下曼谷賣既野同香港既又幾唔同先呢



轉眼間我地又黎到
Siam Center 啦,其實我覺得呢個商場真係冇咩特別
我同男友講,[你覺唔覺呢度有D 似屯門市中心都係周圍係名牌],
不過唯一係有D特別既化妝品鋪,我發覺曼谷既人都幾愛韓國野啵!!!


當我地百無了賴咁行行行行個陣,又發現有D 情人節精選啵,
既然呢個旅行係情人節之旅就一於影下D 心心相先得架嗎
真心既,如果你係香港咁樣影法,你唔比人鬧或者唔比人啤住真係嚇死人 


All About Love In Feb

又係時候扮一扮中模先得

係呢個冇咩野行既商場,就轉戰左去隔離既
Siam Discovered 
因為我想去
LOFT 度買野買一套屬於我地2012既情侶衫
我知男友係香港佢一定一定唔會陪我咁癲架啦,所以難得今年係曼谷過就...焗佢著


LOFT其實係一間日系精品既公司,我覺得係完全係曼谷版LogOn ,
無論價錢好,賣既野好都同香港既Logon 冇分別,
但係唯一唔同既,就係佢有d 特別既家私電器同埋有d 特別既T-Shirt 
而係呢間
LOFT 又真係幾大間架,足足有兩層,
地址係
Siam Discovered 既4-5/F 最右邊方向最入既位置!
而今期佢地既主題係愛情,我諗佢地都會好似吉之島10蚊店咁,
定期會整D 節日限定公仔出黎咁架,今次就係機械人之戀(個名我作既XD)


比個小遊戲,大家估下....你估下以下呢舊野係咩黎?

我妹妹當睇到呢舊野個陣佢就話[咁似我d 鼠鼠個籠既
而買左我黎
 LOFT 既最終目的之後,就落左樓下既NaRaYa幫人買野啦xdd
用番張舊相頂頂檔先三年前我個陣掃到癲左-口-

 
三年後,我今次只係掃左第二行手指指住個黑色新款送左比同事,
多謝佢幫我呢幾日入面幫我清野,加幫我做我個d 野
第三行手指指住個個,係我家媽媽指定Oder 既,估唔到拆左出黎個效果又唔錯,
呢個袋係可以側揹架,其實我都鐘意呢隻桃紅色.都幾靚,Sharp 得黎又唔會誇張
不過我冇買一個比自己,因為我上次實在買得太癲啦,
仲有好幾個都未拆袋,所以今次決定唔買袋!
買左個裝唇膏梳仔既小型化妝袋比自己算啦

掃左一大輪野之後,男友就話佢有d 餓....
我真係頂佢唔順..食完早餐幾耐呀!!!又食....
不過其實我知佢有心想食佢黎親泰國最愛食既日本料理餐廳
咁見佢咁想食,就捨命陪君子啦!!!!

想唔想知點解我男友咁愛食呢間日本料理餐廳?仲想唔想知我地食飽飽之後又想邊?
記得等我既下一篇文啦!!
【情人節2012】火辣辣曼谷之旅 の Day3 曼谷必吃的日本餐廳 

想找找小魔怪?歡迎來以下地方找找我

E-mail: man_man811@yahoo.com.hk
My Blog :  http://blog.yahoo.com/siuangelbaby/ 
AngelBaby。 In The Beauty World | 宣傳你的專頁
  








 

2012年2月27日 星期一

♥ 謝謝你 @ 讓小女生當上這個角色 ♥


在二月的最後一個周末,是我在2012年第一次當人像Model 呢
說真的,我沒有美美的樣子,沒有好既身形,最重要的是...我是不懂擺Pose 的
要人家找我做Model 是機率很低的,多數也是我一位朋友RX 會找我跟她出去拍拍照嗎!
就是找我男友跟我拍拍啦...那些不算是當Model 嗎,其實我很想到赤柱再影影呢
今次真的很驚喜,有人會找上我當他第一次拍人像的Model 呢
雖然今次的攝影師不是任何外人,他是我公司的Sales Eddy!


