2008年6月26日 星期四

私有化......

因為發覺公司係有人知我有blog

成日睇我d 野....就好似之前陳老所發生既一樣...

從今日起.....我會將某部份日誌會私有化.....

咁當然出得街個d 跟係放出黎啦!!!!!

今日.....真係超唔開心....

一個風神攪到我做野亂哂龍

又加上月尾....我又要一個人做好多好多野...

雖然有個新妹妹番工....佢都好乖好叻

但係好多野都係要自己做....

話說今日成4點先開始剔單.....

突然阿頭又走入黎叫我....

記得改卡...改加價信個d 卡....

我一句.....咁唔洗打電話?

佢就唔鐘意仲要同哂成村人講我有幾唔岩....

雖然媽媽有幫我口....咁又點....

做錯個個咪又係我....咩都我唔岩....

咩心情都冇.....我有幾多對手???

我一日有幾多個鐘頭做野呀!!!

你咩都比哂我一個人做....

你自己又係做自己野

咁我本身d 自己野又邊個幫我做呀!!!!

又成日好話我堆埋堆埋d 野唔清

你教我啦....你教我點清d 工作啦

之前申請放假又好鬧我唔一早同你講

我神早同你講,你都係唔記得架啦

又話唔夾下同事....唔理人地感受...

老闆呀!!!!我而家放一日咋

唔係放成個禮拜呀!!!咁都可以講我一餐

我真係開始明點解你d o靚走得咁快

個個叫我唔好同佢硬拼硬

唔係點唧.....我份人就係唔開心就放哂係個樣上面

唔出聲又冇禮貌......出聲又話駁咀駁舌

咩叫答句哦...好呀!!!冇意思....

開頭都諗住真係死都捱到出年新年...

拎埋個花紅....而家真係要好好考慮下仲做唔做落去

好辛苦!!!!成日都話我好幸福.....

起碼唔洗咁辛苦

我唔辛苦......成日都收成12點

晚晚番到屋企都成9-10點

我番9-6 架....唔係番9-12 或者 9-8 架.....

人都傻啦......真係好想補錢即走....

奈何......我咩都冇....冇料冇工作經驗....唉



2008年6月25日 星期三

去邊好@@?揀揀揀....

仲有2個星期就係大肥生日啦


咁個日都請左假想同佢玩足一日


唔知大家有咩好意見可以玩得開開開心心


我有諗過去山頂..又諗過去赤柱


但係呢...仲有冇D 地方夠哂浪漫?


同埋有冇自助餐又平又好食架???


我頭先睇人地話 Todai $302-320/人


唔知有冇朋友仔食過呢?


係咪送野飲???


2008年6月24日 星期二

大肥生日禮物 ----第一炮 回憶集

原本整大肥既生日係一個十字鏽....


但係因為成日都整錯左......


又拆又攰....


最後都係整左一個回憶錄


係一本相簿記住我地之間既回憶.....


但係原來都整唔夠一本相簿


但係都叫好過冇呀!!!!



封面係我幾愛既Kitty 好靚架本相簿



呢個係我既第一頁.....右邊係綁住左c 帶


因為呢本係一本書嗎xdd


我地2006既開始既相....



左面就係06年既冬天 ,右邊係 07 既1月



07年 3月布吉之旅....




左面就係 07 既大肥生日....係第2年啦


右面就冬天既事啦



08年既1-3月.....



08年既5-6月.....




數數埋埋都冇100張相囉./....仲叫做多相.....


唔知大家對我呢本回憶錄有咩意見....


有冇朋友仔想買電話?

唔知有冇人想轉電話但係又諗唔到買咩機


而家有部用左唔夠一星期 既 W910I


完全冇壞完全正常...


只因朋友仔唔慣用SONY 既機


所以先急住放機....


保証原裝廠機.....唔係水貨


2000蚊 白色機 包一張1GB 卡


有興趣既問題可以留言....


一定會解答你既問題....