說真的,他是我比較喜歡的Sales 之一,因為他從來不會致電倉問我,
點解佢d 單唔排車?點解佢d 交具單唔執?點解仲未有佢d 集單...etc..
說真的,雖然我有偷懶打Blog,我是沒有認真功作,但是嗎,我們也真的很忙...不能每位也能應付!!!
最最最討厭的就是,他們最喜歡說,我係幫公司搵生意番黎架,你認為老闆幫邊個...
係呀!你地搵生意番黎,咁如果冇我地幫你打單,print 單,安排送貨,你地做唔做到生意呀!!!!
超超超超討厭,還說我態度差,對!我對住你地呢班咁既Sales 就是這麼態度差,
我做人就係咁架啦,人對我好,我對人好!!!

好像有的離左題....不好意思
說起我公司的Sales 就是真的很火嗎.....
而今次當人像的地點是打算到大埔的,而目的地就是火車博物館同埋大埔海濱公園
可惜的是...天公不做美~
一整天也在落著一絲絲雨粉,還有點很凍的感覺,
但係當上Model 就不能怕凍怕下雨嗎...
所以最終是去不到
大埔海濱公園拍照...
我們也是到了火車博物館...我原意是想用照片說故事,
但未知相片是怎樣呢,希望沒有令我的攝影師失望吧...
我今次專登的不看所有照片,就是希望Eddy 做完後期後,會有驚喜之作吧

在拍照的前夕,我們當然要去吃東西啦
當然由我呢個小小新界人帶他到大埔新街市吃東西嗎,
今次去食既就係良記食最出味既豬扒麵
上次跟Rx 吃的不太好食,但係今次雖然等好耐,但係好食左wor



只需要$25你可以吃到一個即炸的豬扒/雞翼!!!!
如果你有機會就真的要來大埔新街市2/F 的良記了...
不過個人認為雞翼更好吃如果有兩個人來吃的話,可以兩款試哂呢...



最後我也要感謝我的攝影師Eddy,要由公司走入大埔替我拍照,
我很期待你的照片,也謝謝你給我留言,


[Eddy:
多謝Angel, 俾我一次咁寶貴既機會, 俾我儲我既影人像經驗值.
妳好專業, 非常懂得擺POSE, 同完全唔怕閃燈, 多謝妳. ]
對,我是不怕閃燈,當Model 是不能怕閃燈的嗎
但是Pose 方面還是不太完善,我會努力改善的
雖然未知相片如何,相片到手的時候
我一定一定會Post 上網給你地睇既..到時比d 意見我wor...

題外話:這篇文嗎~其實我完成左曼谷遊既Day 2 後打既,同時我也在跟男友通電話中
我:[honey 呀,我終於打完Day2 啦!]
男友: [下!而家先打完Day 2?咁幾時先打到Day 5呀?]
我:[我個Day 2出左三篇文呀!]
男友: [嘩~而家叫你作文咩!三篇....]
我: [我呢d 叫詳細,鬼叫我地個日食得多野,咁費時成篇文鬼咁長啦]
男友話冇我咁好氣,就叫我快d 訓
最後...當想睡覺的時間,又想出埋呢篇文
完結這篇文時又在播"晚晚星期六"
對...我真的想每晚也是星期六,那我就有時間打Blog 呢!!!!!

想找找小魔怪?歡迎來以下地方找找我
E-mail: man_man811@yahoo.com.hkMy Blog :  http://blog.yahoo.com/siuangelbaby/ 
AngelBaby。 In The Beauty World | 宣傳你的專頁
 



【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩 一定答【打邊爐!!!!】 最好仲要係任食個d ,雖然食材一定唔係咩靚料 但係對於我地呢d 有時唔知諗食咩好 又或者想食飽d,除左放題打邊爐絕對係我不二之選 早前去開荃灣剪頭髮, 再Join 番老公同Go...