 


慰勞宴@尖咀香格里拉酒店自助餐

今日好準時收工.....因為我地要去食自助餐


但係太多人又唔番工其實今日都好趕....個個都好急攪到大家好亂


終於收工搭的士落尖咀....一去到就見到一大班女仔著到仲勁過去ball既人....不過d 香水太重啦.....仲勁過我公司d 香精味


跟住一上到去就開始食食食食....


真係一開始就魚生好厚好好味


仲要係冇哂唔緊要佢會不斷加加加....


跟住就個d唔知係咪叫"羅"仔


食個幾舊再食下d 熟蝦


開始又食下d 熟食.....


食食食食.....


原來食左1個鐘已經好飽


開始食甜品.....


跟住有同事講今晚會掛8號


但係聽朝即係唔掛.....都係死,,,,


我唔想開工!!!!


跟住同成班同事係咁影影影....


又好嘈攪到比人投訴


其實我地都唔係好嘈唧


之後同事車我地番去.....但係早知我坐前座啦


冇計有人要搶左坐......


始終覺得女仔對司機係有野.....


唉....




2008年6月19日 星期四

一夥恨嫁的心心心心........xdd

今日同左陳老老,iris 上左去阿南度試衫...

原本係上去揀姊妹裙....

點知我恨嫁既心又發作...

一見到d 婚沙同晚裝即刻上身一樣

我要試我要試xdd

仲興奮過就擺酒既.....陳老老xdd

一試就睇中金色晚裝

或者上次見到親戚個女著個件....

已經一見愛上...




我要結婚著金色晚裝xdd

首先一開波就見到呢件就好鐘意







整光左同cut 番個裙圖出黎




第2條金色裙....雖然感覺好似Young d ....始終我都係鐘情第一件




婚沙都玩埋....都唔知幾時嫁.....xdd

所以一切都係試.....

玩完完婚沙就番屋企啦....

原來每個女仔真係好恨披上婚沙既感覺

今次我試到啦.....

掛住講婚沙,晚裝....

點都要做番本來要做既野既....

就係試姊妹裙啦.....我地一致決定用湖水綠XDD

因為隻色夠特別





呢度5套有3套要左....又估下我地要左邊幾套....

又想睇下我地著成點就要......等張太擺酒D相啦

2008年6月9日 星期一

回鄉探親日....




本身1日好好既假期.....就係因為想上去探我爺爺

轉眼間都好多年都冇上過

神早7點2呢...就比老豆叫醒左

仲慘過番工呀!!!不過算啦....都係一次唧

足足坐左1.5個鐘頭巴士番上去大陸

真係好老實我1定接受唔到大陸既生活

多蚊多烏蠅....趕極都唔走....

不過好彩今日都去一日來回

我鄉下d 親屬都變哂

爺爺老左好多....

堂弟堂妹大到我完全認唔到

d堂姐個個都生哂bb唔係就有左....

個個見到我都話雯雯你廋左好多呀~靚左好多呀!!!

我即刻回想....我肥個陣都係好似係中2開始.....

真係想知我中學時代有幾肥xdd可以問問包包

因為佢係我師姐呀~^^

係屋企悶左一日......最終食埋晚飯~

6點車8點落番深圳........

就完結我呢日既假期.......

番緊屋企既時候.....我2妹同我嘩....哈士ki

我話咩哈士ki呀....

我望一望就係佢好鐘意個隻雪橇狗呀!!!

我好多次收工都見到呢個男仔拖住2隻雪橇狗

我媽又見過2次

唯獨我阿媽有幾次專登8點落去等個男仔

點知今次比阿妹見到....阿媽即刻幫阿妹"節"個靚仔

阿媽就講阿妹落街想見佢隻狗既事件...

佢笑左一笑....佢隻狗好熱情...

我地同佢玩呢佢好熱情

但係佢撲上黎我身度都有我腰咁高呀

又好重架佢地...

真係唔明點解個男仔廋到咁都拖得住2隻大狗...

阿妹話呢d狗好難養....少d 心機都冇可能攪得掂

同埋佢地食既野唔係下下香港有得賣....



2008年6月8日 星期日

暴風雨後的星期天....

之前同大肥鬧左場大交....本身既2周年都係自己一個過


加上大肥因為盤點都已經好煩


攪到呢個2周年我喊到眼都腫埋


多得meme 陪我傾完先叫明白自己有幾無聊


嬲得幾冇謂...喊得幾多餘


琴晚因為黑雨都要番工攪到個人仲攰左


所以一收工番到屋企就訓死左


得閒個陣就影左同佢2年內既相...


原來同大肥2年都影唔知有冇100張相....


唉.....真係過份...XDD


不過今個星期日係佢盤點後最開心既1個星期日


平時佢盤點個個星期日1定係我自己訓教或者睇電視或者自己係度睇漫畫......因為佢要諗解釋點解會差咁多數...


今次終於唔洗由於佢今次盤點成功XDD


佢話我送比佢鏈帶比佢幸運呀!!!如果係就好啦....大肥快D 去買6合彩...


好開心呀!!!我同佢1齊咁耐.....都盤點左4次啦.....4次都係得今次唔洗比佢老闆插佢咋!!!


今年書展漫畫展終於可以陪佢去癲下啦........


咁今日亦由係屋企變左出街.....


今日我地就出發去荃灣及葵芳啦



要出去就梗係要搭巴士啦......原來今日起加價....又加價....人工又唔加.....唉....



係等車個陣自己不斷自拍....呢張就係我最鐘意既一張(但係之後都影唔番咁既Feel,有時影相就係咁...靚得1句其他就唔會跟住咁靚)


唔怪得人地話化妝係女人既天物.....無錯


我化左妝變左幾唔同......XDD


點知係車度撞到個小學補習同學


其實有幾次都撞到佢...因為佢而家同佢男友1齊住.....而家佢住我隔離樓架咋.....


今次傾左2句都唔敢阻住佢...


落到荃灣就同大肥去食小巴黎....


食完行左1陣千色....買左對啡超.....99蚊...


(我要同陽光玩遊戲)


去左睇相簿....為左大肥既生日禮物準備


跟住落番葵芳去左買飛去睇"The sex and the city"


yoyoyo......真係唔明......雖然套戲係3級唧


但係呢我今年8月都21啦.....唔係唔比我睇呀!!!!


比大肥笑我.....仲要話我智商已經都唔夠10歲...


個樣仲要唔夠18歲.....


我都覺得ok呀套戲.....有笑位有感動位


有攪野位....有波有dede睇.....攪到大肥唔知睇唔睇好


呢套戲好多女仕們睇.....睇到we 嘩鬼叫xdd


但係當睇到有個女角結婚但係新郎悔婚時我都眼濕濕


因為我都好怕....當我結婚時.....新郎會唔出現


我同大肥講如果你真係會同我結婚....


1定唔可以唔見左人...唔係我唔單好似carrie 咁變得咁殘


我可能真係會為你而去死架....


一句傻妹....攪到唔知有咩反應


睇到都差不多8點幾.....跟住去左葵涌廣場行左陣....話唔買衫唔買衫


最後咪又係買左2件xdd


由於諗唔到食咩就做番老決定....


和民同Pizza Hut 拎飛邊間有位就食邊間


今次就中左Pizza Hut


但係真係冇咩好食....不單又貴又少野食


平時可以飲凍朱力都要加8蚊呀!!!!


餐廳都係加2蚊唧.....


就叫左個208套餐




呢個係3文魚班check 前菜




唔好睇少呢個Pizza 真係幾銀胃.....我對住佢真係哂完咁!!!



搭地鐵過大窩口搭車番粉嶺啦...因為大肥話轉車1定企死我.....仲要著住高跟鞋死係度都似...



唔開心完就煙煙銀銀下先得架嗎......做人咁先完美架嗎


不過大肥好似冇同我影過好似咁既相架XDDD


今次真係第一次呀!!!


2008年6月5日 星期四

真心的多謝...

我真係好想係度同你講一聲多謝...


係我最唔開心最無助既時候,你都不斷的聽我講


係我完全唔知應該點做既時候,有你陪住我


係我最嬲緊既時候....你同我分析對與錯


你一知道我有幾唔開心....你情願唔訓都陪我傾


我最無助時有你.....


今次冇事真係要多謝你


唔係你同我解釋我諗我d 火到而家都未熄


唔係因為你...我諗我地唔知要冷戰到幾耐


唔係因為你我都唔知我d 眼淚要流到幾耐.....


唔係因為你我都唔知我真係有著緊佢


唔係因為你我可能到而家都唔知我真係比你更野蠻


 


 


真係千言萬語都講唔哂我既心入面既感謝....


好多謝你今次令我冇失去一個我好愛既男人....


好多謝你令我冇做一個野蠻女友.....


多謝你.......Meme.....今次冇你1定死硬..


2008年6月3日 星期二

給 L 先生的一封信....

My Love,


今日係我地2周年紀念啦!你知我等呢一日等左幾耐?有幾期待你知道嗎?


原來維繫一段感情真的不易,每當我們鬧交後,我都會好怕你會離去....


我知道我有多任性,我知道自己有多不好,我絕對不會是一個好女友!


但係我知道我有一夥最愛你的心...我想其他人沒有的嗎?


今天我本想過得很快樂很驚喜,可惜這一天我們也許一點也不快樂


昨晚差不多12點的時候你來電,我沒聽!因我知道我接聽後只會再一次的大戰


當12點收到你的SMS....我真的哭了....


內容是"祝我們2周年快樂渡過"


看到眼淚不斷的流....我哭是因為感動還是我知道今天一點也不快樂嗎?


情願要你辛苦的與我SMS....明知你不懂打字也要你不斷的SMS....


我真的很期待今天與你慶祝這一個2周年


你卻話唔洗咁啦,平凡是福嗎....


無錯...平凡的確是福......


但我也很想很想你會有一點驚喜給我


一點也給我好嗎?每次你贈我禮物雖然每樣也喜歡


今次我不需要一點點的禮物...


我只想得到你的一句....對不起


你只要今天哄我一哄.....我一定不會再氣了....


你會記得這一天真的真的是我地既2周年嗎?


到現在你沒有一個來電!


你知道我有多期待你的來電


我因為你的信息我哭了多少次


你每次也要說一些說話激嬲我...


每次也要令我嬲得著哂火.....


大家姐說....你每次要激得我著哂,係因為想知我著唔著緊你....


真的一個笑話....雖然我口中說有幾唔擔心你出面唔會有女人


但係我真係咁放心...我又會唔會....成日落你鋪頭搵你


傻既人都明啦....................


一段msn 中的對話

前日同個舊同學Chat 左一陣...

但係早知唔Chat 好過Chat....

話我見到C 小姐呢話去泰國;問佢幾時去啦?

我: 咦 ?你9月去泰國呀?

C : 係呀!我9月去呀!!同佢去囉....

(佢 就係我既初戀男友 M 先生)

我: 哦....咁你地9月幾時去呀?我諗住9月尾去

C : 我地諗住9月頭呀!本來想8月架....但係好貴呀!!

我地諗住每人帶一萬過去呀

我: 洗唔洗一萬咁多呀?

---------------------Skip--------------------------------

C : 係呀!我老公話喎同我去旅行,今次去完泰國下年去日本喎

我: 好呀!去日本...我諗我會遲D 先...

C : 係呀!我老公話想開壽C 店喎咪陪佢行個轉囉...

---------------------Skip--------------------------------

C : 我地呢排成日都出MK 買野裝飾我地間房呀!

我: 我一早攪左佢間房啦XDD連屋企都放左好多

C : 你奶奶咁好既,你放野都唔鬧你既....

我: 奶奶? 我未嫁住....佢阿媽都幾錫我既...

C : 你就好啦! 我奶奶就唔好啦....買少少野都問長問短,我話過第時一定唔同佢2老住架...

我: 你唔係到而家呢一刻先知佢阿媽係咩人呀?

C : (靜左)....係呢,你幾時結婚呀?

我 : 計劃緊....睇下儲唔儲到錢先啦

C : 係?你會請我架呵....

我 : 會!一定會啦.....你同M 都會黎架呵?

C : 我老公未必啦....我地都儲緊錢呀!!佢一個都儲5000架...

都唔知幾時先儲到個個數....



當完結呢一次既MSN ..就回想....

如果他當初對我好似對C 小姐咁好既,,,,我諗我地而家都可能結左婚啦.....計計下如果我地而家仲一齊緊都有七年.....當初如果你唔係咁對我既,,,結果都唔會好似今日咁,我一路都對C 小姐 冇咩好感...一來佢同左M 一齊,而一齊既原因就係因為負責任......

當初你每次追回我時,,,都會說有多愛我.....仲好鐘意我,冇左唔得咁樣.....但係點解?當我每次心軟番你身邊....你....你只會對我好一星期....一星期後永遠也只會發我脾氣....完全打回原型.....還記得我的十八歲生日嗎?我千叮萬囑叫哂我既朋友唔准你到我既生日會...你就苦苦哀求B 小姐 點都話你知我地係邊玩.....好...你既十派係令我好開心....你送上三年半來最貴的禮物給我.....就是Play boy 手錶及相機一部.....就是這2份禮物...我以為你會為我改變.....我以為你真的是愛我,,,,誰料....這次你完全的把打入谷底...

這次我真的失望了.....為你....我流了多少眼淚.......為你.....我的手上有多少傷痕......為你...我在你家中門口等了多久.....為你....為減肥而一度入醫院......做咁多野我為邊個?就係為你呢個負心人.....說好愛我....但係你從來沒珍惜過我.....直至我遇上另一個他....你才再一次追求我...男人係咪犯賤....我有人追有人追時你又追到我天腳底都要追我.....好啦...知我失戀知我最想有人錫既時候你又好對番我....仲要SD 張相比我同我講我這條鏈沒有你的另一半.....永遠也不會完整....你不斷的感動我...當我說....給我多一點時間....我說我真的想清你一點....

你卻又走去交友網識女仔....That'OK...我也能識一個比你更好....沒多久我也識了新友...而你也好像新戀情......

我也覺得你好神通廣大...你身在中環工作...你卻知道我可時失戀的...可惜你沒想到....我已經不是你當初認識的雯雯....我變了...也因為你我才會令自己變得不同....

當我遇上大肥...你再一次的追求....可惜你這次的追求...我很怕你......怕得要狠....你會我家的附近等我....你會到百佳中找我....當初也以為可以和你可以做回朋友....誰知.....原來你這樣可怕....前年的聖誕你說買了飛要與我去嘉年華....因他曾說要帶我去....可惜我已同大肥去了...而你卻同了C 去.....而你們亦因酒後發生關係嗎?你會知道我有咩感覺?我只會覺得你是傻瓜....你會知道C 小姐是什麼人.....既然你決定你要去愛這個人....真的麻煩你.....別說我曾是你的三年半女友....我冇咁既榮幸.....

我討厭給人比較我與你的女友.....別再給我聽到你女友口中,,,你女友說你不捨得我.....還想與我拍婚紗照,,,我將來的老公一定不會不會是你.....梗加不要聽到你女友說我不夠她細心溫柔.....

愈想愈討厭這個不知所謂的你....

愈想也不知道當初為什麼要苦苦哀求要與你走在一齊....為左D 咩?

【Hugo成長日記】率先了解小孩的天賦潛能 ❤ 22Plus Talent Test (測試篇) 。★。

因乜解究Hugo 又要睇醫生? 仲要睇個咁靚既姐姐? 非也非也,Gogo 近來身體都暫時不錯, 係試過d 流下鼻水少少打咳次咁者 也許而家時代唔同,科技亦比之前更加唔同 好似之前唔會知道陀住既小朋友會唔會有唐仕既基因 而好似我之前亦因為係政府醫院...